ЯМОХ

Цагаан сар 2010

2010-02-19T18:42:00.006+09:00

Сайн байна уу? Оюутан залуучуудаа.

Сар шинэдээ сайхан шинэлцгээсэн үү?

ЯМОХ-ын дараагийн үйл ажиллагааны нэг болох “Цагаан сар 2010” маань 2010оны 2сарын 27нд зохион байгуулагдах гэж байна.

Монгол ахуй, Монгол зан заншилаа сурталчлах ажлын нэгээхэн хэсэг болгож, Японд суралцагч Монгол оюутнууд бид Монголд элэгтэй Япон хүмүүст эрт дээр үеэс уламжлан тэмдэглэж ирсэн "Цагаан сар" арга хэмжээгээ зохиож байна. Япон Монгол хоёр орны цаг агаарын ялгаатай байдал зэргээс болон Япончууд өвлийн улиралд тэр бүр Монгол явж чаддаггүй. Тиймдээ ч талын Монгол айл, хүмүүс өвлийг өнөтэй давж, урин дулаан улиралтай золгож байгаагаа бэлгэддэг энэхүү цагаан сарын тэмдэглэлт, үндэсний уламжлалт баярыг маань сайн мэддэггүй билээ. Бид, оюутнууд энэ л боломжийг тэдэнд олгож, Цагаан сар, өвлийн улирлын нэгээхэн хэсгийг тэдэнд мэдүүлэх, эх орноо сурталчлах зорилготой. Ингэснээр нэг ч гэсэн Япон хүнийг эх орныхоо зүг хандуулах, Монголын тухай мэдлэгээ нэмэгдүүлэх, шинээр мэдэж аваасай гэсэн хүсэл оршино.

Оюутан залуус та бүхнийг “Цагаан сар 2010”-д хүрэлцэж ирж Цагаан сарын уур амьсгалыг мэдэрч, хамтдаа Цагаан сараа сайхан тэмдэглэхийг урьж байна.

Монгол хүн бүрийг дээлтэйгээ ирэхийг хүсэе!

Хэзээ: 2010оны 2сарын 27

Хугацаа: 17:30-20:30

Такс : 4000円

(Оюутан 2000円)

(Зохион байгуулалтанд оролцсон хүн таксгүй)

Хаана: Япон дахь МИАТ-ийн хурлын заал

(ミアト（ＭＩＡＴ）モンゴル航空の会議室

株式会社　チンギスハーン旅行

東京都荒川区西日暮里5-15-7投資ビル２階

газрын зургийг эндээс харна уу

http://maps.google.co.jp/maps?q=35.731752,139.768054&hl=ja)

Хэрхэн бүртгүүлэх: 2-р сарын 24-ны дотор

tsagaansar2010@gmail.com хаягаар

1.Нэр
2. Сургууль
3. Холбогдох утасны дугаар
4. Мэйл хаягаа ирүүлнэ үү.

Жич: Цагаан сарын өдөр бууз, хуушуур хийлцэх, зохион байгуулалтанд туслах хүн хайж байна.

Зохион байгуулалтанд оролцсон хүн такс төлөхгүй болно.

Нэг өдрийг үр бүтээлтэй, хөгжилтэй өнгөрөөж найз нөхдийнхөө хүрээг тэлэхийг хүсвэл дээрх утсаар холбоо барина уу

Холбоо барих утас:

Д.Дэлгэрдалай 080-3340-0360 (Softbank)

Д.Мөнхзул 080-3531-7619　(Softbank)

Б.Ундармаа 080-3596-8824 (Softbank)

Хаврын Баярын үйл ажиллагаанд оролцох сонирхолтой хүн хайж байна

2010-01-22T00:13:00.013+09:00

Сайн байцгаана уу? Оюутан залуучуудаа.

Өдөр ирэх тусам гадаа хүйтэрч өвөл цаг ид дундаа орж байгаа ч ЯМОХ-ын Удирдах зөвлөлийн гишүүд маань Хаврын Баярын ажилдаа аль хэдийн ханьцуу шамлан орсон байгаа билээ. Энэ жилийн Хаврын Баяр маань “Хөх тэнгэрийн оронд 20 жил салхилсан салхи” сэдэвтэйгээр 2010 оны 5 сарын 2, 3ны өдрүүдэд зохион байгуулагдах гэж байна.

Хаврын баяр бол Япон улсад суралцаж буй Монгол оюутнууд цөм болон, Япон улсын иргэдэд Монгол хэл, ёс заншил, түүх, урлаг соёлоо танилцуулдаг баяр билээ. Олон найз нөхөд болон япончуудын тус дэмжлэгтэйгээр баяраа зохион байгуулж, цагийг хөгжилтэй, үр бүтээлтэй өнгөрүүлэх нь “Хаврын баяр”-ын нэгэн зорилго юм. Энэ баяр нь Япон оронд зохион байгуулагддаг Монголыг танилцуулах хамгийн том баяр юм. Энэ утгаараа Монголоо гэсэн залуучууддаа Хаврын Баярыг зохион байгуулахад хүч нэмэрлээчээ хэмээн уриалж байна.

Хийх ажил маш их тул та сонирхсон ажилаа хийж болно. Жишээ нь Япончуудад Монгол үлгэр ярьж өгөх, үндэсний тоглоом наадгай зааж өгөх, загвар үзүүлэх, хоол хийх, хог ялгах гээд янз бүрийн зөндөө ажилууд байгаа. Япон оронд Монголоо суртчилах энэ ажилд өөрийн хүч хөдөлмөрөө нэмэрлэх чин хүсэлтэй залуус та бүхэн бидэнтэй доорх хаягаар холбоо барина уу!

Хаврын баяр дээр ирээд хуушуур бууз идчээд буцах бус энэ 2 өдрийг хөгжилтэй, үр бүтээлтэй өнгөрүүлцгээе!

Холбоо барих Утас : 080-3531-7619

Email: hb.bosyuu@gmail.com

Нэр, утасны дугаар, сургууль, mail хаяг, юу хийх сонирхолтой байгаагаа бичээд явуулаарай. Одоохондоо юу хийхээ шийдээгүй бол бичихгүй байсан ч болно. Доор бичсэнээс өөр ажилууд ч байгаа.

(Жич：Сайн дурын ажил болохоор цалин хөлс байхгүй гэдгийг анхааруулъя!)

Ажлын жагсаалт:

1. Дээл өмсөж үзэхэд туслах 4 хүн

2. Үндэсний тоглоом тоглуулах 4 хүн( хариуцах 1 хүн,1өдөрт 2,2оороо)

3. Үлгэр ярих 3 хүн (хариуцах 1 хүн, 1,1 өдөрт 1,1ээрээ)

4. Монголын талаарх асуулт хариулт 2 хүн(хариуцах 1 хүн)

5. Stamp rally 4 хүн, (хариуцах 1 хүн)

6. Фото зургийн уралдаан 2 хүн (хариуцах 1 хүн, энэ чиглэлээр суралцдаг эсвэл мэргэжлийн хүн байвал сайн)

7. Фото зургийн үзэсгэлэн 2 хүн(хариуцах 1 хүн, энэ чиглэлээр суралцдаг эсвэл мэргэжлийн хүн байвал сайн)

8. Кино үзүүлэх 2 хүн(хариуцах 1 хүн, энэ чиглэлээр суралцдаг эсвэл мэргэжлийн хүн байвал сайн)

9. Бөхийн засуул 4, шүүгч 4 хүн(хариуцах 1 хүн)

10. Зохион бичлэгийн уралдаан 4 хүн(хариуцах 1 хүн)

11. Гэр барих, буулгах, хүмүүст тайлбарлах 20 хүн(хариуцах 1 хүн)

12. Морин хуур хүмүүст зааж өгөх 1 хүн

2009 оны Зуны Вооркшоп

2009-08-19T16:05:00.002+09:00

2009 оны 8-н сарын 18
Монгол улс, Улаанбаатар хот

Японд суралцагч оюутнуудын жил бүрийн зун зохиодог "вооркшоп" зуны ажил
энэ жил гурван хэсгээс бүрдэж байна.

Эцэслэн агуулгыг шийдээгүй ч, одоогийн байдлаар доорх мэдээллийг хүргэе.
Гэрийнхэнтэйгээ уулзах, цагийг хамт өнгөрөөх, амрах, хөдөө явах, шоудах,
эмчлүүлэх, сургалтанд суух, ном унших, зусланд гарах, гэрээ тохижуулах...
гээд олон ажлынхаа заваар оюутнууд маань идэвхийлэн ажлуудаа урагшлуулж
байна. Сэнпай нараас Наска сэнпай оффисоо ашиглаж болно гэж бас хэлсэн.

Амралтаараа ирсэн та ч бас, хошуу, хуруу нэмэрлэхийг хичээнгүйлэн хүсч байна.
Танидаг мэддэг найзуудаа уриалан бидэнтэй холбогдоорой.
Мөнхзул: 8881-2853, Тулгаа: 9981-0696 Булгаа: 9923-8223 Дэрмээ: 9169-0377...
(бид нар олуулаа хэ хэ) Монголд ирсэн чинь, мэйл бага хэрэглэж байна. Голцуу
утас юм. Мэйл бичвэл ЯМОХ-н мэйлинглистээр цацаарай.

Мөн Японд суугаа та ч бас, тусалж чадна. Өмнөх жилүүдэд хийж байсан зуны
ажлын дүрс бичлэг, тайлан материал байвал цуглуулж өгнө үү.

Бас Японд янз бүрийн шугамаар сураад энэ өдрүүдэд Монголд байх сэнпай
нарыг танилцуулж өгөхийг хүсье. Хувийн зардлаар суралцсан агуу туршлагатай,
төгсөөд ажилласан, доктор хамгаалсан ... гээд л мундаг сэнпай нарын маань хүнд
итгэл, мөрөөдөл төрүүлэхүйц чанартай яриаг хүргэхийг зорьж байна.

Тэргүүн ажил. Японд суралцах талаарх "шууд" зөвлөгөө
хэзээ: 2009 оны 9-н сарын 16-ны өдрийн 16:00 цагаас эхлэнэ
хаана: Монгол-Япон төв, Их танхим
хамтрагч: ????? телевиз
Нийт орон даяар цацагдах сувгийг сонгон нийтэд үнэн бодит
мэдээлэл өгөхийг зорьж байна.

Дэд ажил. Сурах бичгийг "хомсдолтой" газар нь хүргэх
хэзээ: 2009 оны 9-н сарын 2-ноос 3
хаана: ?????? аймгийн ????? сумын ???-р ахлах сургууль
Өрхийн дундаж орлого доогуур уурхай, малын тоо цөөн сумыг
шигшээд хамгийн эрэлттэй газрыг сонгохыг хичээж байна.
төсөв: 2 түм йэн
хэнд: 10, 11-р ангийн сурагчид
юуг: 2009 онд шинээр хэвлэгдсэн сурах бичиг

Гутгаар ажил. Мод тарьцгаая, мэдэцгээе
голлон зохион байгуулагч: GNC
хэзээ: 2009 оын 9-н сарын 6-наас 12
хаана: Төв аймгийн Баянчандмань
линк: http://www.kyouzon-gnc.com/proejct/ecotour.html
Жил болгон мод тарих, байгаль орчноо хамгаалах сургалт
явуулдаг билээ. Энэ талаар Тугаа маань улам дэлгэрэнгүй мэдээлэл
өгнө гэдэгт итгэлтэй байна.

Сүүл хүртэл нь уншсан таньд баярлалаа.

Далайн аялал 2009

2009-06-01T01:55:00.005+09:00

Зохиогдох өдөр: 2009-06-20, 21

Зун цаг хаяанд ирлээ. 2-р курсийнхан маань жил бүр уламжлал болгон зохион байгуулдаг "Далайн аялал " маань шинээр ирсэн коохай нартайгаа танилцан, найз нөхдийнхөө хүрээг тэлэх, оюутан залуусын хооронд дотно сайхан нөхөрлөлийг бий болгох зорилготой билээ.

Энэ жилийн "Далайн аялал 2009"-өөр Шизуока мужийн алдарт 伊豆　хойгийн далайн эрэг рүү аялахаар тогтлоо.

Номын сан, лекцийн танхимаасаа түр холдон зуны дэлгэр цагийн зугаатай 2 өдрийг далайн эрэг дээр хамтдаа хөгжилдөн өнгөрөөцгөөе.

Аялалд оролцох хүний тоо хязгаарлагдмал байгаа тул та бүхэн яарцгаана уу.

Бүртгэлийн хугацаа: 6/1-6/7 (Эцсийн хугацаа 6/14)

Бүртгэх хүний тоо: 40

Байрлах газар: http://www.at-s.com/bin/yell/yell0020.asp?id=C844078831

16-20 хүний багтаамжтай 2 байшинд хуваагдан орох болно. Ариун цэврийн хэрэгслээ өөрсдөө авчрах шаардлагатай.

Цуглах газар: JR新宿駅西口　新宿センタービル前 (Газрын зурагнаас үзнэ үү http://www.tatemono.com/buil/jan/ricchi1.html ）

Цуглах цаг: 6 сарын 20-ны 10:00 -10:20 (Автобуснаас хоцорсон тохиолдолд өөрөө явж очих, эсвэл cancel費 төлөх гэх мэт хүндрэлүүд учрах тул цагаа баримтлахыг нийт оюутнуудаасаа хүсье. )

Үнэ: 12000円 (Бүртгүүлэх өдрөө төлнө)＊

Төлбөр төлөх: Зохион байгуулагчтай уулзаж бэлэн мөнгөөр төлөх, эсвэл доорх　данс　руу шилжүүлэх (зохион байгуулагчтай заавал холбогдож ямар данснаас явуулахаа хэлэх шаардлагатай)

三菱東京ＵＦＪ銀行　武蔵境支店　普通預金　アマルサイハン　エンフマンライ464-1761707

＊Бүртгэлээ цуцалсан тохиолдолд цуцалсан өдрөөсөө хамаараад үнийн тодорхой хувийг төлөх болохыг анхаарна уу.

Дэлгэрэнгүй:

6/8-6/13 - 10%

6/14-6/17 - 20%

6/18-6/20 - 50%

Холбогдох зохион байгуулагч: Энхманлай 080-3438-2613, manlai_lp@yahoo.com

Дэлгэрнаран 080-3438-2411, delgernaran@gmail.com

(Бүртгүүлэхдээ нэр, сургууль, утасны дугаар, мэйл хаягаа хэлнэ үү.)

"Хаврын баяр-2009"Зохион байгуулах хорооны талархал

2009-05-18T12:24:00.000+09:00

Японы олон нийтийн амралтын өдрүүд болох "Алтан долоо хоног" үеэр буюу 2009 оны 5 сарын 3,4-нд Токио хотын Нэрима дүүргийн Хикаригаока цэцэрлэгт хүрээлэнд "Хаврын баяр-2009" наадам маань амжилттай зохион байгуулагдаж өндөрлөөд байна. Хаврын налгар сайхан өдөр, тэнгэрт бөртийх ч үүлгүй цэлмэг. Яг л эх орныг маань санагдуулах аж. Энэ өдрүүдэд эх орноо сурталчлах наадам маань "Таны мэдэхгүй Монгол?! Монголыг танин мэдэхүйн аялал" сэдвийн доор Японд суралцагч оюутан залуусын нөр их хүчин чармайлт, сайхан сэтгэлт Япон түншүүдийн маань оролцоотойгоор хоёр хоног нижгэр зохион байгуулагдлаа.

Японы өнцөг булан бүрээс цуглах элэг нэгт Монголчууд, Монгол түмэнд элэгтэй япончууд мөн тухайн өдөр цэцэрлэгт хүрээлэнгээр дайрч гарах олон хүмүүс манай баярыг сонирхож байлаа.
Тэдний таван түм гэсэн тоонд хүрсэн гэх үзүүлэлт гаргасан байлаа.
Эх орноо гэсэн оюутан залуус Япон дахь Монгол Оюутны Холбоо цөм, багана нь болж Хаврын баярын Зохион байгуулах Хороог бүрдүүлж бидэнд тусалдаг Японы сайн дурын байгууллага, хувь хүмүүстэй хамтран Хаврын баяраа энэ жил 10 дахь удаагаа зохиогоод байна. Арван нэгдэх хавартайгаа золгож, арав дахь удаагаа зохион байгуулагдаж байгаа Хаврын баяраар маань Монгол орныхоо онцлог, хүн ардын аж амьдрал, Монгол ахуйгаа бүх талаар харуулахыг хичээж байлаа.

Үргэлжлэлийг: http://www.harumatsuri.net/index.php?page=calendar&e_id=57

Угталт 2009

2009-04-06T18:29:00.004+09:00

Жил бүр Японд шинээр суралцахаар ирсэн оюутнуудаа Япон дахь Монголын Элчин Сайдын Яам, Япон дахь Монгол Оюутны Холбооны зүгээс хүлээн авч уулздаг билээ.Хэлний бэлтгэл болон их сургууль,коллеж, мэргэжлийн сургуульд суралцахаар шинээр ирсэн оюутнууд болон,хэлний бэлтгэлээ төгсөөд энэ хавар их сургуульдаа дэвшин орж буй оюутнуудаа угтах уг арга хэмжээнд Японд суралцдаг нийт оюутан залуусаа өргөнөөөр оролцохыг урьж байна. Та бүхний таньдаг мэддэг хэн нэгэн их шинээр суралцахаар ирсэн бол бидэнтэй холбогдоорой.

Зохиогдох өдөр, цаг 2009-04-11 11:00 цаг
Зохиогдох газар Япон дахь Монголын Элчин Сайдын Яам

Ханами&BBQ

2009-03-31T02:17:00.002+09:00

Сайн байцгаана уу,эрхэм ЯМОХ-чууд аа.
Удахгүй сакура дэлгэрэх нь ээ.Хаврын баяр 2009 маань ч сар гаруйхан хугацааны дараа болох гэж байна. Энэ жил эдийн засгийн хүнд байдлаас болсон уу, Хаврын баяр-т хандив өгөх, хамтран ажиллах компани жаахан цөөрсөн хандлага байна. Гэхдээ бид янз бүрийн арга хэмжээ зохиох хэлбэрээр Хаврын баярынхаа төсөв хөрөнгийг бага багаар бүрдүүлэхийг хичээж байна.Энэ удаад зохион байгуулах үйл ажиллагаа маань монголчуудын Ханами+BBQ юм.ЯМОХ-ынхоо сэнпай нар болон энэ жилийн УЗ,монголчуудаараа уулзангаа хагдран унах сакура цэцгийн модны доор ББӨ хийцгээе ээ. Хүнс, таваг хэрэгслийг бүгдийг бэлдсэн байх тул та зөвхөн ЯМОХ болон монголчуудаараа уулзаж цагийг хөгжилтэй өнгөрүүлэхдээ бэлдээрэй. Болох газрын хувьд Яма закура,Оошима закура зэрэг ховорхон сакура цэцэглэдэг 1000 буюу Токёо-доо сакура-ийн модны тоогоороо дээгүүрт орох Мусашино коэн（武蔵野公園） юм. Чуо сэн-гийн эки болох Мусашикоганэй эки-ээс явах тул төвөггүй олох байх аа. Одоогоор 30-40 хүний захиалга өгсөн байгаа. Хүний тоо их байвал нэмж бас болно.Ханами-гаас олсон бүх орлогыг Хаврын баяр 2009-ийг зохион байгуулахад зарцуулах тул Хаврын баяртаа дуртай та бүхнийг өргөнөөр ирэхийг урьж байна.ЯМОХ-ын сэнпай нараас олон хүн ирэхээр бүртгүүлвэл орой нь номикай хийхээр захиалга өгнө.BBQ-д хуушуур,якисоба,окономияки,мах ногооны шорлог,зайдас байна.Бас бид нар sandwich бэлдээд очий.BBQ-даж идэж уугаад,дараа нь тоглоод,ярьж суух нь суугаад...Tоглоомны хувьд агаарын теннис,хөл бөмбөг,дээс, воллебoлл,нисгэдэг таваг (диск),атом молекүл-ийг тоглоё гэж ярьж байгаа

Болох газар:Мусашино коэн（武蔵野公園）
http://www.tokyo-park.or.jp/park/format/index056.html
http://www.tokyo-park.or.jp/park/format/info056.html#3

Болох өдөр,цаг: 4 сарын 5 буюу Ням гариг 11 цаг
Уулзах газар: Мусашино коэн-ий төв хаалга　（武蔵野公園入口）
交通：
・JR「武蔵小金井」北口から京王バス　調布行き「武蔵野公園」下車すぐ、それとも多磨霊園または多磨町行き「多磨町」下車　徒歩3分　
・京王線「調布」北口から武蔵小金井行き「武蔵野公園」下車すぐ駐車場（有料）
Оролцох үнэ: 3000 иэн
Бүртгүүлэх хаяг: komubu2009@gmail.com -pуу Ханами гэж хаяглаад нэрээ бичиж ирүүлнэ үү.

ЯМОХ 2009
Хаврын баяр 2009-ЗБХ

Урам уулзалт

2009-03-03T06:32:00.017+09:00

Сайхан амарцгааж байна уу, оюутан залуус аа!

Энэ удаагийн Урам уулзалт нь Японд суралцаж буй оюутан залуусаа өргөнөөр хамруулж, чуулга уулзалт хийхээр төлөвлөж байгаа бөгөөд 3 сарын 28, 29 гэсэн 2 өдөр дарааллан зохиогдохоор боллоо.

Эхний өдрийн уулзалтыг бакалавр, магистр, доктор ахлах болон судлаач оюутнууд өөрсдийн дипломын болон судалгааны ажил, семинарынхаа тухай сонирхолтой, үр өгөөжтэй яриа хийх болно.

Илтгэл тавих хүмүүс:
Д.Батдэрэм (一橋大学院商学研究科、修士1年), Илтгэлийн сэдэв: モンゴルの新興産業
Л.Энхтөр (筑波大学), Илтгэлийн сэдэв: 光トポグラフィデータの空間分析
А.Амаржаргал (東京大学大学院教育研究科), Илтгэлийн сэдэв:学校改革ー川越女子高等学校の教科間連携を中心に
Т.Пүрэвдорж (一橋大学院経済学研究科), Илтгэлийн сэдэв: 時系列解析
Г.Гарамханд (一橋大学、法学研究科), Илтгэлийн сэдэв: 安全保証理事会の第7章の権限とその制限：対テロ活動

2 дахь өдөр нь Монгол улсаас Япон улсад суугаа Элчин Сайдын Яамны төлөөлөгч Т.Жанабазар, МИАТ компанийн Япон дахь төлөөлөгчийн газрын борлуулалт хариуцсан менежер Л.Галт, Токиогийн Гадаад Судлалын Их Сургуулийн Монгол судлалын зочин профессор Ж.Бат-Ирээдүй нар ирж, Монголынхоо ирээдүйн талаар онц сонирхолтой хэлэлцүүлэг хийх тул та бүхэн өргөнөөр ирж оролцоорой!

Мөн илтгэл тавих сонирхолтой хүмүүс байвал холбоо барина уу.

Хэзээ: 2009 оны 3 сарын 28, Бямба гараг 12:00 -16:00 цаг
2009 оны 3 сарын 29, Ням гараг 12:00 -16:00 цаг

Хаана: (Эхний өдөр)
Хитоцүбаши Их Сургууль, Баруун кампус
一橋大学　西キャンパス, 講義室205号
（最寄り駅：　国立駅、JR中央線）

(2 дахь өдөр)
Монгол Улсаас Япон Улсад Суугаа Элчин Сайдын Яам
駐日モンゴル大使館　　　　　　　
（最寄り駅：　駒場東大前駅、京王井の頭線）

Дэлгэрэнгүй мэдээллийг зохион байгуулагчаас авна уу.

Зохион байгуулагч: ЯМОХ (www.yamoh.org)
http://yamoh.blogspot.com/2009/03/blog-post.html
Цахилгаан шуудан: bujinlkham@gmail.com

УИХ-ын дэд дарга Н.Энхболд,БСШУЯ-ны сайд Ё.Отгонбаяр нартай уулзах уулзалт

2009-02-14T02:43:00.001+09:00

Сайн байцгаана уу? Oюутан залуучууд аа.
Хаврын амралтыг тохиолдуулан та бүхэнд нэгэн сайхан мэдээг дуулгая.УИХ-ын дэд дарга Н.Энхболд, БСШУЯ-ны сайд Ё.Отгонбаяр нар 2 сарын 22 нд Япон улсын Токёо хотод айлчлан ирж 23-нд оюутнуудтай уулзалт ярилцлага хийхээр болов.
Гадаад улсад суралцаж байгаа оюутан бидний хувьд энэ бол эх орныхоо төрийн өндөрлөгүүдтэй нүүр тулан уулзаж,басxүү Монгол, Японы боловсролын талаар өөрсдийн санаа бодлоо илэрхийлэх сайхан боломж билээ.
Оролцох оюутны тоо 40-50 гэсэн хязгаартай тул та бүхэн яаран бүртгүүлээрэй.
Хэзээ: 2009 оны 2 сарын 23-ны өдөр 14 цаг-15 цаг 30 минут
Хаана: Япон Улс дахь Монгол Улсын Элчин Сайдын Яамны хурлын танхим
Бүртгүүлэхдээ: komubu2009@gmail.com гэсэн мэйл хаягруу "Бүртгэл" гэж хаяглаад өөрийн овог нэр,сургуулийн нэрээ бичиж илгээнэ үү.

"Урам" уулзалт

2009-01-09T02:33:00.005+09:00

2009 оны 1 сарын 11

Энэ долоо хоногийн ням гаригт дахин Урам уулзалт болохоор боллоо . Энэ удаагийн уулзалтыг Японд суралцаж төгсөөд цаашид ажиллах сонирхолтой оюутан залуустаа зориулаад, "Ажил хайх" (就職活動) гэсэн сэдвийн дор нээж байна.

Японд ажилд орохын тулд хувь хүнээс бас нэлээд хүч хөдөлмөр, авъяас шаарддаг болно. Хувийн хэрэг материалаа бүрдүүлэхээс авахуулаад ажиллах эрхээ авах хүртэл нэлээд олон шат дамжлага, шалгуурыг давж гарах ёстой болдог. Яг л энэ бүх шат дамжлагыг нь даваад одоо Японд ажиллаж буй 4-н сэнпай маань ирж, өөрсдийн туршлагаасаа хуваалцаж, ажил хайхад юуг анхаарах болон, юу хийх хэрэгтэй болдог талаар бодит зөвлөгөөг бидэнд өгөхөөр болоод байна.

Эдийн засгийн хямралаас болоод шинээр орох гэж буй ажилчдын гэрээ цуцлагдах, эсвэл хуучин гэрээний ажилчдаа халах, хөдөлмөрийн гэрээг нь цуцлах явдал сүүлийн үед ихсэж байгаа болохоор өмнө нь ажлаа амжилттай олоод, гялалзаж байгаа дээд үеийнхнээсээ зөвлөгөө авна гэдэг бол бидэнд том боломж билээ.
Дараах хүмүүс ирж яриа хийнэ:
1. Ариунзаяа (Nikko Citigroup Limited)
2. Баяраа (ドイツ銀行グループ: ドイツ証券株式会社)
3. Мандухай (CMR研究所: Architecture office)
4. Ариунаа (ダイキン工業株式会社)

Цаашид Японд ажиллах сонирхолтой оюутан та бүхэнд маш хэрэгтэй, өгөөжтэй яриа болно гэж найдаж байна. Та бүхэн өргөнөөр оролцоорой !

Хэзээ: 2009 оны 1 сарын 11, ням гариг 12:00 -16:00 цаг
Хаана: 一橋大学　西キャンパス　講義室301号

Хитоцүбаши Их сургууль Баруун кампус

301 тоот Хичээлийн танхим

Зохион байгуулагч: ЯМОХ (www.yamoh.org)
Утас: 080-3437-4075
Цахим шуудан: eboldbayar@gmail.com

Шинэ жилийн мэнд хүргэе

2009-01-01T14:57:00.013+09:00

Happy new year

Шинэ он гарлаа
Шинэ жил ирлээ
Ай хөө шинэ жил минь
Амархан сайн байна уу?

гээд л юу юугүй он солигдож 2008 он тэртээ ард хоцорч хэдийн өнгөрсөн жил болж орхилоо. 2009 он маань бидний урдаа барьсан зорилгын биелэх эхлэл болж сайхан цэлмэг өдрөөр эхэлж байна.
Сэтгэл сэргээд бүхнийг хийж амжуулах хүсэл зориг хэн бүхэнд минь төрөө байхаа.
Наран ургах зүгийн Япон оронд суралцаж буй залуус бид эх нутагтаа байгаа элгэн садан, эх дэлхийгээр тарж суугаа элэг нэгт Монгол түмнээсээ арай түрүүлж энэ жилийн эхний наран мандахыг харсан байхаа.

Ингээд Японд суралцаж буй нийт оюутнууд найз нөхөддөө шинэ жилийн мэнд хүргэе.
Та нар маань ингэхэд гэр бүл, ах дүү хамаатан садандаа шинэ оны мэнд дэвшүүлэхээ мартаагүй байхаа гэдэгт итгэж байна.

Өнгөрсөн нэг жилийн хугацаа Япон дахь Монгол Оюутны Холбооны хувьд ч нийт гишүүд, оюутан залуусынхаа хүчээр хийх бүтээх гэсэн ажлуудаа ихэнхийг нь амжуулсан сайхан жил байлаа.
Урьд өмнө хийж ирсэн Хаврын баяраа өргөн дэлгэр тэмдэглэж, Сагсан бөмбөгийн тэмцээнээ өргөжүүлэн "СПОРТ Наадам" болгон амжилттай зохион байгуулсан бөгөөд, нэгэн жилээ үдэж, шинэ оноо угтахаар "Оюутан шинэ жил-2009"-ыг зохион байгуулж, оюутан залуус маань нэгэн үдшийг хамтдаа өнгөрүүлсэн сайхан арга хэмжээ болсон.

Үүнээс гадна эрдэм мэдлэгийн "Урам" уулзалт, шинэ оюутнуудаа тосож авах "Угталт" уулзалт болон оюутнууд ирээдүйд Монгол орныхоо ирээдүйг хэрхэн төсөөлж байгаа болон юу хийвэл зохих талаарх санал асуулга гэх мэт олон арга хэмжээг зохиож, өнгөрсөн нэг жилийг ардаа үдлээ.
Ирэх жил маань Оюутны Холбооны хувьд ч, нийт оюутан залууст маань ч ээлтэй сайхан жил болоосой гэж хүсээд та бүхэндээ
ШИНЭ ЖИЛИЙН МЭНД дэвшүүлье.

YAMOH NEW YEAR PARTY 2009

2008-12-14T01:42:00.002+09:00

Дэлгэрэнгүйг www.yamoh.org дээрээс...

"Миний Эх Орон" сэдэвт зохиол бүтээлийн уралдаан

2008-11-07T00:15:00.001+09:00

"Миний Эх Орон" сэдэвт зохиол бүтээлийн цуврал уралдааны 2-р уралдааныг зарлаж байна.

Тэнгэрлэг эх орон минь тандаа мөргөмү, Амьсгалах тоолондоо тандаа хүрч очму... О.Дашбалбар
МИНИЙ ЭХ ОРОН
Элэг зүрхэнд дэндүү ойрхон
Эх нутгаа санан зүүдэлж
Ээнэгшин дасч Гадаадад суугаа
Элгэн садан Монголчуудынхаа дунд www.bayanmongol.com багаас

"Миний Эх Орон" сэдэвт зохиол бүтээлийн цуврал уралдааны 2-р уралдааныг зарлаж байна.

Энэ удаагийн уралдааныг Орос орноо сураар одсон, Эх нутгаа эрмэлзэж элгэн саднаа санагалзан “Буурал ээж минь” шүлгээ тэрлэсэн, 2 настай Ро шүлгийн зохиогч, суут эрдэмтэн Цэндийн Дамдинсүрэнгийн (1908-1986) мэндэлсний 100 жилийн ойн нэрэмжит болгон явуулж байна.
Зорилго: Монгол хүн сэтгэл зүрхний гүндээ эх орноо хэрхэн тээж явааг харуулах, хойчийг залгамжлах залуу үеийнхээ эх орон, элгэн садан, эх түүх, алдарт хүмүүс, монгол ахуй соёлоороо бахархах үзлийг дэмжихэд оршино.
Хоёрдугаар уралдааны нэр: ТЭНГЭРЛЭГ ЭХ ОРОН МИНЬ

"Миний Эх Орон" сэдвийн дор “Тэнгэрлэг ЭХ ОРОН минь” чөлөөт бичлэгийн 2-р уралдаанд эх орны тухай чөлөөт сэдвээр шүлэг, дууны үг, бодрол агуулсан өгүүлэл, эх орон, элгэн саднаа санасан өр зүрхнийхээ гүнээс ундрах сэтгэлийн харамгүй үг, санамж захиас үг, сэтгэлээ нээсэн тэмдэглэл, орчуулга зэрэг чөлөөт зохион бичлэгийг монгол хэлээр бичин ирүүлнэ.

Тодотгол: Гадаад улсад суугаа монголчууд оролцоно.Уралдаанд нас харгалзахгүй. Хүүхэд залуус болоод ахмад буурлууд бүтээлээ ирүүлэхийг чухалчилна. Тусгайлсан бичлэгийн төрөл заагаагүй. Хүүхдийн (16 нас хүртэлх) болон насанд хүрэгчдийн 2 ангилалаар шагналтай.

Хугацаа, хаяг: Бүтээлийг 2008 оны 11 сарын 26-ний дотор daanjuur@gmail.comЭнэ и-мэйл хаяг спамаас хамгаалагдсан тул JavaScript тохиргоогоо нээнэ үү Энэ хаягийг спам-с хамгаалж байгаа бөгөөд та үзэхийн тулд JavaScript идэвхижүүлэх хэрэгтэй. цахим хаягаар хүлээн авч дүнг BayanMongol.com интернет (цахим оюут) хуудсаар дамжуулан нийтэд зарлана. Уралдаанд гэж хаяглан овог, нэр, хүйс, нас,хаягаа тодорхой явуулна уу.

Бүтээлийг зохиогчийн зөвшөөрөлтэйгээр интернет (цахим оюут) хуудсаар дамжуулж олны хүртээл болгоно.
Шагнал: Шагналын сан 1000$.

Хүүхдийн (16 нас хүртэлх) шагнал
1-р байр 200$ (Эрдэмтэн Ц.Дамдинсүрэнгийн зохиол, дагалдах шагнал, CD, DүD, мөнгөн шагнал)
2-р байр 100$ (Марко Поло ба дэлхийг нээхүй” ном, дагалдах шагнал, CD, DүD, мөнгөн шагнал)
3-р байр 100$ (Хүн гүрэн, Бурханы ташуур ном” 100$, дагалдах шагнал, CD, DүD, мөнгөн шагнал)
Оролцсон хүүхдүүдэд, тусгай шагналт байранд урамшуулал, шагналтай

Насанд хүрэгчдийн шагнал
1-р байр 200$ (Эрдэмтэн Jack Weatherford-н гарын үсэгтэй Чингис хаан ном, CD, мөнгөн шагнал)
2-р байр 100$ (Эрдэмтэн Jack Weatherford-н гарын үсэгтэй Чингис хаан ном, CD, мөнгөн шагнал)
3-р байр 100$ (Эрдэмтэн Jack Weatherford-н гарын үсэгтэй Чингис хаан ном, CD, мөнгөн шагнал)

Уралдааны шагнал, тусгай шагналд:

* Монголч эрдэмтэн Jack Weatherford-н гарын үсэгтэй Чингис хаан ном
* Уран бүтээлчид, зохиолчдын гарын үсэгтэй ном, CD, DүD
* Соён гэгээрүүлэгч Насан-Очирын Наваан-Юндэнгийн ном
* Их зохиолч Дашдоржийн Нацагдоржийн ном, Миний нутаг
* Эрдэмтэн Бямбын Ринченгийн ном
* Эрдэмтэн Цэндийн Дамдинсүрэнгийн ном, Short story international
* Тэнгэрлэг яруу найрагч Очирбатын Дашбалбарын ном
* Яруу найрагч Бавуугийн Лхагвасүрэнгийн ном
* Бусад нэрт зохиолчдын номоос
* Бурхан багшийн сургааль ном, The Teaching of Buddha
* Хүн гүрэн, Аттилла хааны ялалтын нууцууд, үictory Secrets of Attila the Hun
* Хүн гүрэн, Аттилла хаан,Домог түүх, Attila, King of the Huns: Man and myth
* Үлэг гүрвэлийн ангуучид, Dragon Hunter, Roy Chapman Andrews
* Монголын үлэг гүрвэлийн өндөг олдворууд, Dragon Bones and Dinosaur Eggsz
* Чингис хаан ном, Genghis Khan by Brent, Peter Ludwig
* Монголчууд ном, The Mongols by Morgan, David
* Төмөрлөн хаан, Дэлхийн байлдан дагуулагч, Tamerlane, Conqueror of the World
* Хувилай хааны амьдрал цаг үе ном, Khubilai Khan by Rossabi
* Бусад шагналууд дагалдана

Зохион байгуулагчид:

1. mongolinternet.com Монгол Интернет компани
2. medeelel.com Мэдээлэл Баг
3. baigal.com “Хутай билиг" Уламжлалт анагаах ухааны төв
4. zamdaan.com Замдаан сэтгүүл
5. mashbat-film.com Машбат филм
6. Найз, нөхөд, уралдааныг дэмчигч олон

ЯМОХ 2008-2009 оны Удирдах Зөвлөлийн Ээлжит Сонгуулийн дүн

2008-11-04T00:03:00.003+09:00

Эрхэм хүндэт оюутан залуус аа.

Өмнө зарласанчлан 2008 оны 11-р сарын 3-ны Даваа гарагт Монгол Улсаас Япон Улсад Суугаа Элчин Сайдын Яаман дээр амжилттай болж өнгөрлөө. Сонгуульд нийт 21 оюутан, 1 сэмпай хүрэлцэн ирсэн бөгөөд сонгуулийн хороонд УЗ-ийн 2007-2008 оны гишүүд болох Б. Мөнхтуг, Б. Булган, Ж. Болдмаа нар орж, Х. Зоригт сэмпай хянагчаар ажиллав.
Удирдах Зөвлөлд нэрээ дэвшүүлсэн 13-н оюутны нэрсийг сийрүүлье.

1. Ц.Гэрэлт Токиогийн ИС 2-р курс
2. А. Дөлгөөн Токиогийн ИС 2-р курс
3. Цогсаг Токиогийн ИС 2-р курс
4. Б. Энхзол Хитоцүбаши ИС 2-р курс
5. Бүжинлхам Хитоцүбаши ИС 2-р курс
6. Дэлгэрнаран Хитоцүбаши ИС 2-р курс
7. Дэлгэрцэцэг Хитоцүбаши ИС 2-р курс
8. Б.Түмэнцэнгэл Ёкохама ИС 2-р курс
9. Э.Болдбаяр Ёкохама ИС 2-р курс
10. Тэмүүлэн Чиба ИС 1-р курс
11. Гантуяа Чиба ИС 2-р курс
12. Ж.Дамдинцэрэн Токиогийн Урлагийн ИС 1-р курс
13. Цэрэнбат Үндэсний Батлан Хамгаалахын Академи 3-р курс

Сонгуулийн хороо нийт 21 саналыг хүлээн авсан бөгөөд, үүний 20 нь хүчинтэй санал байлаа. Шинээр УЗ-ийн гишүүнд сонгогдогсод авсан саналынхаа дарааллаар:

1. Ц.Гэрэлт Токиогийн ИС 2-р курс
2. Б.Түмэнцэнгэл Ёкохама ИС 2-р курс
3. Б. Энхзол Хитоцүбаши ИС 2-р курс
4. Э.Болдбаяр Ёкохама ИС 2-р курс
5. Цогсаг Токиогийн ИС 2-р курс
6. Цэрэнбат Үндэсний Батлан Хамгаалахын Академи 3-р курс
7. Ж.Дамдинцэрэн Токиогийн Урлагийн ИС 1-р курс
8. Тэмүүлэн Чиба ИС 1-р курс
9. А. Дөлгөөн Токиогийн ИС 2-р курс
10. Дэлгэрцэцэг Хитоцүбаши ИС 2-р курс
11. Бүжинлхам Хитоцүбаши ИС 2-р курс

Ийнхүү ЯМОХ-ын УЗ маань дээрх 11 гишүүнээс бүрдэж, УЗ-ийн гишүүдийн санал хураалтын дүнд Токиогийн ИС 2-р курсын оюутан Ц.Гэрэлт ЯМОХ-ын тэргүүнээр сонгогдов.

Шинээр сонгогдсон тэргүүн, Удирдах Зөвлөлийн гишүүддээ баяр хүргээд, ажилд нь амжилт хүсье.
Шинэ УЗ

Songuulid ner devshuuleh talaar

2008-11-02T14:00:00.003+09:00

YAMOH dotood buttsendee uurchlult oruulsan buguud Udirdah Zuvluliin gishuudiin toog 11 bolgoj nemegduullee. 10 buyu tuunees deesh oyutan suraltsdag Ikh surguuli burt neg suudal olgogodoh buguud, enehuu 1 suudald surguuli bur uursdiin tuluulul bolson neg oyutniig sanal bolgoh erhtei. Tuunees busad gishuudiig chuluut songuuliar songoh buguud, oyutan statustai hen bur neree devshuuleh bolomjtoi yum.
YAMOH-n uil ajillagaanii ontslogoos shaltgaalan neg oyutan 2 jil daraalan songogdoh heregtei gesen shiideld hursen buguud, 11-n gishuunii 5 n umnuh jiliin Udirdah Zuvluluus uliran songogdon, uldsen 6-n gishuuniig shineer huleej avah zarchmiig barimtlahaar bolson bilee. Gevch tuhain jiliin baidlaas shaltgaalan ene too oorchlogdoj bolno.

YAMOH-n Udirdah Zuvluld ner devshihdee ta buhen http://docs.google.com/Doc?id=dg4xqpcc_110gnpbt7tb haygaas Ner devshih mayagtiig tataj avan gerelt531@gmail.com hayag ruu yavuulah, esvel 11-r sariin 3-nd 14 tsagaas Mongol Ulsiin Elchin Saidiin Yamand boloh songuulid hureltsen irehdee uuriin biyer avchirch bolno.

Udirdah Zuvluliin shinehen gishuudtei uulzah udriig tesen yadan huleej baiy.

YAMOH

Сонгуулийн цаг тодорхой боллоо

2008-10-31T11:15:00.003+09:00

Сайн байцгаана уу, эрхэм хүндэт оюутнуудаа.
ЯМОХ-ын Удирдах Зөвлөлийн сонгуулийн цаг тодорхой боллоо.
Сонгууль

Хэзээ: 2008 оны 11 дүгээр сарын 3-нын Даваа гараг 14:00-16:00 цаг
Хаана: Монгол Улсаас Япон Улсад Суугаа Элчин Сайдын Яамны Хурлын танхим
-д явагдах болно.

Сонгуулийн дүрмийг дараах нийтлэлдээ тодорхой бичих бөгөөд, сонгуульд нэрээ дэвшүүлэх оюутнууд өөрсдийн Мөрийн Хөтөлбөрийг 11-р сарын 2-ны 24:00 цаг хүртэл gerelt531@gmail.com хаяг руу илгээх буюу сонгуулийн өдөр хэвлэмэл байдлаар авчирна уу. Мөн сонгуулийн өдөр хүрэлцэн ирж чадахгүй бол тэр тухайгаа мөрийн хөтөлбөрийн хамт дээрх хаяг руу илгээнэ үү.

Эцэст нь хэлэхэд, ЯМОХ гэдэг өнөр гэр бүлийн хаалга танд үргэлж нээлттэй. ЯМОХ-ын Удирдах Зөвлөлд орсноор дотроо тээж явсан, бодож явсан зүйлсээ хэрэгжүүлэх боломж нээгдэж байна. Оюутан насаа улам хөгжилтэйгээр өнгөрүүлэхийг хүсч байгаа бол ЯМОХ-ын Удирдах Зөвлөлийн сонгууль руу урагшаа !!

Жич: Удирдах Зөвлөлд нэрээ дэвшүүлэхгүй ч өөрсдийнхөө төлөөлөл болсон оюутнуудад саналаа өгөх, тэднийг дэмжих хэн хүнийг сонгуульдаа хүрэлцэн ирэхийг урьж байна.

ЯМОХ Удирдах Зөвлөлийн сонгууль

2008-10-24T01:15:00.009+09:00

Сайн байцгаана уу, Эрхэм хүндэт Оюутан залуус, анд найз нараа?
Та бүхнийхээ энэ өдрийн түмэн амгаланг айлтган гүнээ мэхийн ёслоё.

Та бүгдийн хичээл сурлага өндөр үү?
Юутай ч шинэ хичээлийн улирал эхэлсэн болохоор бүгдээрээ дор бүрнээ завгүй, хичээж байгаа байх гэж бодном. Та бүхэндээ сурлага хөдөлмөрийн өндөр амжилтыг хүсэхийн ялдамд нэгэн зарыг хүргэх гэсэн юм.

Япон дахь Монгол Оюутны Холбоо(ЯМОХ) маань 10 дугаар сарын 13-ны өдөр өнгөрсөн нэгэн жилийнхээ ажлын тайланг тавьж, дүгнэлтээ хийгээд байгаа билээ. Харьцангуй цөөхөн оюутнууд, гишүүд ирж оролцсон нь бидний зүгээс зарлалаа оройтуулсных байх гэж дүгнэж байгаа. Та бүхнээсээ түмэнтээ хүлцэл өчье.
Одоо ч бас хэдийгээр оройтон хүргэж байгаа ч ЯМОХ-г ирэх жил удирдан чиглүүлж явах оюутан залуусаа сонгох "Удирдах Зөвлөлийн СОНГУУЛЬ" болох гэж байгааг дуулгаж байгаадаа баяртай байна.

УЗ СОНГУУЛЬ нь 2008 оны 11 дүгээр сарын 3-нд (Цаг нь хараахан тодорхойгүй)
Токио хотод байрлах Монгол Улсын Элчин Сайдын Яамны Хурлын танхимд болохоор төлөвлөгдөж байна.

Ирэх жил бид бүхэнд олон сайхан ажлыг төлөвлөж, биднийг хооронд нь уулзуулж байх олон сайхан боломжийг бий болгох, авъяаслаг охид, залуусаа сэтгэл нэгдэн сонгох, нэг үгээр бидний үүрэг гэж хэлж болох өдөр тул та бүхэн бүгдээрээ хүрэлцэн ирнэ үү?

Мөн та өөрийн санасан ажил, төлөвлөгөөгөө хэрэгжүүлэхэд ЯМОХ гэдэг байгууллага танд хамгийн ойр байдаг, таны хамгийн ойрын түнш чинь юм. Тиймээс ЯМОХ-ны Удирдах Зөвлөлд нэрээ дэвшүүлэн сонгогдож, нэгэн жилийг шинэ найзуудтайгаа, шинэ орчинд мөн шинэ зүйлийг туршин хэрэгжүүлж үзэх их үр бүтээлийн жил болгоосой гэж, би ЯМОХ-ны гишүүн, Удирдах Зөвлөлийн гишүүн байж, оюутан насныхаа 3 жилийг энэ хамт олонтойгоо дурсамж дүүрэн өнгөрүүлсэн сэнпаи болохын хувьд танд санал болгож, мөн таныг заавал нэрээ дэвшүүлээсэй гэж хүсэж байна.

Монголын ирээдүйг авч явах бидний залуусын хамтын ажиллагаа(team work), тэр гар нийлсэн бүтээлч сэтгэлгээний үр дүнг харах ДУРСАМЖ дүүрэн, ХАРИУЦЛАГА-тай бөгөөд адал явдал, амжилт бүтээлийн нэгэн жил таныг дуудаж байна.
Хожим хойно дурсах дурсамж, хойшдын ажил үйлсийнхээ алтан түншийг олж авах, хүмүүсийн хоорондын итгэлцэл, тэр л нандин харилцааны учгийг та ЯМОХ-ны УЗ-ийн гишүүд болон нийт гишүүд дэмжигчдийн оролцоотойгоор бий болгож чадна.

Эрхэм ОЮУТАН та хэн ч байсан Таны өмнө ЯМОХ-ны хаалга үргэлж нээлттэй.
Та тэр босгыг даван, МОРИЛОН орно уу?

Та нарыгаа бүгдээрээ ирнэ гэж хүлээж байна.
Залуусаа 11 сарын 3-нд уулзацгаая!!!

ЯМОХ Удирдах ЗӨВЛӨЛ Сонгуулийг Зохион байгуулах Хороо

Гангасүрэгтэн Бяхарсүрэнгийн Мөнхтуг

Сайн байцгаана уу оюутан залуусаа.

2008-10-22T17:42:00.004+09:00

Та бүхнийг төлөөлөн үйл ажиллагаа явуулсаар ирсэн Япон дахь Монгол Оюутны Холбооны 2007-2008
оны удирдах зөвлөлийн сонгуульт хугацаа дуусахад
хэдхэн хоног үлдээд байна. Үүнийгээ угтаж бид энэ нэг жилийн туршид хийсэн бүтээсэн, ойлгосон мэдэрсэн зүйлсээ тайлагнаж 10 сарын 13ны өдөр оюутнуудтайгаа уулзсан юм.

Оюутны холбооны удирдах зөвлөлийн гишүүд маань байснаас гадна бидний үйл ажиллагааг байнга дэмждэг идэвхитэй гишүүд маань бас ирж бид бүхний энэ нэг жилийн хугацаан дахь тайланг маань сонирхсон.

Энэ нэг жилийин хугацаагаа бид хийсэн, бүтээсэн, ойлгосон, суралцсан нэг жил байсан гэж дүгнэж болох юм. 5 гишүүн маань 1-р курсын оюутнууд байсан учир мэдэхгүй чадахгүй, бас туршлага багатай гээд олон зүйл тулгарч байсан хэдий ч энэ бүхнийг амжилттай даван гарч үүрэгт ажлаа хүлээлгэн өгөхөд бэлдээд байна. Бид оюутыи холбоонд байснаар дан ганц оюутны холбооны ажлыг хийж сурах төдийгүй өөрсдийн амьдралд цаашид хэрэг болохуйц олон зүйлсийг сурч мэдэн цаашид хэрэгжүүлэх чадварыг бага ч гэсэн эзэмшиж чадсандаа баяртай байна.

Ингээд та бүхэнтэй ирэх 2008-2009оны ЯМОХын удирдах зөвлөлийн сонгууль дээр 2008 оны 11 сарын 3 ны өдөр уулзахаа тэсэн ядан хүлээж байна.

ЯМОХ-ны Удирдах Зөвлөл

2008.10.13 YAMOH-n tailan boloh gazar

2008-10-12T15:07:00.003+09:00

(Cyrill usgiin font ashiglah bolomjgui baisan tul latin usgeer galiglan bichiv)

2008 onii 10-r sariin 13nd boloh YAMOH-n Tailan hural 13:30 tsagaas 16 tsagiin hoorond Mongol Ulsaas Yapon Ulsad Suugaa Elchin Saidiin Yamnii hurliin tanhimd boloh bolno. Gol haalgaar oron receptionoos zuvshuurul avch 2 davhar luu garna uu. Boloh gazriin talaar medeelliig oroituulsand hultsel uchyu.

ЯМОХ энэ 2007-2008 онд юу хийв?

2008-10-09T21:15:00.003+09:00

Сайн байцгаана уу, эрхэм хүндэт оюутан залуус аа.
Алтан шаргал намар айлчилж, та бүхний маань хичээл сургууль эхлээд, шинэ гараа шинэ зорилгоор дүүрэн байгаа гэдэгт итгэж байна.

"ЯМОХ, ЯМОХ" хэмээн байнга сондог нэгнээс авахуулаад, "ЯМОХ гэж юу вэ?" гэж бодож буй хэн хүнгүй ЯМОХ-ын үйл ажиллагааны талаар сонсохыг хүсч байгаа байх. Удахгүй ээлж халаагаа солих "ЯМОХ-ын Удирдах Зөвлөлийн Сонгууль"-аасаа урьтаж, бид өөрсдийн нэг жилийн үйл ажиллагаагаа дүгнэн, тайлангаа тавих гэж байна.

Тайлан маань дараах байдлаар явагдах болно.

Хэзээ : 2008 оны 10-р сарын 13-ны өдөр (Даваа гараг) 13:30 - 16:00 цагийн хооронд
Хаана : Хараахан шийдэгдээгүй. 10-р сарын 12-нд блог болон веб хуудсаараа дамжуулан эцсийн байдлаар мэдэгдэх болно.
(Монгол Улсаас Япон Улсад Суугаа Элчин Сайдын Яам, Хурлын танхимыг төлөвлөж байна http://embmong.com/main.php?map=showmap&do=aboutus )
Хэрхэн: Удирдах Зөвлөлийн гишүүд тус тусын хариуцсан хэсгийн үйл ажиллагааны тайланг зураг слайд ашиглан тавина
Хэн оролцож болох: ЯМОХ-ын үйл ажиллагааг сонирхсон, үйл ажиллагаанд оролцдог хэн бүхэн оролцох эрхтэй
Холбоо барих хаяг: te.utopia@gmail.com Тэмүлэн

ЯМОХ-ын үйл ажиллагаанд оролцдог, оролцох хүсэлтэй эсвэл Монгол Оюутнуудтайгаа уулзалдах, хамтран ажиллах хүсэлтэй хүн бүрт бидний хаалга нээлттэй.

ХҮНИЙ НУТАГТ СУУГАА МОНГОЛ АХАН ДҮҮСТЭЭ

2008-09-17T23:06:00.003+09:00

Монгол Улсын Ерөнхий сайд С.Баяр гадаадад сурч, ажиллаж байгаа Монголчууддаа хандан энэхүү захидлыг илгээж байгаа бөгөөд, Засгийн Газрын хэвлэл мэдээллийн албанаас ирүүлсэн эхийг бүрэн эхээр нь нийтлэж байна.

Хээрийн галуу нисэн үл хүрэх газарт аж төрөн суугаа угсаа гарваль, удам судар нэгт ахан дүүс Та нарынхаа амар амгаланг айлтган мэндчилье.

Монгол Улсын Засгийн газар харийн нутагт ажил амьдралынхаа мөрийг хөөж яваа элгэн садан Та нартаа хандаж байна. Ардчиллын ачаар Монгол орон хаяа сөхөн хаалгаа нээж, монголчууд дэлхийн дайдад хөл тавих болсон тэр өдрөөс эхлэн хүний газар, гүний нутагт сайн ажил, сайхан амьдрал хайн одоцгоосон та нарыгаа эх орон, улс үндэстэн чинь аав, ээжтэй тань адил санан дурсаж, тосон хүлээсээр байгаа билээ.

Бидний монголчууд тэртээх газар орон, шинэ ертөнцийг танин мэдэхийн эрмэлзэл жигүүртэй төрсөн ард түмэн. Илдний ирээр ертөнцийг хураасан хүлэг баатруудаас эхлээд ном, номхролд гэгээрэхээр Жагар, Төвдийг зорьж, бурхны ариун сургаалыг түгээсэн хувраг мэргэдийг хүртэлх өвөг дээдсийн минь нэр алдар дэлхийн түүхэнд дурайж буй. Сумын шуудангаар гараад Зөвлөлт Улс, Европ тивийг зорьсон ХХ зууны сэхээтнүүдээс эхлээд жилийн дөрвөн улиралд нутаг сэлгэх малчин ардаа хүртэл ертөнцийг таньж, нүд тайлахыг оршин тогтнох хийгээд хөгжин дээшлэхийн нэгэн түлхүүр хэмээн эрт мэдэрсэн үндэстэн билээ, бид.

Соёл иргэншлийн их ертөнцөд нэвтрэх санал сэдэл, тэвчээр хатуужил, эрэл эгээрлийн “түүчээ” нь Та нар маань мөн. Олж авсан боловсрол мэдлэгтээ итгэж, хаа ч болов нутагшин амьдрах чадвартаа найдаж одсон Та нарыгаа манай үндэстний хамгийн зоримог, өөртөө итгэлтэй, юуг ч бүтээх увидастай тэр хэсгийн төлөөлөл хэмээн бид гүнээ хүндэлдэг.

Харийн нутаг, гадаад орчныг хөндлөнгөөс биш ойрын зайнаас, бүр дотроос нь харж нээсэн өнөө цагийн монголчуудын нүд Та нарынх л байсан. Хүмүүс урьд нь албан томилолт, арилжааны хэргээр л хааяа зорчдог байсан, эсвэл монгол хүн огт хүрч чадаагүй газар орон руу Та нар одсон. Хүний газар, гүний нутаг дахь монгол үндэстний нэгэн хэсэг, эзэн Чингисийн байгуулсан их голомтын тасархай нь Та нар маань билээ. Монгол гэдэг нэрийг толь бичгээс л харж мэддэг, мэдлээ гэхэд будилсан түүхийн бурангуй ойлголттой, аугаа дээдсийг минь “талын зэрлэгүүд” мэтээр төсөөлдөг харь хүмүүсийн дунд амьдрахаар явсан Та нарын эр зориг, аж амьдралын төлөөх гайхамшигт эрмэлзэл монгол хүний үр хойчдоо хэлэх үлгэр сургаал болон үлдэх учиртай.

“Харь халуун хоёрт зүтгэж яваа аав ээжийнхээ, ах эгчийнхээ хөлс шингэсэн мөнгийг чихэр, бурамнаас өгөхгүй, эрдэм мэдлэгт зориулна” хэмээн өхөөрдөм гартаа ном тэвэрч суугаа хүүхдийг харахад хэний ч нүдэнд нулимс хурна аа.

Та нар маань хүний газар хөлөө олж ажиллаж амьдраад зогсохгүй, эх орныхоо мянга мянган өрх бүлийг тэжээн тэтгэж, түм түмэн хүүхдийг сайхан ирээдүйтэй нь золгуулж байна. Та нарын хөлс шингэсэн мөнгөөр олон арван орон сууц ашиглалтад орж, зуу зуун гэр бүлийн амьжиргаа өөдлөн дэгжиж байдаг аа.

Эзэн Чингисийн тал нутагт түгэн дэлгэрч, сумыг аймагтай, малчны хотыг нийслэлтэй нь холбон тэлж байгаа орчин үеийн холбоо мэдээллийн технологийн шинэчлэлийн үр дүн та нарт минь ч ач тусаа өгч, Монголынхоо тухай шинэ соргог мэдээ мэдээллээр байнга хангагдаж яваа гэдэгт итгэж байна.

Манай эх орон өөрийн гэсэн нүдээр харвал өндийж, өөдөлж явна. Арван найман жилийн өмнө дундаж цалин 5 ам.доллар байсан бол өдгөө доод хэмжээг нь 100 болгон тогтоогоод байна. “Чамлахаар чанга атгах” хэмжээний л мөнгө. Ерөөс өнгөрсөн жилүүдэд бид бэрхшээл хүндрэл багагүй амссан ч, цөөнгүй амжилт олж бас чадсан. Үүнийгээ бид чамлах биш харин бататгах хэрэгтэй. Мөн даяаршин нягтарч байгаа хүн төрөлхтөнтэй мөр зэрэгцэхийг хичээн чармайх ёстой.

Хүн төрөлхтний гадаад бодлогын түүхэнд “Pax Mongolica” буюу “Монголын их энх амгалан байдал” гэсэн хэллэг хүртэл бий. Түүх сөхвөөс, бид дэлхийн хоёрдугаар дайнд ялагч гүрнүүдийн эвслийн бодитой гишүүний нэг байлаа. Өдгөө манай хөвгүүд Ирак болоод дэлхийн халуун цэгүүдэд энхийг сахиулах их үйлсэд оролцож, даян дэлхийн амар амгаланд хувь нэмрээ оруулж байна. Бидний монголчууд хөгжлийнхээ эрэмбэ, эдийн засгийн далайцаараа тэргүүлэгч болж хараахан чадаагүй хэдий ч ертөнц дахины үйл хэрэгт хэр чинээгээрээ нэмэртэй яваа нь бидний бахархал.

Хэдхэн хоногийн өмнө “Бээжин-2008” олимпоос манай тамирчид бидний мөрөөддөг байсан баяр хөөрийг бэлэглэж, энгэртээ хос алт, хос мөнгө, дөрвийн дөрвөн медальтай ирлээ. Энэ гайхамшигт цаг мөчүүдэд та нар минь эх орноороо хэчнээн их бахархаж “Би монгол хүн шүү” хэмээн хүний нутгийг цочтол хашгирмаар, цээжээ дэлдэн гүймээр байсныг би сэтгэл зүрхээрээ мэдэрсэн. Би ч гэсэн та нараасаа ялгаагүй л байв даа.

Ердөө гуравхан хоногийн өмнө Паралимпийн байт сурын төрөлд Баатаржав маань бас дахин алтан медаль зүүлээ.

Олимп хэмээх хүн төрөлхтний спортын их наадам алив улс үндэстний цог хийморь, золбоо жавхлангийн хэмжүүр байдаг. Та бидний эх орны хийморь лундаа өөдөө байгааг цөмөөрөө харж урамшлаа.

Та бидний эх орон Монгол Улс маань хөгжлийнхөө нэгэн том бэлчирт ирлээ. Энэ бэлчрийг аль гарцаар нь туулахаас хамаг юм хамаарах болоод байна. Манай орны ашигт малтмалын аугаа их нөөц баялаг, Евро-азийн ирээдүйн авто болон өнөөгийн агаарын замын уулзварт оршсон байрлал, ардчиллын үрээр бүрэлдсэн нээлттэй гадаад бодлого гэхчлэнгийн олон таатай хүчин зүйлс биднийг богино хугацаанд огцом өөдлөх, хөгжлийн дээд эрэмбэ рүү хөтлөх үүд хаалгыг нээж байна.

Гэхдээ хаалга нээгдэж байгаа ч гэлээ, бид тэр хаалганы босгыг давж амжаагүй байна.

Энэ алтан босгоор эвээ нийлүүлж, эрхэм хүслээ нийтгэн алхаж орох зорилгыг эш болгон МАХН, АН-ын хамтарсан Засгийн газар байгуулахаар бид зөвшилцөн шийдвэрлээд байна. Үүсэн ужгирсан бэрхшээлийг гэтэлж, өөдлөн дэвжихийн саруул замаар замнахын тулд бид нэгдсэн бодлого, нийлэн нягтарсан хүсэл зоригтой байх нь монгол түмэнд тохиосон түүхэн сонголтын өгөөжийг үр ашигтай амсан хүртэх гол нөхцөл мөн гэж үзсэний учир бид энэ алхмыг хийлээ. Бид эвтэй байхдаа ямагт хүчтэй байсан ард түмэн.

Чухам тийм ч учраас монголчууд эв нөхөрлөлийг эрхмийн дээд гэж үзсээр ирсэн зон олон. Бие биеийн эрдэм ухаан, боломж нөөцөд түшиглэж, нэгэн санаа нэгдмэл зорилготой байх энэ монгол ухаан харийн нутагт аж төрөн суугаа Та бүхэнд ч хамаатай гэдгийг хэлүүлэх юун. Монголын үр сад эх орондоо ч, хүний нутагт ч дэм дэмэндээ амьдрах чин сэтгэлтэй байгаасай гэж миний бие хүсэж байна.

Өнөөдөр Монголын иргэд дэлхийн өнцөг булан бүхэнд хүрчээ. Казахстан, Солонгос, АНУ-д хэдэн арван мянгаараа ажиллаж, амьдарч, сурч байна. Монгол хэлээр гардаг сайтуудаар орж байгаа хандалтыг ажиглавал дэлхийн 188 орноос өдөр болгон сэтгэлийн үгээ илгээж байгаа нь харагдлаа. Англи, Герман, Японоос эхлээд Тонга, Коста Рика, Сенегал улсаас хүртэл өдөрт зуугаас дээш хандалт бүртгэгдэж байх юм. Хүний газар зүтгэж, зовж олж байгаа олз ашиг чинь энд бидний халаасалж болохоос илүү байгаа учраас л та нар маань хүлэг морь янцгаасан хээр талдаа ирж чадахгүй байгаа билээ.

Хүний нутагт дуссан хөлс чинь одоохондоо унасан газартаа унагаснаас ахиу үнэлэгдэж байгаа болохоор л Та хэд маань Цагаан сарын Шинийн нэгэнд цэнхэр хангайнхаа овоонд мөргөж чадахгүй бэтгэрч суугааг тань бид ойлгодог.

Ингэж яваа нь та нарын буруу биш ээ. Хэрвээ зоригоо чангалан холыг зориогүй бол бэтгэртлээ санаж суугаа үр чинь хоолоор дутуу, жил жилийн Цагаан сарын идээ будаанаасаа “хүүгийн минь хишиг” хэмээн хадгалж байгаа аав ээж тань бэлээр гуцуу явах байсан.

Та нар тэндээ хэр боломжоороо, ямар ч байсан энд байсантайгаа харьцуулахад “арай дээр” амьдарч байгаа болохоор эргэн харьж чадахгүй байгааг чинь бид мэднэ. Бас буурал дээдсээ буцах замд нь үдэж, Бурхны оронд залах ёсонд ирж чадалгүй элгэндээ бэтгэрсэн нь олон гэдгийг бас гадарлана. Учир нь, талын монгол айл шиг ирсэн зочин болгонд нохойгоо хорьж, үүдээ нээж өгч, цайгаа даргилуулдаггүй ихэмсэг гүрнүүдэд нуугдаж хаагдахын гачланг та нар минь амсаж яваа. Нэг гаргавал эргээд оруулдаггүй оньс хатуу үүдийг нь бүрмөсөн хаалгачихгүйн тулд тийнхүү зовлонгоо нууж, жаргалыг хурайлан суугааг чинь мэдэрч байна. Гэхдээ улс орноо, өрх бүлээ тэтгэн тэжээх гэж яваа ариун үйлс, үнэн сэтгэлийг тань монгол нутгийн тэнгэр Чингис хааныг ивээсэн шигээ ивээнэ ээ. Бас “Усыг нь уувал ёсыг нь дага” гэсэн эцэг дээдсийн ариун сургаалыг дагасны хүчинд болж, бүтэж яваагаа мартахын учиргүй биз ээ.

Гадаад орнуудад сурч, ажиллаж, амьдарч яваа монголчуудынхаа эрх ашгийг хамгаалах Монгол төрийн бодлогыг боловсруулан хэрэгжүүлэх нь хамтарсан Засгийн газрын үйл ажиллагааны нэгэн чухал зорилт байх болно. Та нартаа эдийн засгийн хийгээд эрх зүйн туслалцаа үзүүлэх, тусгаар Монголын иргэний тань хувьд эрх ашгийг чинь дээдлэн хамгаалах, Үндсэн хуулиар олгогдсон хүний эрх, эрх чөлөөгөө эдлэхэд тань туслах зэрэг асуудлаар Монгол Улсын Ерөнхий сайд, УИХ-ын гишүүний хувьд хууль санаачлан батлуулахын төлөө би ажиллах болно.

Улсын хийгээд өрх бүлийн орлого ундарч эхлэх сайхан ирээдүй бидэнд байна. Таны тэнд олдог мөнгийг энд адил хэмжээтэй авч чадахгүй ч ядаж талыг нь тоолон өвөртөлж болох боломж бүрдэж байна. Өнөөдөр авч чадахгүй гэлээ ч маргааш авч чадах боломж харагдаж эхлэв. Хэдийгээр бэрхшээл, хүндрэл чамгүй байгаа ч манангийн цаана мандах нар байгаа нь ойлгомжтой. Монголчууд мэдрэмжтэй, зөнтэй ард түмэн. Найман зууны тэртээ Онон голын хөвөөнд өнчин өрөөсний зовлон дунд загас, мангирханаар Тэмүүжин хүүгээ тэжээж суусан Өүлэн эх түүнийг хожмоо дэлхийн эзэн болохыг мэдэрч л байв даа.

Аавын бийд хүн таньсан, агтын бийд газар үзсэн та нарын тус эх оронд чинь өдгөө хэрэгтэй байна. Та нар хөгжингүй улс үндэстний дотоодод хөндлөнгөөс орсон хүмүүс учраас тэдний хөгжлийн нууц, дэвшлийн гогцоог хэвшил, дэвшилдээ дассан өөрсдөөс нь илүү тод харж байгаа биз. Та бүхэн эх нутагтаа байгаа бидэнтэйгээ харьцуулахад хөгжлийн дээд эрэмбэ рүү шилжин, нүд тайлсан шинэ цагийнхан тул энд бидний юу нь болохгүй, ямар юман дээр буруутах гээд байгааг хамгийн соргог мэдэрч байгаа нь дамжиггүй.

Та нар суугуул холын нутгаасаа уугуул төрөлх орон гэртээ нэг л сайхан өдөр эргэж ирнэ. Хүний газар бөхийж олдог мөнгийг эх орондоо гэдийж олдог болчихлоор аавын хүүхдүүд төрсөн голомт, өссөн үүрэндээ буцаж ирэлгүй хаачнам билээ.

Тэр цагт та бүхний сурсан, мэдсэн бүхэн Монголын минь хөгжил дэвшилд алттай жишимгүй үнэтэй болохын учир энэ захидлыг илгээж байгаа юм. Сурсан мэдсэн гэхээр зөвхөн бакалавр, магистрийн диплом санаанд буудаг нь өрөөсгөл ойлголт биз ээ. Хүний газар ажиллаж амьдрахдаа сурсан харсан бүхэн, байшин шавардахаас эхлээд байгаль орчинд ээлтэй технологи эзэмших хүртэл, хүн хуурч, ажил оромдохыг жигшихээс эхлээд хуулийн хүрээнд амьдарч сурсан чинь хүртэл энд байгаа бидэнд хэрэгтэй болж байна. Архи дарсгүй амьдарч байсан аж төрөх хэвшлээс тань эхлээд ажиглаж мэдэрсэн бүхэн чинь бидэндээ үлгэрлэх жишээ болох нь байна.

Нарны эрт, насны залууд газар үзэж нүд тайлсан хэсэг нь улс үндэстнийхээ хөгжлийн түүчээ болдог нь уламжлал. ХХ зуунд Монголын мянга мянган залуус хуучин Зөвлөлт Улс болон Зүүн Европын орнуудад боловсрол эзэмшсэн байдаг. Чухамдаа тэд л өнөөгийн тусгаар тогтносон, соёлжиж иргэншсэн Монгол орны хөгжлийн “түүчээ” болсон. Тэд боловсрол мэдлэгээр үлгэрлээд зогсоогүй боловсон амьдралын хэв маяг, эс ширхэг бүрийг биеэр дэлгэрүүлэгчид байлаа. Үе тэнгийнхэн нь тэднийг хүндэтгэн бахархаж, даган дуурайсаар соёлжиж, иргэншсэн билээ. Харин өдгөө та нарын ээлж ирж байна.

Ази хэлбэрийн хөгжлийн удирдлагаас эхлээд Америк маягийн хөгжингүй ардчилал, Англи саксоны ёсорхуу шинэтгэл, аль нь давуу болоод онцлог шинжтэйг дотроос нь Та бүхэн харж байгаа билээ. Тэдний аль нь манайд дэвшил болохыг, аль эсвэл “монголчлоод” буруугаар эргүүлчих гэмтэйг ч бас бодолхийлэн тунгаасан болов уу. Чухам энэ үзсэн мэдэрсэн мэдлэгээрээ туслахыг эх орон чинь хүсэн хүлээж байна.

Та нар ар гэр, ах дүүсийнхээ амь зуулгыг амжилттай тэтгэж ирсэн шигээ өдгөө эх орноо мэдсэн сурсан, харсан үзсэнээрээ гийгүүлэн мялаах цаг ирлээ гэж Монгол Улсын Засгийн газар үзэж байна.

Тал нутагтаа өөрийн бизнесээ цэцэглүүлж, хүний газар хүйтэн халуунд зүдэн олдгоосоо илүү их баялгийг бүтээж, хишиг буяныг нь хүртэх, хурдан хөлгийн шандас шалгасан талаараа хуй салхи мэт дураараа давхин амсхийх цаг нэгэнт ойртжээ. Энүүхэн гүвээний цаана байгаа тэр цагийг авчрах их үйл хэрэгт та нарын минь оролцоо, зүтгэл үнэхээр хэрэгтэй байна.

Иймд Та бүхэн өөрсдийн санаж бодсон, ойлгож мэдэрсэн, олж харсан, ер нь Монгол эх орноо хөгжүүлэхэд яахын аргагүй нэмэр болно гэж үзсэн мэдлэгээ, тэр ч бүү хэл давтагдаж мэдэх алдаа завхралын талаарх сэрэмж сэлтээ, бага жижиг гэлтгүй бизнес хийх арга хөтөлбөр, бүтэн төслөөс эхлээд ганц өгүүлбэрт багтах саналаа хүртэл Монгол Улсын Засгийн газрын Хэвлэл мэдээллийн албаны

press.office@prime.pmis.gov.mn,

эсвэл

info@open-government.mn хаягаар ирүүлнэ үү?

Та нарыгаа санан хүлээх элгэн садан, эх орон, улс үндэстнийг тань төлөөлж хүндэтгэн ёсолсон,

Монгол Улсын Ерөнхий сайд Санжаагийн Баяр

2008 оны 9 дүгээр сарын 17-ны өдөр Улаанбаатар хот

Экологийн боловсролын төвийн байрыг булаах нь

2008-08-22T21:50:00.003+09:00

Ийм мэдээлэл сонинд гарсан байна. Экологийн боловсролын төв нь Японы GNC-Japan гэдэг байгууллагатай хамтран өөрийн байрныхаа гадаа нийслэлд өөр байхгүй гэж хэлж болохоор, жижигхэн цогц цэцэрлэг байгуулаад байгаа билээ. Хотын ногоон үзэмжинд их хувь нэмэр оруулж байгаа, Монголдоо ховорхонд тооцогдох судалгааны төв юм.
Энэ төв байхгүй болбол Монгол улс Шинжлэх Ухааны хувьд нэгэн шат уруудаж, оюутнууд хичээл хийх орчингүй болж, хүүхэд багачууд тоглох газар нэгээр хорогдож, хосууд болзох газар ч бас байхгүй болно гэсэн үг.
Байрнаас гадна сайхан цэцэрлэг, хүлэмж байхгүй болно гэдэг нь үнэхээр харамсалтай юм.
Мөн Япон-Монгол хоёр улсын иргэд, олон нийтийн байгууллагын хамтарсан бүтээл устана гэсэн үг. Энэ нь хоёр улсын иргэд, байгууллагын хамтын ажиллагаанд сөргөөр нөлөөлж, цаашид Японы хөрөнгө оруулалт багасах үр дагавартай болно. Ингээд эх сурвалжийн мэдээллийг хүргэе.

Улсдаа ганц байдаг эмийн ховор ургамал, модлог буттай МУИС-ийн харьяа "Байгаль эх лицей", "Экологийн боловсрол" төвийн байрыг Нийслэлийн өмчийн харилцааны газар(НӨХГ) булаацалдан хэдэн жилийн нүүр үзэж байна.

Өнгөрсөн хавар мөн л сургуулийг лацдаж, багш, сурагчдыг багагүй сандраасныг манай сонин мэдээлж байсан билээ. Харин өнгөрсөн ням гаригийн өглөө дахиад л НӨХГ-ынхан очжээ. Энэ удаа тэд хичээлийн танхимын цонх, шалыг нь эвдэж сүйтгэсэн талаарх мэдээллийг уншигч та авсан байх. Болсон үйл явдал юунаас улбаатайг нэхэн сурвалжиллаа. Биднийг очиход цэцэрлэгт хүрээлэнгийн хашааны хаалгыг гинжээр ороож цоожилсон байв. Дотроос харуул нь гарч ирээд "Бид чинь ийм л байдалтай байраа хамгаалж байна шүү дээ" гэсээр хаалгаа онгойлгов.

Сургуулийн байрыг гадна талаас нь харахад нэг давхрын найман цонхыг рамаар нь мулт татаж, онгойлгожээ. Хичээлийн байр руу орж нөхцөл байдлыг ажих гэтэл хаалган дээр хэд хэдэн хүсэлт, шаардлага гэмээр бичээс наасан байв. Тэр нь "Хотын төвийн ногоон байгууламжийг хэвээр үлдээе", "Хүүхдийн сурах эрхийг бүү боогдуул", "Төрийн өмчийн сургууль нийслэлийн байранд үйл ажиллагаа явуулж болохгүй гэж үү", "МУИС-ийн Байгаль эх лицей сургуулийн байрыг луйвардан авагчдаа бузар савраа тат" гэжээ. Ингээд дотогш орвол анги танхимыг орвонгоор нь эргүүлсэн байлаа. Дөрвөн ангийн найман цонхыг сүйтгэснээс гадна шалны банзыг хуулаад овойлгожээ. Халдлага болдог өдөр харуулд гарсан С.Батчулуунтай уулзаж болсон явдлыг тодруулсан юм.

-Хэдэн цагийн үед сургууль руу халдсан юм бэ. Тэд шууд дайрсан хэрэг үү?
-НӨХГ-ын Ашиглалтын захиргааны дарга Г.Баттулга, н.Алтансүх нар 17-ны буюу амралтын өдөр 08.30 цагт ирсэн юм. Нэрээ хэлээд хаалга тогшихоор нь онгойлгоогүй. Гэтэл цаанаас нь эрэгтэй, эмэгтэй нийлсэн 12 хүн шууд цонх хагалаад дайрч эхэлсэн. Би ч захирлуудыг дуудлаа. Тэд ч яаравчлан ирцгээсэн л дээ. Захирал ямар учраас ингэж байгааг нь асуухад "Эзэн нь юм аа мэдэж байна. Засвар хийх гэж байна" гээд сүйтгээд байв. Хэсэг хугацаанд маргалдсаны эцэст "Телевизийнхнийг дуудаж бичлэг хийлгэнэ" гэтэл зугтаад явчихсан.

-Засвар хийх гэж байгаагаа урьд нь та нарт дуулгасан уу?
-Үгүй ээ. Тэдний энэхүү үйлдэл нь манай хамгаалалтын албаны болон хэд хэдэн эрх зөрчсөн танхай үйлдэл л дээ.

-Үймээний үеэр анги танхимаас эд хогшил алдагдсан уу?
-Ханан дээр хадчихсан байсан химийн томъёотой самбарыг хулгайлаад аваад зугатаж байсныг араас нь хөөж бариад олж авсан шүү. Харин багш сурагчид хичээл эхлэхээр ирж юмаа бүртгэх байх. Тэр үед хичнээн зүйл алга болсон нь мэдэгдэх байх даа гэв. Яагаад, ямар учраас энэ байрыг Нийслэлийн өмчийн газар булаацалдаад байгааг "Байгал эх лицей" сургуулийн захирал Т.Буяндэлгэр, "Экологийн боловсрол" төвийн захирал М.Цогбадрах нартай уулзаж, дараах тодруулгыг бэлтгэлээ.

"Улсын сургууль бол төрийн өмч байдаг болохоор хэзээ ч түрээс төлж, үйл ажиллагаагаа явуулддаггүй. МУИС хичээлийнхээ дотуур байрууддаа түрээс төлдөггүй. Тэгэхээр тус сургуулийн харьяа Монголдоо ганц байгаа "Байгаль эх лицей" мөн л түрээс төлж боловсрол олгох учиргүй. Тийм гэрээ ч байхгүй" гэж дээрх хүмүүс тайлбарлаж байна. Энэ нь юу гэсэн үг вэ гэхээр НӨХГ тус байрыг өмчирхөж, сар бүр 30 мянган төгрөгийн түрээс төлөхийг шаарддаг байна. Яагаад НӨХГ түрээсийн мөнгө нэхэж, байр булаацалдаад байна вэ? 1999 оны УИХ-ын 29 дүгээр тогтоолоор энэхүү цэцэрлэгт хүрээлэнг Нийслэлийн өмчид бүртгэчихсэн юм байна. Тиймээс НӨХГ байрныхаа ашиглалтыг сайжруулж, мөнгө олох зорилгоор "Байгаль эх лицей", "Экологийн боловсрол" төвийг удаа дараа хөөж, түрээс нэхэх болжээ.

Нийслэлд ганцхан үлдээд байгаа тэрхүү хотын төвийн ногоон байгууламжийн түүхэн замналыг товчхон дурдъя. 1957 оноос тэнд Залуу байгальчдын станц үйл ажиллагаа явуулж байв. Тухайн үед тэнд хүнсний ногоо, төрөл бүрийн цэцэг, суулгац тарьж, ан амьтан үржүүлдэг байлаа. 1997 онд Засгийн газраас "Бүх нийтийн экологийн боловсрол" хэмээх хөтөлбөрийг баталж, Залуу байгальчдын станцын үйл ажиллагааг Гэгээрлийн яамны харьяа болгожээ. Хөтөлбөрийн хүрээнд дугуйлан хичээллүүлдэг байсан гэдэг. Харин 1998 онд Гэгээрлийн яам МУИС-д шилжүүлсэн байна. Ингээд МУИС хууль тогтоомжийн дагуу өөрийн харьяандаа лицейг байгуулав. Тэр үеэс экологид сонирхолтой, авьяастай хүүхдүүдийг их сургуулийн эрдлэмтэн багш нарын нөөц бололцоогоор сургаж ирсэн билээ.

Анх дөрвөн га талбайд монгол орны байгалийн сан хөмрөгийг цогцоор нь арвижуулж байсан цэцэрлэгт хүрээлэн өнөөдөр 0.9 га хүрэхгүй газартай болжээ. Жил бүр эрх мэдэлтнүүд хэдэн талаас нь "идсээр" байгаад иймхэн болгосон гэнэ. Тэр байтугай өнгөрсөн хавар гүний худгийг эвдэж, оронд нь хоёр адилхан барилга босгож байлаа. Тэрхүү сан хөмрөгт одоо 500 гаруй ургамал ургадгаас 270-аад нь модлог буттай. Мөн Монгол орны ой, хээр талд ургадаггүй нэн ховор ургамал ч бий. Лицей байгуулагдсанаар тэдгээр ургамалд анхааралаа нэмэгдүүлэн төрөл, зүйлийг нь нэмэгдүүлээд зогсохгүй эрдэмтэн, багш нарын судалгааны ажлын гол цөм болдог байна. Гэтэл 2006 оны наймдугаар сарын 16-ны өдөр НӨМХГ-ын дэд даргын гарын үсэгтэй бичиг сургуулийн удирдлагуудад иржээ. "НӨХГ байраа авч хөдөлмөрийн бирж байгуулах болсноо мэдэгдье. 25-ны дотор суллаж өгнө үү" гэж шаардсан байна. Хичээлийн шинэ жил эхэлж байсан болохоор татгалзсан хариу өгснөөр энэ асуудал хэсэг хугацаанд намжсанаа дахиад манджээ. НӨХГ-аас дөрөв таван хүн сургууль дээр ирж "Нийслэлийн Засаг даргын шийдвэрээр байрын ашиг орлогыг сайжруулах" тушаал гарсныг танилцуулсан байна. Байрны ашиглалтад хяналт тавьж, мөнгө олох зорилгоор төлөөлөгч тавих болсноо мэдэгджээ. Тэгэхдээ НӨХГ-ын хоёр ажилтныг сар бүр 140 мянган төгрөгөөр цалинжуулж, ажлын байр гаргаж өгөхийг шаардсан байна. Энэ шаардлага ч тэдний хүслээр болжээ. Төлөөлөгчид ч тусгай өрөөнд сууж, байгууллагын дотоод бүхий л үйл ажиллагаанд оролцоод эхэлсэн гэнэ. Харин сургуулийн захиргаа үүнийг эсэргүүцэж болиулахаар шийдэн, ашиггүй орон тоо байна гэдгийг нь НӨХГ-ын даргад ойлгуулсны эцэст хоёр тал зөвшилцөд хүрчээ. Хамтарч мод тарьж, экологийн боловсрол олгох болж, санамж бичигт гарын үсэг зурахаар Нийслэлийн Засаг дарга байсан Ц.Батбаяр, МУИС-ын захирал Ц.Ганцог нар өдөр товлосон байна. Гэтэл энэ нь бүтээгүй аж.

Өнгөрсөн зургадугаар сарын 5-нд НӨХГ-аас хэсэг хүн ирж хичээлийн байрыг лацдаад, маргааш нь хүлээлгэж өгөхийг тулгажээ. Тэр өдөр нь сурагчид эхнийхээ шалгалтыг өгөх байсан учраас "Лацдахаа боль" гэж тэднээс хүсэхэд "Эзэн нь юм аа мэдэж байна. Та нарын үйл ажиллагаа бидэнд хамаагүй" хэмээн авирлажээ. Аргаа барсан сургуулийн удирдлагууд лацыг мултлан сурагчидынхаа шалгалтыг өгүүлснийхээ дараа нь БСШУ-ны сайд Л.Болормаа болон С.Баяр сайд нарт албан бичиг хүргүүлсэн байдаг. Харамсалтай нь тэр бичгийнхээ хариуг одоо болтол авч чадаагүй аж. Түүнээс хойш элдэв хэл ам гаргалгүй байж байтал тийнхүү өнгөрсөн амралтын өдөр НӨХГ сургуулийн байрыг булаахыг оролдсон байна. Тэрхүү танхай балмад үйлдлийг НӨХГ тайлбарлахдаа "Өөрийн байрандаа засвар хийхээр очиход хаалгаа онгойлгож өгөхгүй байсан юм. Тэгээд цонхноос нь эхэлж засварлахаар болсон. "Байгаль эх лицей", "Экологийн боловсрол" төвийг 2003 оноос эхлэн түрээсээ төлөхийг удаа дараа мэдэгдсэн боловч шаардлагыг биелүүлээгүй. Тэд бусдын өмчинд дураараа халдаад байна. Харин тус сургууль тэр байрыг цаашид аваад явж чадвал, мөн түрээсээ төлчихвөл үлдэж болох юм" гэлээ.

М.Мєнхцэцэг

Мэдээллийн эх сурвалж:

"Бидний Зорилго - Монголын Ирээдүй " Хоёрдугаар хурлын тайлан, Төсөл сонгон шалгаруулалт

2008-07-18T20:20:00.007+09:00

Өнгөрөгч долоо хоногт "Бидний Зорилго - Монголын Ирээдүй " Хоёрдугаар хурал амжилттай болж өндөрлөлөө. Канто орчмын нийт 5 их сургуулиас 15-н оюутан оролцсон бөгөөд энэ удаад оюутнуудын дунд явуулж буй судалгааны урьдчилсан дүнгийн тайлан тавигдлаа. Тайлангийн нэгдсэн үр дүнг 9-р сард танилцуулах болно. Хоёрдугаар хурлын тайлан болон Сасагава Найрамдлын Нийгэмтэй хамтран явуулах төслийн сонгон шалгаруулалтын талаарх мэдээлэл, дараагийн хурлын зарыг дор танилцуулъя.

1. Судалгааны талаар

Одоогийн байдлаар нийт 135 оюутан оролцсон энэхүү судалгаа нь оюутны хувийн мэдээлэл(оюутны нэгдсэн бүртгэлийг хийх зорилготой), ЯМОХ-ын үйл ажиллагааны талаарх санаа бодол, Японд суралцах болсон шалтгаан болон Япон дах амьдралын талаар, Монгол улсын хөгжлийн талаар гэсэн 4 хэсэгт хуваагдсан байгаа билээ. Энэ олон асуултанд хариулсан нийт оюутнууддаа талархсанаа илэрхийлье. Ингээд судалгаанаас гарсан зарим үр дүнг дор танилцуулъя.
(Та хэрвээ судалгаанд хамрагдаж амжаагүй бол http://s-9ybwr-54197.sgizmo.com/ руу орж хариулна уу)

1. "Японд амьдрахад хамгийн хэцүү зүйл юу вэ?" гэсэн асуултанд "Япон хэл" 20%, "Ганцаардал" 12%, "Соёлын ялгаа" 11%, "Мөнгө санхүү" 7% гэсэн хариулттай байв.
2. "Улирлын амралтаараа юу хийдэг вэ?" гэсэн асуултанд 52% нь "Монгол харина", 18% нь "Гадаадад аялана", 15% нь "Цагийн ажил хийнэ" хэмээн хариулжээ.
3. "Монголын тухай мэдээ хэр уншдаг вэ%" гэдэгт 22% нь "Долоо хоногт нэг", 17% нь "Өдөр болгон", 13% нь "Долоо хоногт гурваас дөрөв" хэмээн хариулжээ.
4. "Төгсөөд яах вэ?" хэмээх асуултанд " 27% нь "Монгол харина", 51% нь "Японд үлдэнэ" хэмээн хариулжээ.
5. "Японд суралцаж буй оюутнууд хоёр орны харилцаанд оруулах хувь нэмэр хэр вэ? " хэмээх асуултанд 42% нь "Тодорхой хэмжээнд", 22% нь "Их", 14% нь "Маш их" хэмээн хариулсан байна.
6. "Монголд хамгийн эхний шатанд шийдэх асуудал юу вэ?" хэмээх асуултанд "Байгаль орчин, эрүүл мэнд" хамгийн их саналыг авч "Нийгэм, улс төр" удаалсан байв.
7. "Япон улсын засгийн газар болон бусад байгууллагуудын дэмжээсэй гэсэн салбар юу вэ?" хэмээх асуултанд 30% нь "Боловсролын салбар" хэмээн хариулсан байлаа.
8. "Монголд ямар төсөл хэрэгжүүлмээр байна?" хэмээх асуултанд ихэнх хувь нь боловсролын салбарт төсөл, үйл ажиллагаа явуулах саналтай байлаа.

2, 3-р асуултаас харахад ихэнх оюутнууд Монголын талаар мэдээллийг байнга авч байдаг, мөн Монголтойгоо байнга холбоотой байдаг гэдэг нь харагдаж байна. 4-р асуултын хувьд хэдийгээр "Японд үлдэнэ" хэмээн хариулсан оюутан давамгайлж байгаа ч үүний 43% нь 1-3 жил, 31% нь 4-6 жил цаашид Японд амьдрана хэмээн хариулсан байна. Өөрөөр хэлбэл ихэнх оюутнууд маань тодорхой хугацааны дараа эх орондоо очиж ажиллах сонирхолтой байгаа бөгөөд 5-р асуултын хариултаас шинжихэд ихэнх нь эх орныхоо хөгжилд хувь нэмэр оруулна гэсэн зорилготой байгаа харагдаж байна. 6 болон 7-р асуултын хувьд хэдийгээр салбар нь таарахгүй байгаа ч "Нийгэм, улс төр" ч бай "Байгаль орчин, эрүүл мэнд"-ийн салбар ч бай "Боловсрол" хэмээх салбараар дамжуулж шийдэх хэрэгтэй гэдэг нь мэдэгдэж байна. Өөрөөр хэлбэл оюутан бидний боловсрол, өнөөдөр Монголд сурч байгаа оюутан сурагчдын боловсрол Монголын хөгжлийн хамгийн том түлхүүр гэсэн үг юм.

2. Төслийн талаар

Судалгааны үр дүнд "Боловсрол"-ын салбарт төсөл хэрэгжүүлэх шийдэлд хүрсэн хэдий ч одоогийн байдлаар яг ямар төслийг хэрхэн хэрэгжүүлэх талаар шийдэгдээгүй байгаа юм. Иймээс оюутан та бүхэн өөрсдийн хэрэгжүүлэх сонирхолтой байгаа төсөл, санаа оноогоо бидэнтэй хуваалцана уу. Төслийн санаа(プロジェクト案)-г 7-р сарын 28-ныг дуустал хүлээж авах бөгөөд 8-р сарын 2-ны өдөр болох "Бидний Зорилго - Монголын Ирээдүй " Гуравдугаар хурлаар хэлэлцэх болно. Энэ үеэр хэлэлцсэн төслөө нэмэн боловсруулж 9-р сарын сүүлээр эцсийн байдлаар хураалгах бөгөөд, энэхүү төслийн санааг Сасагава Найрамдлын Нийгэмлэг хэлэлцэн үзэж, мөнгө санхүүгийн дэмжлэг үзүүлэх эсэхээ шийдэх болно. Ийнхүү энэхүү шалгаруулалтыг давбал төсөл маань ирэх жилээс хэрэгжих боломжтой болно гэсэн үг.

Төсөлд дараах шаардлагууд тавигдах болно.

1. Монголын хөгжилд шууд эсвэл шууд бусаар нөлөөлөх боловсролын салбар дах төсөл байх
2. Төслийн хэрэгжилтэнд оюутан залуус оролцох
3. Сургууль байгууламж барих мэтийн хэтэрхий том төсөл биш байх
4. Аль болох Японд ирээд мэдэж авсан, Японын боловсролын салбараас санаа авсан зүйлтэй холбоотой байх
5. 7-р сарын 28-нд явуулах төсөл A4 цаасны хэмжээнд бичигдсэн байх бөгөөд төслийг санаачлагчийн овог нэр, сургууль болон мэргэжил, курс, холбоо барих утас, хаяг болон 8-р сарын гуравдугаар хуралд оролцож чадах эсэхээ тодорхой бичих

Төслийн санааг хувиараа болон багаараа гаргаж болох бөгөөд 7-р сарын 28-ны 23:59 цаг хүртэл boykanaa@gmail.com хаягаар хүлээн авах болно.
Төслийн талаар жишээ хэлэхэд: "Монгол-Англи-Япон хэлний мэргэжил тус бүрийн толь бичиг зохиох", "Монголын бага дунд сургуулиудад "Мэргэжил бүхэн сайхан" гэдэг хичээлээс гадуурх ажил тогтмол зохион байгуулах", "Монгол оюутнуудын дипломын ажлын нэгдсэн сүлжээ бий болгох" гэх мэт саналууд одоогоор гараад байгаа.

3. "Бидний Зорилго - Монголын Ирээдүй " Гуравдугаар хурал

Огноо болон цаг : 2008 оны 8-р сарын 2-ны өдөр 15 цагаас 18 цаг (14:45 гэхэд ирнэ үү. Мөн хурлын дараа жижиг хэмжээний цайллагатай)
Газар: Сасагава Найрамдлын Нийгэмлэг, хурлын танхим
東京都港区赤坂1-2-2　日本財団ビル4階
Газрын зургийг http://www.spf.org/profile/location.html -с үзнэ үү.
Хамгийн ойр буудал: ●東京メトロ・丸の内線　国会議事堂前駅　出口３下車 ●東京メトロ南北線・銀座線　溜池山王駅　出口9下車 ●東京メトロ銀座線　虎ノ門駅　出口3下車

Оролцох арга: boykanaa@gmail.com хаягаар бүртгүүлэх
Явагдах хэл: Япон хэл

Оюутнуудын шалгалт ч дуусах үе тул та бүхэн өргөнөөр оролцоорой.
Шалгалт шүүлэгт нь амжилт хүсье!!

ЯМОХ-ын ээлжит "Зуны WORKSHOP 2008"

2008-07-17T01:37:00.002+09:00

Эрхэм хүндэт оюутан залуустаа энэ өдрийн мэндийг хүргэе.

Та бүхний шалгалт шүүлэг эхлээд зав цаг муутай байгаа биз дээ.
Шалгалтаа дуусаад юу хийх гэж байна? Монгол харих уу?
Хэрэв Монгол харих бол жил бүр ЯМОХ-оос зохион байгуулдаг "Зуны WORKSHOP"ыг хамтдаа зохион байгуулахгүй биз? WORKSHOP-ын зорилго юу вэ гэвэл, оюутан залуус Монголд амрах хугацаагаа ашиглан хамтран үйл ажиллагаа зохион байгуулах, улс орныхоо бодит байдалтай танилцах, өөрсдийн сурсан мэдсэнийг үе тэнгийнхэн болон хүүхэд багачуудад танилцуулах болно.

Энэ жилийн WORKSHOP-ын зохион байгуулагдах хугацааны хувьд 8-р сарын сүүлээс 9-р сарын эхний хоорондох хугацааг төлөвлөж байгаа бөгөөд агуулгын хувьд хараахан шийдэгдээгүй байна. Бидний явуулж буй "Оюутнуудын дундах судалгаа"-наас дүн шинжилгээ хийхэд, ихэнх оюутнууд боловсролын тал дээр ямар нэгэн төсөл, үйл ажиллагаа хэрэгжүүлэх сонирхолтой нь мэдэгдсэн тул "Зуны WORKSHOP 2008"-оо ч гэсэн үүнтэй холбох төлөвлөгөөтэй байна. Тиймээс оюутан та бүхэн энэхүү салбарт юу хиймээр байгаагаа, ямар үйл ажиллагаанд оролцмоор байгаагаа te.utopia@gmail.com хаягаар явуулна уу.

"Зуны WORKSHOP 2008"-д оролцох хүсэлтэй оюутнууд өөрийн овог нэр, сургууль болон мэргэжил, Монгол явах өдөр болон байх хугацаа, Японд болон Монголд холбоо барих утасны дугаар болон и-мэйл хаягаа дээрх хаягаар явуулж бүртгүүлнэ үү. Мөн Монгол явахаас өмнө Японд урьдчилсан уулзалт хийхээр төлөвлөж байгаа бөгөөд энэ үеэр зохион байгуулах хугацаа, нарийн агуулгын талаар хамтдаа ярилцацгаах болно. Зохион байгуулагдах өдөр болон газрын ойрын хугацаанд веб хуудас, мэйлинг листээрээ дамжуулан мэдээлэх бөгөөд "Зуны WORKSHOP 2008"-д оролцох хүсэлтэй оюутнууд энэхүү уулзалтанд ч гэсэн оролцоно уу.

Монголд өнгөрөөх зуны амралтаа хамт олонтойгоо дурсамжтай, үр дүнтэй өнгөрөөцгөөе!!

Та бүхний шалгалтанд амжилт хүсье.

"Бидний Зорилго - Монголын Ирээдүй " Хоёрдугаар хурал

2008-07-10T01:14:00.005+09:00

Сайн байцгаана уу, эрхэм хүндэт оюутан залуус аа.

Удахгүй шалгалт шүүлэг эхлэх гээд хэн хүнгүй цаг зав муутай байгаа байх.
Гэвч, эх орныхоо хөгжлийн талаар, эх орондоо юу хийж болох талаар ердөө 3-хан цаг хамтдаа ярилцахгүй биз?

6-р сарын 14-ний өдөр зохион байгуулагдсан "Бидний Зорилго - Монголын Ирээдүй " анхдугаар хурал маань амжилттай болж өнгөрсөн талаар өмнө нь мэдээлсэн билээ. Судалгааны ажил маань амжилттай явагдаж байгаа бөгөөд, эхний шатанд авсан судалгааныхаа тайлан болон, дүн шинжилгээний талаар хоёр дах хурлаа 7-р сарын 12-ны өдрийн 15 цагаас зохион байгуулах гэж байна.
Анхдугаар хуралд орж чадаагүй, судалгааны ажилд оролцоогүй байсан ч та хүрээд л ир. Японд суралцаж байгаа оюутан залуус юу бодож явдгийг, цаашид бид юу хийх ёстойг энд ярилцацгаая. Хурлын талаар доор дэлгэрэнгүй сийрүүлье. Та оролцохыг хүсвэл boykanaa@gmail.com хаягаар өөрийн овог нэр, сургууль болон курс, мэргэжлээ утасны дугаарын хамт илгээнэ үү. Заалны багтаамж бага тул нийтдээ 20 оюутан оролцохоор төлөвлөж байна. Та бүхэн яараарай!!

Огноо: 2008 оны 7-р сарын 12-ны Бямба гараг
Хугацаа: 15:00 - 18:00 (15 минутын завсарлагаатай)
Болох газар: Сасагава Найрамдлын Нийгэмлэг, хурлын танхим
東京都港区赤坂1-2-2　日本財団ビル4階
Газрын зургийг http://www.spf.org/profile/location.html -с үзнэ үү.
Хамгийн ойр буудал:
●東京メトロ・丸の内線　国会議事堂前駅　出口３下車
●東京メトロ南北線・銀座線　溜池山王駅　出口9下車
●東京メトロ銀座線　虎ノ門駅　出口3下車
Оролцох арга: boykanaa@gmail.com хаягаар бүртгүүлэх
Явагдах хэл: Япон хэл

Жич: Хуралд ирэхдээ "Монголд одоо ямар асуудал байна, түүнийг шийдэхийн тулд оюутан бид юу хийж болох вэ? " гэсэн сэдвийн дор тодорхой хэмжээнд бодож ирэхийг хүсье.

Хэдийгээр Улсын Их Баяр Наадмын өдөр тохиож байгаа ч улс эх орныхоо талаар ярилцах сайхан боломж тул та бүхэн өргөнөөр оролцоорой.

"Бидний зорилго- Монголын ирээдүй " анхдугаар хурлын тайлан

2008-07-09T15:05:00.009+09:00

Сайн байцгаана уу, эрхэм хүндэт оюутан залуус аа!!

Энэ оны 6-р сарын 14-ны өдөр зохион байгуулагдсан "Бидний зорилго- Монголын ирээдүй" анхдугаар хурал маань амжилттай болж өндөрлөсөн билээ.

Өмнө нь мэдээлсэнчлэн энэхүү уулзалтыг ЯМОХ болон Сасагава Найрамдлын Нийгэмлэг хамтран зохион байгуулсан бөгөөд Японы өнцөг бүрээс ирсэн нийт 22 оюутан, Японы Гадаад Хэргийн Яамны "Хятад ба Монголын Хэлтэс"(Энэ оны 7-р сарын 1-нээс)-ийн Монголыг хариуцсан ажилтан Хаяаши гуай, Хоккайдогийн Их Сургуулийн Слав Судлалын Төвийн судлаач Араи гуай, Сасагава Найрамдлын Нийгэмлэгийн төлөөлөгчид хүрэлцэн ирлээ. Нийт 22 оюутны маань дунд Хоккайдо, Оита, Киото, Осака, Ямагүчи мужаа төлөөлж, Монголын ирээдүйн төлөө өөрсдийн дуу хоолойгоо нэгтгэхээр хүрэлцэн ирсэн оюутнууд байсан бөгөөд, эдгээр оюутнуудын замын зардлын тодорхой хувийг Сасагава Найрамдлын Нийгэмлэгээс гаргасан юм.
Энэ завшааныг ашиглаад холоос цаг заваа гарган хүрэлцэн ирсэн оюутнууддаа болон Сасагава Найрамдлын Нийгэмлэгийн хамт олонд талархсанаа илэрхийлье.

Хурал маань Хаяаши гуайн хүндэтгэлийн лекц, Араи багшийн илтгэлээр эхлэн, Хитоцүбаши Их Сургуулийн магистрант Д. Батдэрэм, Токиогийн Их Сургуулийн 2-р курсийн оюутан Ц. Гэрэлт нар тус тусын илтгэлээ тавилаа. Хаяаши гуай, "Монгол болон Япон хоёр улсын цаашдын харилцаанд оюутны гүйцэтгэх үүрэг их" гэдгийг чухалчилж, Араи багш "Монголын ирээдүйн талаар ярилцахдаа дан ганц Монгол улс бус эргэн тойрны Монгол үндэстнүүдийн талаар ч бодолцох хэрэгтэй" хэмээн дурдаж байсан билээ. Хоёр оюутны маань илтгэл Японд суралцаж байгаа оюутнуудын давуу тал болон цаашдын үүрэг хариуцлагын талаар, мөн Японоос юуг сурч авбал дээр зэрэг тун сонирхолтой сэдвээр тавигдсан юм.

Илтгэлүүдийн дараагаар бүс бүсээс ирсэн оюутнууд санаа бодлоо солилцож, цаашид Монголынхоо төлөө юу хийж болох талаар, мөн Японд сурч байгаа оюутнууд юу бодож байдгийг судлах судалгааны ач холбогдлын талаар ярилцлаа. Оюутнуудын маань мэргэжил өөр өөр байсан тул маш олон өнцгөөс эргэцүүлэн харсан тун үр дүнтэй яриа өрнөсөн юм.
Ийнхүү "Бидний зорилго- Монголын ирээдүй " анхдугаар хурал маань амжилттай өндөрлөж, дараагийн хурал буюу 7-р сарын 11-нийг хүртэл судалгаагаа тус тусын хариуцсан бүсүүддээ явуулан, үр дүнгээ нэгтгэцгээх амлалт аван өндөрлөлөө. Дараагийн хурал маань 7-р сарын 12-ний өдөр 15 цагаас Сасагава Найрамдлын Нийгэмлэгийн байранд болох тул оюутан та бүхэн өргөнөөр оролцоно уу. Улсынхаа хөгжлийн талаар, өөрийн оруулах хувь нэмэрийн талаар санаа бодлоо солилцох энэхүү боломжийг бүү алдаарай!!!

Харамсалтай мэдээ

2008-06-12T13:20:00.004+09:00

Японы олон нийтийн байгууллагуудаас Монголд үйл ажиллагаагаа явуулдаг ТББ, Ашгийн бус байгууллагууд цөөнгүй. Тэдний нэг болох GNC Japan төрийн бус байгууллагаас Оюутны Холбоонд ирүүлсэн нэгэн мэдээг хүргэж байна.
Хэдийгээр нэлээд дээр гарсан мэдээ ч хуучрах ёсгүй мэдээ болохоор нь цааш нь уламжилж байгаа минь энэ.

Энэ мэдээг товчлон сийрүүлж, өөрийн бодлоо нэмлээ:

Монгол улсын газар нийт газар нутгийн гуравны хоёр хэсгийг эзлэх талбайтай байдаг аж. Гэтэл сүүлийн долоон жилд тэрхүү газар доорх мөстлөгийн зузаан нь 1-2 метрээр багасч, нимгэрсэн гэдэг нь Монголын Байгаль орчныг судлах Төв болон бусад газрын хамтарсан судалгаагаар 2007 оны 11 сарын 24-нд тодорхой болсон байна.

Энэ хүү газрын доорх мөстлөгтэй давхрага нь юунд ашигтай вэ гэдэг асуулт гарч ирэх байх.
Тэгвэл энэ мөстлөгтэй давхрага хайлбал юун түрүүн одоо болж байгаа цөлжилт гэдэг асуудлыг зогсооход маш хэцүү болох юм. Хэдхэн жилийн дараа гэхэд

Тал хээр нутагтай билээ
Таван хошуу малтай билээ
Тараг айраг элбэгтэй билээ
гэдэг шүлгийг Монголчууд бид уншиж чадахааргүй болох юм шиг байна. Хээр тал минь элсээр хучигдаж, мал аж ахуй маань хэцүү байдалд орно. Улмаар устах ч аюул нүүрлэх магадлалтай. Тэгвэл бид айраг, цагаа, ааруулаа идэж чадахаа байхаас гадна эдгээр үгс бидний үгсийн сангаас гээгдэх байхдаа.
Дээр нь газар доорхи их хэмжээний хүлэмжийн хий агаарт дэгдэх аюултай болох ажгуу. Метан гэх зэрэг эдгээр хий нь энэхүү давхрагаар газрын гадарга дээр гарахаас хамгаалагдаж байдаг бололтой. Хэрэв метан зэрэг хүлэмжийн хий агаарт дэгдвэл дулааралтыг эрс түргэсгэх аюултай ажээ.

Энэхүү судалгааны баг Налайх дүүрэгт хөрсөнд шинжилгээ хийсэн ба урьд нь 1999 онд хийсэн судалгаагаар 4-6 метр байсан мөстлөгийн зузаан 2006 он гэхэд 2-4 метр болж нимгэрсэн байна.
Судалгааны багийнхны баталж байгаагаар Монголын дундаж агаарын хэм сүүлийн 60 жилд 1.82 хэмээр өссөн, Улаанбаатар хот орчимд 2.31 хэмээр өссөн зэргийг харьцуулж үзээд энэ байдлаар бол дахин хорин жил өнгөрөхөд Налайх дүүрэг орчмын мөстлөгтэй давхрага бүрэн хайлж алга болно гэсэн дүгнэлтэд хүрсэн байна.
........................................................................................................................................
Японы мэдээллийн сувгаар: Монгол устаж, алга болох уу? гэх зэрэг мэдээлэл гарч байна.
Нийт нутаг дэвсгэрийн гуравны хоёрт нь байдаг мөстлөгтэй давхрага нь хайлбал Монголд бүх нутгийг хамарсан цөлжилт болох ба энэ нь Монгол устаж байгаа гэж хэлж байгаатай бараг агаар нэгэн зүйл бололтой.

Бусдаар хэлүүлэлтгүй бид ч гэсэн тэгж бодох байх.
Ногоон тал минь байхгүй болж оронд нь шар тал, элс болон хувирах. Хавартаа өндөрт эргэлдэх шороон үүл нүүр нүдгүй гуядах болно. Монголын өнө эртнээс уламжлалтай нүүдэлчний "Мал аж ахуй " маань устаж эдийн засаг, соёлын салбарт томоос том хохирол амсах болох нь.

Цаашилбал энэ нь Монгол төдийгүй, дэлхий нийтийг хамрах аюулын харанга дэлдэж байна.
(Энэхүү мэдээг явуулсан GNC Japan төрийн бус байгууллагын Яно Акико гуайд баярлалаа)

事務局の矢野です　

モンゴル国　永久凍土についての　ショッキングな記事を二つ送り

ます。

今は、とにかく、たち止まらずにできる限り解決につながると考えうるアクションし続けていきなさい！
と言っているような気がします。
モンゴル政府が　今年、急にセレンゲでの植林を２００haも実施したことがうなづけますね
・・・・・・・・・・・・・・・・・・・・・・・・・・・・・・・・・・・・・・・・・・・・・・・・・・・
2007.11.25 【環境】温暖化の影響でモンゴルの凍土減少進む

地球温暖化が進む中、モンゴルの永久凍土の厚さが７年間で１～２メートルも減少していたことが、
国立環境研究所と慶応大の共同研究で２４日、明らかになった。

２０年後には観測地付近の永久凍土は完全に消失すると予測され、このままでは土地の乾燥化が
進んで草原がなくなり、住民の遊牧活動に大きな影響を与える懸念があるという。

モンゴルには国土の３分の２にわたる広大な永久凍土が存在するが、まとまった観測データは
ほとんどなかった。凍土が解けると、地下に蓄えられている強力な温室効果ガスのメタンが大気中に放出され、
温暖化をさらに加速させる悪循環を招く恐れも指摘されており、今後、さらに詳しい調査が必要になりそうだ。

同研究所の王勤学アジア水環境研究室長らは、ウランバートルから南に数十キロの場所に位置する
ナラヘ地区で、地中探査レーダーを使い地下の凍土の状況と内部構造を調査。９９年には４～６メートル
あった凍土の厚さが、０６年には２～３メートルになっていた。誤差を考慮すると、減少は１～２メートルになるという。

モンゴルの年平均気温は４０年から０４年の間に１・８２度上昇。特にウランバートルでは２・３１度上がった。
研究チームは、気温が今のペースで上がれば永久凍土の温度も上昇し、２０年後にはナラヘ地区の
永久凍土は完全に消失するとしている。

研究チームは「永久凍土の消失速度は予想をはるかに超えており、道路や建築物にも大きな被害が出る
可能性がある」と対策強化を呼び掛けている。

・・・・・・・・・・・・・・・・・・・・・・・・・・・・・・・・・・・・・・・・・・・・・・・・・・・・・・
★モンゴルが消える！？　「永久凍土」温暖化で溶け…２０年後には全土が砂漠化？
３０日に再来日した横綱朝青龍の母国モンゴルが、大変なことになっていた。全国土の３分の２を占める「永久凍土」が、温暖化の影響で７年間に２メートル近くも減少していたのだ。このままいけば、２０年以内にウランバートル周辺の永久凍土が消滅し、モンゴル全土が砂漠化するなど、国全体が存亡の危機に立たされることになる。横綱の血と汗の結晶であり、籠城でも役立った「ドリームランド」も風前のともしびかも！！

永久凍土とは摂氏０度以下で、地中の水分が２年以上凍結している土壌のこと。厚さは数十メートルから数百メートルまでさまざまで、不連続の永久凍土としてはモンゴル南部が南限とされている。

永久凍土が溶け出すと、土地の乾燥化が急激に進んで森林や草原が消失し、さらなる温暖化を招く悪循環を引き起こす。ただでさえ、遊牧民の過剰放牧で広大な草原を消失しているモンゴル国民にとっては、まさに死活問題だ。

この問題を２６日、中国・北京で開催された日蒙中３国の国際会議で発表した、環境省地球環境局の塚本直也室長（４５）は、次のように語る。

「温暖化は、公式報告では１００年で０．７４度の上昇といわれていました。しかし、実際には６０年で３．４度も上昇し、永久凍土が激減したのです。２０年後にモンゴル全土が砂漠化したら、日本では黄砂の被害が甚大です。また、これまで遊牧が主要産業だったモンゴルで食料自給ができなくなるなど、アジアの安定、食料安定の観点からも由々しき問題です」

ウランバートル市民も、この報道にショックを隠せない。元東大生でＩＴ企業経営者のハグワスレン・ジャザグ氏（３３）は当初、１７日付地元紙に「女性同伴のバーで大暴れ」などと報じられた朝青龍に関する取材と勘違いしたが、本紙の取材趣旨を聞いて愕然（がくぜん）。「それは大変。もはや朝青龍騒動どころではないですね。大陸全体の乾燥化が進めば、日本人にとっても他人事では済まないはずです」と、危機感をあらわにした。

これまでは、モンゴルの永久凍土に関する観測データがほとんどなかったが、今回、永久凍土が溶けることで、地下に蓄えられている強力な温室効果ガスのメタンが大気中に放出され、温暖化がさらに加速する悪循環が続いていることが、数値上も確認されている。

モンゴル永久凍土の変動を研究する北海道大大学院の杉本敦子教授も「ユーラシア大陸の東半分は、世界でも類を見ない広大な永久凍土が南北に広がり、その南限がモンゴル。いまや、“壊れゆく大陸”といってもよいでしょう。モンゴルの危機は、地球全体の危機です」と警鐘を鳴らしている。（ZAKZAK 2007/12/03）

Бидний зорилго- Монголын ирээдүй

2008-06-10T00:39:00.009+09:00

Сайн байцгаана уу

Японы өнцөг булан бүрт байгаа оюутан залуусаа!!
Оюутан та юуны төлөө, юуг зорьж, сурч боловсорч явна вэ ?

Эх орныхоо тухай боддоггүй,　санаа зовнидоггүй,　монгол хүн гэж байхгүй билээ.
　Та Монгол улсынхаа ирээдүйг хэрхэн төсөөлж байна вэ?
Монгол орныхоо төлөө таны, бидний хийж чадах зүйл, хувь нэмэр гэж юу вэ?
Монголын ирээдүй болсон бид сурсан мэдлэг, санаа бодол, зорилгоо бусад найз нөхөд, үе тэнгийн залуустайгаа хуваалцаж баймаар байна. Үүний тулд яах вэ?
Гэх мэт олон олон асуулт биднээс хариулт нэхэн хүлээж байна.

Энэ асуултуудын хариултыг бүгдээрээ хамтран хайвал ямар вэ?
Тэгвэл "Дэм дэмэндээ дээс эрчиндээ " гэдгийн адилаар оюутан залуус бид оюун санаа, хүч чадлаа нэгтгэвээс эргэлзээгүй нэгэн үр дүнд хүрнэ гэж итгэж байна.
Тиймээс ч энэ удаа Япон дахь Монгол Оюутаны холбоо (ЯМОХ), Япон улсын Сасагава Энхтайваны Сан（笹川平和財団）-тай хамтран モンゴル留学生意識調査 буюу Оюутан залуусын үзэл бодол , ирээдүйд юу хийх вэ гэх мэт санаа оноог мэдэх, нэгтгэх зорилготой судалгааг явуулах гэж байна.
Судалгаа нь 6 сарын 15-наас 7сарын 11хүртэл үргэлжлэх бөгөөд хамтран ажиллах сонирхолтой хүн бүгд судалгааны багт орж болно.
Сонирхсон хүмүүсээс бүрдсэн судалгааны нэгэн багийг байгуулах бөгөөд, тэр нь оюутан залуус бид, эх орныхоо төлөө, бас өөрийнхөө ирээдүйн төлөө хийх зүйл юу вэ гэдгийг нэгтгэн гаргах зорилготой ажиллах юм.
Судалгааны үр дүнгээс Монголд хэрэгтэй, цаашид хэрэгжүүлэх боломжтой санаа гарч ирвэл түүнийг төсөл болгон Сасагава Энхтайваны сангын дэмжлэгтэйгээр Монголд хэрэгжүүлэх боломжтой болох юм. Бидэнд ийм том боломж олдоод байгаа билээ. Өөрөөр хэлбэл та бидний хүсэл эрмэлзлэл, хийе гэж бодож явдаг зүйл маань мөрөөдөл биш, бодит байдал дээр хэрэгжих боломж гарч ирж байна гэсэн үг.
Хэдийгээр шалгалт шүүлэг маань ойртож байгаа ч бүгдээрээ чадлынхаа хэрээр сэтгэл, цаг заваа гаргахыг хичээнгүйлэн хүснэм. Оюутан та, бидний гарт Монгол эх орны маань ирээдүй байна!!

Бид Судалгаатайгаа холбогдуулан 6 сарын 14-ны Бямба гарагт хуралдах гэж байна.
Үзэл бодлоо солилцоё, судалгаанд хамтран ажиллая гэсэн сонирхолтой Японы Өнцөг булан бүрийн Монгол оюутануудыг хуралд хүрэлцэн ирэхийг хүсэж байна.

Хэзээ, хаана:
Өдөр цаг: 6сарын 14 ны 14:00-17:00
Болох газар: Токио хот, 日本財団ビル４階　大会議室
Холбогдох хаяг:утас: 090-9963-1598
майл хаяг: benchin.by@gmail.com

Жич:
# Хуралд оролцох хүний тоо хязгаартай тул яаран бүртгүүлээрэй
# Токио орчимоос өөр газараас ирэх хүний замын зардалыг ярилцсаны үндсэн дээр тодорхой хувийг гаргах боломжтой(хүний тоо хязгаартай)
#Судалгаа маань зорилго ямар нэгэн ашгийн бус ,цэвэр сайн дурын үндсэн дээр явагдаж байгаа.

Оюутан залуусаа бидний идэвхи зүтгэлийн үзүүрт гэрэлт бамбар асаж байна.
Бид тэр гэрэлт бамбарыг даган гэлдрэлгүй, түүнийг барьж бусдыгаа дагуулан явцгаая.

Япон дахь Монгол Оюутны Холбоо
Удирдах Зөвлөл

"Оюутан" Зуны аялалын төлөвлөгөө

2008-06-06T08:37:00.003+09:00

Зуны аялалын талаар өмнөх билчлэг дээр мэдээлж байсан бол одоо төлөвлөгөө, маршрутаа танилцуулъя.
Аялалдаа бэлтгэж байна уу оюутнууд аа?Энэ удаад аяллын маань тов, цуглах газар , амралтын газар зэрэг нарийн мэдээллүүд тодорхой болсныг мэдэгдье.

Аялах өдөр: 6 сарын 21-22

Цуглах газар: JR新宿駅西口　新宿センタービル前 (Газрын зурагнаас үзнэ үү）

Цуглах цаг: 10:00 -10:20(Автобуснаас хоцорсон тохиолдолд өөрөө явж очих, эсвэл cancel費 төлөх гэх мэт хүндрэлүүд учрах учир цагаа баримтлахыг нийт оюутнуудаасаа хүсье. )

Хөдлөх цаг: 10:30

Үнэ: Үнэ 11500円 хавьцаа гэж тооцоолж байна. Гэхдээ оролцогчдын тооноос хамаараад өөрчлөгдөх тул эцсийн хариуг бүртгэл дуусахаар мэдэгдэх болно. (Төлбөрийг автобусанд хурааж авна. Үүнд байрлах газар, хоол унд, ирж очих автобусны зардал багтсан болно.)

Байрлах газар: http://www.greenthebell.com/marina/shisetsu.html
10-13 хүний багтаамжтай 4 байшинд хуваагдан орох болно.Ариун цэврийн хэрэгслээ өөрсдөө авчрах шаардлагатай.

Бүгдээрээ ариун цэврийн хэрэгсэл юу бэлдэхээ мэдэж байж магадгүй ч доор наад зах нь юу байвал зохихыг сануулах зорилгоор дурьдаад орхиё.
Үүнд: Шүдний оо, сойз, нүүр гарын саван, алчуур, мөн биеийн алчуур байхад болох байх.

Бүртгүүлэх эцсийн хугацаа: 6 сарын 14
(САНАМЖ: 6 сарын 18-аас хойш cancel хийсэн тохиолдолд нийт зардлын 50%-г төлөх болохыг анхаарна уу)

Бүртгүүлэхийн тулд boldbayar86@yahoo.com хаяг руу нэр, сургууль, утасны дугаар, мэйл хаягаа явуулна уу.

6 сарын 22-ны 17 цаг хавьцаа Токёо-д буцаж ирэхээр төлөвлөж байна.

Зээ манайхаан ядаргаагаа тайлж бүгдээрээ нэг сайхан "Цэнгэн хөгжилдөе" еэээ ееэээ!!!!

Зуны аялал-2008

2008-06-01T12:56:00.003+09:00

Зун цаг хаяанд ирлээ. Жил бүр уламжлал болон 2-р курсийхан маань зохион байгуулсаар ирсэн Далайн аялал маань шинээр ирсэн коохай нартайгаа танилцан, найз нөхдийн хүрээгээ тэлэх, оюутан залуусын дотно сайхан нөхөрлөлийг бий болгох зорилготой билээ. Энэ жилийн далайн аялал "Зуны аялал 2008" -аар Чиба мужийн 九十九里 (Күжүкүри) далайн эрэг рүү аялахаар тогтлоо.
Аялалын зардал хараахан тодорхой болоогүй байгаа боловч өмнө жилүүдийн жишгээр 10000 йен гаран хавьцаа болох болов уу гэж тооцоолж байна.
Номын сан, лекцийн танхимаасаа түр холдон зуны дэлгэр цагийн зугаатай 2 өдрийг далайн эрэг дээр хамтдаа хөгжилдөн өнгөрөөцгөөе.
Аялалд оролцох хүний тоо хязгаарлагдмал байгаа тул яарцгаана уу.
Бүртгүүлэхийн тулд boldbayar86@yahoo.com хаяг руу нэр, сургууль ажил, утасны дугаар, мэйл хаягаа бичин явуулна уу.

Ёкохама Улсын ИС Олон Улсын Бизнэсийн Удирдлага 2-р анги Болдбаяр

Цаашдын Урам уулзалт ба ТА

2008-05-14T10:25:00.003+09:00

Хаврын Баяр маань ч дуусч, нэгэн жилийн их арга хэмжээний ард гарч чадлаа. Гар бие оролцсон, хол байдаг ч, баярын өдөр стафф болж ажилласан нийт найзууддаа баярлалаа. Мөн ирэх жилийн Хаврын Баярт эхнээс нь тогоонд нь чанагдаж, насны найзуудтай больё гэвэл www.harumatsuri.net рүү хандах буюу harumatsuri2008@gmail.com руу бичээрэй.

За бидний ЯМОХ маань нэг ажил дууслаа ч, дараагийн ажил хүлээж байдаг жамтай. Бид УРАМ уулзалтаа цогц арга хэмжээ болгохоор зорьж байна. Ирэх жил хүртэл цуврал Урам уулзалтуудыг Токио болон Японы хотуудад зохион байгуулна. Улмаар ирэх жил Япон улс дотроо бүх Японд сурч байгаа оюутнуудын төлөөллөө кэн-бүрээс урин "Нийт Японд суралцагч оюутнуудын Чуулга" хийнэ. Тэгсний үндсэн дээр Монголдоо зун нь уламжлалт нийт гадаадад суралцагч Монгол оюутнуудын чуулган "Эрдэм Симпозиум"-ыг зохион байгуулахаар төлөвлөж байна.

Иймд та Японд сурдаг бол эхлээд Урамд, Солонгос, Хятад, Энэтхэг, Турк, Герман, Англи, Америк гээд дэлхийн өнцөг булан бүрээс эх орноо зорин ирэх оны зун харих бол бидэнтэй холбоо бариарай. Энд сэтгэгдэлээ үлдээгээрэй.

Mottainai

2008-04-14T02:40:00.000+09:00

2008年4月13日
　　　　　　　　「受け継がれるべき精神は今！？」
　　　　　　　　　　　　　　　　　　　　　　　　　デルメ（Дашмягмарын Батдэрэм）　
一橋大学商学研究課修士1年

　大草原をゆったりと移動する遊牧民を思い浮かべる。彼らは四季がもたらす気候が家畜に最適であるように山と川と草を求め廻るのだ。だから、自然の姿を失う土地がどこにも生じないことは大変素晴らしい。私たちが想像する限りなく広がる平原といえども、人間と家畜の滞在期間が長くなってしまうと土地の負担が大きくなってしまう。彼らの生活は太陽の動きと一体で、自然との調和が見事である。だからこそ持続可能な共存が可能になるといえよう。
他に類のみないこのモンゴル文化の中でゴミについて考えてみたい。昔から我々の祖先が自然ハーブのある草原にて家畜を育てて生活してきた。家畜から主食の乳製品とお肉が得られ、着るものに皮と毛を活かしていた。衣食住の住に当たるモンゴル・ゲル（移動式住宅）にも、羊の毛から出来るフェルトは厳しい冬に断熱材として活躍する。まさに循環利用社会だ。そこに無駄で、捨てるものは一つとしてないのである。羊を解体する時一滴の血も流さず何も捨てることなく全て利用する。この優れた知恵についてその代表的な例として挙げられることが多い。また、川から水をくむ時は専用のものを使い、ミルク用の容器を絶対に使用しない。こういった自然への配慮が文学から教わることもできる。そうすると自然への害は無に等しい。現代人類が誇る近代生活の負の側面はここに現れることは無い。むしろ、モノを不要でゴミと名づけないのかもしれない。今なお活用されない糞さえ、遊牧民にとって燃料になるのだから。
　しかし、現在のウランバートル（＊）は四つの山に囲まれた盆地であるがゆえに、今やゴミに囲まれた集積場になっている。現代人が売買する数々の商品からその人にその時において不要とされるものが毎日大量に生み出される。それがただただ住宅前から運ばれ、別のところで散乱し、土壌汚染の主役を務める。聖なる場であるはずの墓場にも広がるゴミ置き場が出現したという。モンゴルではまだゴミの分別、焼却、再利用等々が出来ていない現状だ。だから、そこにもはや健康で、名力士のような強い赤ちゃんが育つ環境でなくなっていることが受け止めがたい悲しき環境だ。
　このいわば「ゴミ文化」をもたらした現代商業と化学の由来をどこからなのだろう。そして、それまでに我々が持っていた、誇っていた「ゴミのない文化」とその精神をもみつめる。今の私たちが何をすべきなのだろうか。そこで自分なりに答えを出した。我々の手でその精神を守ることだ。疑問を感じなくなった今の生活様式を変えられるか、というと大変難しい。問題はその現われではなく、本質にある。私たちの考え方にあるのだ。今なお受け継がれるべき精神こそが、課題への解決口なのではないか。それはゴミを生まないことで、自然を汚さないことだ。いわゆるゴミは放って置かないことだ。ゴミ処理の先進国である日本にも学ぶことなのだ。そして、その成果を本国に帰って実行することは我々留学生の使命でもあるのだ。

＊：ウランバートルはモンゴルの首都であり、全人口の半分以上が集中している。

Япон дахь Монгол Оюутны Холбоо

2008-04-05T03:32:00.006+09:00

Одоогоос хорин зургаан жилийн өмнө тэртээх 1982 онд тухайн үеийн социалист системтэй, хөрөнгөт ертөнцөд хаалттай БНМАУ-аас（хуучнаар） анхны хэсэг оюутан Япон улсад суралцахаар ирж байлаа. Тэдний дотор одоогийн Монгол улсаас Япон улсад суугаа онц бөгөөд бүрэн эрхт элчин сайд Р. Жигжид гуай багтан ирж Японд суралцагч, төгсөгч гэх нэгэн бүлэг хүмүүсийн эхлэлийг тавьж байжээ. Тэгвэл онц цаг улирсаар суралцагч оюутны тоо ч өсөн нэмэгдсээр өдгөө нэгэн мянга гэх тоог даваад байна. Дээд боловсрол, мэргэжлийн сургууль, магистар, доктор гэх боловсролын бүх шат дамжлаганд, эх орондоо хэрэг болох тулгуур болон туслах олон салбарт суралцаж байна.

1996 онд хэсэг оюутан залуус санаа нэгдэн зохион байгуулалтанд орж Япон дахь Монгол Оюутны Холбоо（ЯМОХ） гэдэг байгууллагыг өлгийдөж авснаар, өдгөө тэр нь оюутан төвтэй, үйл ажиллагаагаа тогтмол явуулдаг өнөр гэр бүл болоод байгаа. Бүх оюутнууддаа үйл ажиллагаа, хамрагдах хүрээгээ нээлттэй байлгахыг зорьдог ЯМОХ-ны хувьд 2007-2008 оны хичээлийн жилд түүхэндээ анх удаа эмэгтэй тэргүүнтэй болсон.

“Дэм дэмэндээ, дээс эрчиндээ” гэдэг шиг хол газар, хүний нутагт бие биедээ харамгүй тусалж, дэмжлэг болж хамтдаа хичээж явах нь оюутан бидэнд хэрэгтэй. Энэ үндсэн чиг хандлагыг барин ЯМОХ үйл ажиллагаагаа явуулж байдаг. Нийгэмд болон хэн нэгэнд хэрэг болохуйц сайн дурын үйл ажиллагаа явуулж байгаагаараа өдгөө Монгол улсыг Японд төлөөлөх хамгийн том байгууллага юм.

Оюутан залуусыг нийгэмд төлөвшүүлэх, баг-хамт олонч байдал, ажил зохион байгуулалт мөн Японы нийгэмд хүмүүстэй яаж харьцах вэ зэргийг суралцахад оюутны холбоо нэлээд түлхүү ажилладаг.

Энэ ч утгаараа гадаад харилцаа сайжирч Япон-Монголын хамтарсан нийгэмлэг, сайн дурын байгууллагууд, Монголд элэгтэй Япончууд, Монголын төрийн болон төрийн бус байгууллагууд, Японд төгсөгч монголчуудын “ЖҮГАМО” нэгдэл мөн зарим нэг гадаад улсад суралцагч оюутнуудынхаа адил төстэй байгууллагуудтай хамтран ажилладаг.

“Хүн нэмбэл хүнс нэмэгдэнэ” гэж ардын зүйр үг байх. Тэгвэл Японд суралцагч Монгол оюутнуудын тоо өсөхийн хэрээр, оюутны холбооны үйл ажиллагаа ч дагаад өсдөг. Бас “Саалиа гэхээр саваа бэлд” гэгчээр оюутны холбооны салбар энэ жилээс Кансай мужид байгуулагдаж байгаа билээ. ЯМОХ гэдэг айл өнөр өтгөн болж эх орны ирээдүй болсон залуусаа нэгтгэн нэгэн зүгт чиглүүлэхэд түүний бамбар нь болж явах учиртай. Тэнд идэвхийлэн суралцах, инээмсэглэн уулзалт, итгэл сэтгэл, ирээдүйн зорилгын нэгэн цогц хамтдаа бий.

Японд суралцагч залуу та хэн боловч ЯМОХ-ны үйл ажиллагаанд идэвхтэй оролцож, өөрийн санасан сэдсэнээ бүтээж, хэн нэгэнд хэрэгтэй юм хийж, хаана ч байхгүй зузаан нөхөрлөлийг бий болгон түүнийхээ нэг нь өөрөө байхыг хүсэхгүй гэж үү？ Хэрэв тэгж боддог бол эргэлзэлгүй хүрээд ир.Таныг алгаа тосоод угтан авна...

Тулганд гал бадарч өөдлөн дэвжихийн цагт хүслийн оргил хязгааргүй өөд дүүлэн тэмүүлнэ

Тэр дүүлэх хүслийн жигүүр хүрэх газар нэг л зорилготой, тэр нь эх орон, түүний ирээдүй

Эх орон хүүгээ хүлээнэ, тэднээсээ ирмүүн зориг, итгэл сэтгэл, ирээдүйн зорилгыг нь........ хүлээнэ

Тиймээ “Өсөхөөс сурсан үндэсний хэл мартаж болшгүй соёл

Үхтэл орших төрөлх нутаг салж болшгүй орон”....Монгол нутаг минь биднийгээ хүлээнэ, бидэнд найдна.

"Урам" уулзалт

2008-02-21T02:58:00.008+09:00

Японд суралцагч оюутнууд хоорондоо мэргэжил, мэдлэг, мэдээллээ солилцох зорилгоор тогтмол зохион байгуулагддаг "Урам" уулзалт удахгүй болох гэж байна.

Энэ удаагийн "Урам " уулзалтыг оюутан залуустаа зориулан "Миний мэргэжил Миний эх оронд " нэрийн дор нээж байна. Өөрийн мэргэжил, гүнзгийрүүлэн суралцаж буй чиглэлийнхээ тухай, судалж буй ухагдахуун, мургэжил маань Монгол орны хөгжилд ямар байдлаар нэмэр болж чадах вэ зэрэг сэдвээр илтгэл, ярилцлага хэлбэрээр явагдана. Байгалийн болон нийгмийн ухааны чиглэлээр аль алинаар ярилцах тул бүх оюутнуудад маань сонирхолтой байх болов уу! ТА бүгдийг хүлээж байна.

Дашрамд илтгэл тавих сонирхолтой ахлах болон мастер ,доктор курсийн оюутанууд холбоо барьж бидэнтэй хамтран ажиллана уу?

Хэзээ: 2008 оны 3 сарын 22, Ням гариг 10-14 цаг

Болох газар: Токиогийн их сургуулийн Комаба кампус Ｃｏｍｍｕｎｉｃａｔｉｏｎ　Ｐｌａｚａ

（最寄り駅：駒場東大前駅、井の頭線）

Дэлгэрэнгүй мэдээллийг зохион байгуулагчаас авна уу.

Зохион байгуулагч: ЯМОХ

Хариуцагч Ц.Гэрэлт Токиогийн их сургууль,Эдийн Засгийн 2-р анги

утас: 090-9991-4989

Цахилгаан шуудан: gerelt531@softbank.ne.jp

"Хаврын баяр-2008"-ын Сурталчилгааны хуудас

2008-02-21T02:54:00.006+09:00

"Хаврын баяр-2008"-ыг сурталчлах хүрээнд тараагдах "тараах хуудас" бэлэн боллоо. Олон хүний хүч хөдөлмөр, ур ухаан оролцсон болохоор их сайхан хуудас боллоо. Яг л бүхнийг урин даллах мэт Монгол эр мориндоо мордож, наадмын зүг зорин айсуй. Ийм дүр зургийг энэ удаагийн тараах хуудсаараа үзүүлж, эх орноо сурталчилан таниулахыг зорьж байгаа бидний хэдэн оюутны хүсэл зоригийг илтгэх.
Энэхүү хуудсыг хийхэд бидэнд өөрийн хүч чармайлтыг гарган тусалсан Японы Чиба Их Сургуулийн Түүхийн гуравдугаар ангийн оюутан Рафаэл Мизаэл Дэ Оливерад талархаж байгаагаа илэрхийлж байна. Хэдийгээр Монголын тухай сайн мэдэхгүй гадаад хүн ч гэсэн эх орныг маань сурталчлах энэхүү арга хэмжээнд маань өөрийн бололцоогоор тусалж, бидэнд нэг том ажлыг маань нугалж өгсөн юм.
Мөн энэхүү тараах хуудсыг хийхэд ашиглагдсан "Наадам" зургийг зурсан зураач Э. Амарсайханд талархал илэрхийлж байна. Зураач Э. Амарсайхан нь "Хаврын баяр-2007"-ын үеэр өөрийн зурсан зургаар үзэсгэлэн гаргаж баярт маань нэгэн шинэ өнгө төрхийг нэмж өгч байсан. Түүний өнгөрсөн жилийн Хаврын баяраар гаргасан үзэсгэлэнд тавигдсан зургаас энэ удаагийн Хаврын баярын тараах хуудсанд ашиглахыг тэрээр зөвшөөрсөн юм.
Ийнхүү хаврын баярын ЗБХ болон бусад бидэнд тусалсан сайхан сэтгэлт хүмүүсийн дэмээр "тараах хуудас" маань бэлэн болоод байна.

Сагсны тэмцээний дүн

2008-01-18T18:59:00.005+09:00

2007 оны 12-р сарын 23-ны ням гаригт Японд дахь Монгол Оюутны Холбооноос зохион байгуулсан "ЯМОХ-Сагсан бөмбөг"-ийн 11 дэх удаагийн шилжин явах цомын төлөөх тэмцээн амжилттай болж өнгөрлөө. Тэмцээн Токио хотын Нэрима дүүргийн Хикаригаока 2-р дунд сургууль дээр зохиогдсон билээ. Тэмцээний бэлтгэл ажил тэмцээн болохоос сар гаруйн өмнөөс эхэлж, оролцох багуудын бүртгэлийг эхлүүлсэн билээ. Энэ удаад тэмцээн болох газрын нөхцөл байдал болон өмнөх жилүүдтэй харьцуулан, эрэгтэй арван хоёр, эмэгтэй дөрвөн багийг бүртгэж авсан. Гэвч тэмцээнд оролцох хүсэлтэйгээ илэрхийлж, зарим нэг мэдүүлгээ ирүүлсэн багуудыг тэмцээнийг зохион байгуулсан газрын нөхцөл байдлаас болж оролцуулаагүй болно. Эрэгтэй нийт хорин баг тэмцээнд оролцох санал ирүүлсний дотроос мэдүүлгээ түрүүлж ирүүлсэн арван хоёр багийг бүртгэж авсан болно. Оролцож чадаагүй үлдсэн багуудаас уучлалт хүсэж дараагийн тэмцээнд эртнээс бүртгүүлэхийг сануулья.

Энэ жилийн тэмцээн нэгэн онцлогтой байсан нь анх удаа эмэгтэй багууд оролцсон явдал байсан.

Чингээд сугалаагаар эрэгтэй багууд А, Б, В,Г дөрвөн хэсэгт, эмэгтэй багууд дөрвүүлээ нэг хэсэгт оров.

Тэмцээнд ЯМОХ-ны Тэргүүн Ж. Болдмаа мэндчилгээ дэвшүүлж, тамирчдад амжилт хүсэв. ЗБХ дүрмээ танилцуулж, Монгол улсын төрийн дуулалыг бүгдээрээ хамтдаа дуулснаар тэмцээн эхэллээ.

Эмэгтэй багууд тойргийн тоглолтоор аваргаа шалгаруулсан ба хамгийн олон хожилтой "Мэргэжилтэн" баг тэргүүн байр, хоёр дугаар байранд "ЯМОХ-1" баг шалгарч баярын бичиг, мөнгөн шагналаар тус тус шагнуулав. Тэмцээний завсарлагааны цагаар "Хос шидэлт"-ийн тэмцээн болсон бөгөөд нийт арван зургаан хос идэвхтэйгээр оролцлоо. Тэдний дотор хоёр хос нь Хикаригаока 2-р дунд сургуулийн сурагчид байлаа. Хосуудаас Мөнхбат, Мөнхдэлгэр нарын хос тэргүүн байр эзэлж баярын бичиг, мөнгөн шагналаар шагнагдав.

Хагас шигшээд хэсгээс нэгээр гарсан багууд үлдсэн ба хоорондоо оноолтоор тааран тоглов. Шигшээ тоглолтод тэргүүн байрын төлөө Азийн ИС, Мэргэжилтнүүд багууд, гуравдугаар байрын төлөө Токио ИС, Батлан Хамгаалах Үндэсний Академийн(БХҮА) баг тамирчид тус тус тоглохоор болов. Ингээд тэргүүн байр цомыг "Азийн ИС", хоёр дугаар байр "Мэргэжилтнүүд", гуравдугаар байр " БХҮА" гэсэн багууд шалгарч баярын бичиг, мөнгөн шагналын эзэд болов.

Тэмцээний үед тамирчид тоглож байгаад талбайн гаднах үзэгчидрүү налж ойчсоноос нэгийгээ бэртээсэн явдал гарсан. Дараа дахин нэгнийгээ бэртээж, гэмтээх асуудал гаргалгүйгээр болгоомжтой бие биеэ хүндэтгэж тоглохыг нийт тамирчид, оюутан залуустаа сануулах юун.

"Хаврын баяр- 2008"-ын уриа

2007-12-09T17:54:00.000+09:00

Ирэх жил Япон дахь Монголын Оюутны Холбооноос зохион байгуулах Хаврын Баяр 2008-ын уриаг Япон дахь нийт Монголчууд та бүхний саналыг хүлээн авсны үндсэн дээр сонгон шалгаруулахаар болж байгаа юм. Иймд та бүхэн өөрсдийн санал болгож буй уриаг бидэнд чөлөөтэй илгээнэ үү..

Хаврын Баяр 2007-гийн уриа みんなでつくろう、モンゴルのみらい

Хүлээн авах эцсийн хугацаа: 2007 оны 12 сарын 31

Саналыг хүлээн авах хэлбэр: Энэ тэмдэглэлд сэтгэгдэл хэлбэрээр үлдээх, эсвэл te_paradise@yahoo.com гэсэн хаяг уруу илгээж болно

Шаардлага: Уриа нь Япон хэлээр байх ба хэт урт биш байх

ЯМОХ-ын мэдээллийн алба

Оюутан шинэ жил

2007-12-01T16:25:00.000+09:00

Өвлийн жавар хацар хайравч, эргэн тойрон баярын уур амьсгал ороод, сэтгэл гэгэлзээд нэг л болохгүй нь. Оюутан та нар маань харин яаж байна?

Жил бүр ЯМОХ-оос маань Оюутны шинэ жилийг зохион байгуулдаг билээ. Энэ жил ч мөн уламжлал ёсоор Оюутны шинэ жилийн парри 2007-доо оюутан та бүхнийг хүрэлцэн ирэхийг урьж байна. Дашрамд хэлэхэд энэ удаа мэргэжлийн ＤＪ урилгаар оролцох тул хөгжим бол тасархай гэж байгаа ；）

Хэзээ: 2007 оны 12 дүгээр сар 25(Мягмар гараг)
17:00～22:00 цаг　(16:30-с оруулж эхэлнэ)
Хаана: Токиогийн Их сургуулийн Митака Олон Улсын оюутны хотхоны их танхим
(東京大学三鷹国際学生宿舎共用棟).
Очих арга: http://www10.atwiki.jp/msc121/pages/10.html

（Автобусны буудлаас:

http://bp3.blogger.com/_EVw06ECzsQM/RYlwDwWlddI/AAAAAAAAABI/_2zJvzKlsJA/s1600-h/bus.JPG

http://bp0.blogger.com/_EVw06ECzsQM/RYlwEAWldeI/AAAAAAAAABQ/gC7s8HlwpWs/s1600-h/Mitakadorm.JPG ）
Такс .: 3500 иен　(12-р сарын 19-ны дотор бүртгүүлбэл 3000 иен)
Тавигдах шаардлага: Ёслолын хувцастай ирэх
Хэрхэн бүртгүүлэх: 12-р сарын 23-ны дотор ebtungalag@gmail.com хаягаар нэр ба сургууль, холбогдох утас болон мэйл хаягаа ирүүлнэ үү.

Мөн сургууль болгон мэндчилгээ бэлдэж ирэхийг хүсч байна. Шилдэг мэндчилгээ шагналтай!!

　За тэгээд 12-р сарын 25-нд Митакад хамтдаа доргицгооё!!

Морин хуурын сургалтын тайлан

2007-11-29T03:37:00.000+09:00

Өмнө нь зарлаж байсанчлан 11-р сарын 22-ны өдөр ЯМОХ-оос зохион байгуулсан Морин хуурын үнэгүй сургалт маань амжилттай болж өнгөрлөө.
Монгол, Япон нийт 16 хүн хамрагдсан энэ сургалтанд маань Монгол Улсын Морин хуурын чуулгаас А.Дэлгэрмаа, Д.Шинэцог, Г.Бөхчулуун, Л.Мөнхжаргал нарын дөрвөн морин хуурч хүрэлцэн ирж багшилсан билээ.
Сурагчид маань төрөл бүрийн нас болон мэргэжилтэй хүмүүс байсан ч бүгд морин хуурны талаар анхны мэдэгдэхүүнтэй болоод буцсан гэж найдаж байна. Сургалтын үеэр мөн Монгол дээл өмсүүлж, зураг авахуулах булан ажиллуулсан нь сурагчдын маань сэтгэлд нийцсэн бололтой, тийм ч амархан дээлээ тайлж өгөхгүй байсныг нуух юун. Сургалтын дараа сурагчдаасаа сэтгэгдлийг нь асуувал, “Маш хөгжилтэй байлаа”, “ Мөнгө төлөөд ч гэсэн сургалтанд хамрагдмаар байна”, “Монгол явж үзэх юм сан” гэцгээж байсан юм.

Цаашдаа ч ЯМОХ-оос энэ төрлийн сургалтыг тогтмол явуулах төлөвлөгөөтэй байгаа тул энэ удаа оролцож чадаагүй хүн бүр дараагийн сургалтанд заавал ирэхийг урьж байна!!
Эцэст нь энэ удаагийн сургалтыг зохион байгуулахад туслалцаа үзүүлсэн Монгол Улсын Морин хуурын чуулгын хамт олон болон WORD TRADERS (www.wordtraders.co.jp ) компанийн хамт олон, тусалсан нийт оюутнууддаа талархсанаа илэрхийлье.

ЯМОХ -ны Сагсан бөмбөгийн аварга шалгаруулах тэмцээн

2007-11-27T01:35:00.000+09:00

Сагсны тэмцээн
Эрхэм хүндэт оюутан залуус, найз нөхдөө...!
Улиран өнгөрөх 2007 оны алжаалаа тайлах, шинэ оны эрч хүчээ олж авах та бидний нөхөрлөл, эв хамтын бэлэгдэл "ЯМОХ-Сагсан бөмбөгийн шилжин явах цомын тэмцээн" удахгүй болох гэж байна. Тэмцээн 2007 оны 12 сарын 23-ны өглөө 9 цагаас эхэлнэ.
Цаг хугацаа гэдэг харавсан сум шиг өнгөрч, нэгэн жлийг тойроход бид дахин уулзах болжээ. Та бүхэнтэйгээ уулзах тэр ерөөлт өдрийг тэсэн ядан хүлээж байна.

Тэмцээний зар

Хэзээ: 2007оны 12 сарын 23 (Ням)
Өглөө 9 цагт (Заал өглөө 8цаг 30 минутанд онгойно)
Хаана: Токио хот Нэрима дүүрэг Хикаригаока 2-р дунд сургууль
(練馬区立光が丘第二中学校体育館)

Үүнээс өмнө гурван ч удаа зохион байгуулагдаж байсан бидний мэдэх газар.

Зургийг томруулж харахын тулд дээр нь хулганаараа товших .

Тэмцээний хөтөлбөр

9:00 Бие халаалт

9:30 Багуудын бүртгэл дуусч, тэмцээний оноолтыг гаргана

10:00 Нээлт (төрийн дуулал)

10.05 2006 оны тэмцээний аварга багаас Цомоо хүлээн авах

10:10 Багуудын танилцуулга

10:30 Хэсгийн тоглолт

14:00 Хосын шидэлт болон Үдийн завсарлага

15:00 Хагас шигшээ болон шигшээ тоглолт

16:00 Аварга багтай нөхөрсөг тоглолт

17:00 Шагнал гардуулах

Жич: Зохион байгуулалтын явцаас хөтөлбөр өөрчлөгдөх явдал байж магад.

Тэмцээний зорилго:
Спорт гэдэг бол агуу зүйл бөгөөд түүнд хүмүүсийг хооронд нь нэгдэн нийлүүлэх, өөрийн дүрмийнхээ дагуу харилцан ойлголцол, итгэлцэл бий болгох чадвар байдаг.

Сагсан бөмбөгийн тэмцээнийг зохион байгуулж байгаа гол зорилго нь үе тэнгийнхээ оюутан залуучуудтайгаа танилцаж,
хамтдаа цагаа үр бүтээлтэйгээр хөгжилдөн өнгөрүүлэхэд оршиж буй. Сагсан бөмбөгийн тэмцээнийг үзэж сонирхож
найзуудыгаа дэмжихээр ирж буй, болон өөрөө оролцож тоглохоор болсон залуусынхаа
хооронд нөхөрсөг харилцаа үүсгэж бие биеэ улам дотно таних. Цаашид олон арга хэмжээг хамтран зохион байгуулах, хэн нэгэнд тус болохуйц зүйлийг хийж чаддаг болохын тулд бие биенээ танин мэдэхүйн гол зорилгыг агуулж буй болно.

Тэмцээний дүрэм
1. Багуудыг бүртгэж авах. Багууд мэдүүлгийн маягтанд багийн нэр болон багийн тоглогчдыг танилцуулж бичих үүрэгтэй.
Баг болон орох хангалттай тамирчингүй тоглогчид тухайн өдөр зохион байгуулагчдад хандаж багтаа тоглогч авах хүсэлтэйгээ
нийтэд зарлуулж болно. Гэхдээ бүртгэл дууссан тохиолдолд бүртгэж авах боломжгүй юм.

Тэмцээнд эмэгтэй 4-өөс олонгүй, эрэгтэй 12-аас олонгүй багийг бүртгэж авна. Эрэгтэй багууд гурав гурваараа сугалаагаар дөрвөн хэсэгт хуваагдан тойргоор тоглоно.

Зааланд хоёр талд хэсгийн тоглолтууд зэрэг явагдах.

Эрэгтэй, эмэгтэй багуудын тоглолт ээлжлэн явагдах.

2.Баг бүр (хэдэн тоглогчтойгоосоо үл хамааран ) бүртгүүлэхдээ ¥5000-ийг зохион байгуулагчдад хураалгаж тэмцээнд оролцох эрхээ авах.
Энэхүү хураамж нь тэмцээний шагналын сан болно. Бүртгэл 9.30 хүртэл явагдана.

3. 10:00 цагаас тэмцээнийг нээж эхний тоглолтууд явагдаж эхлэх.
Тэмцээний нээлтийн ажиллагаа нь нийт баг тамирчид талбай дээр жагсаж, Монгол улсын төрийн дуулал
эгшиглэснээр албан ёсоор эхэлнэ.

Тоглолтын турш шүүгчид тоглолтыг удирдах бөгөөд, тэднийг хүндэтгэж харьцах.

Ямар нэгэн зүй бус харьцаа гаргавал баг, тамирчдыг тоглолтоос хасах хүртэлх арга хэмжээг авна.

4. Багуудыг сугалаагаар 4- хэсэгт хуваана. Хэсэг бүрт, багууд хоорондоо тойргоор тоглоно.
Хожлын онооны эрэмбээр нь хэсэг бүрээс 1 баг, нийтдээ 4 хэсгээс нэгээр гарах 4 баг хагас шигшээ тоглолтонд оролцох эрхтэй болно.

5. Хагас шигшээ тоглолт хасагдах журмаар явагдана. Хагас шигшээд багуудын оноолтыг сугалаагаар шийднэ.

Эмэгтэй багууд цөөхөн тул тойргоор тоглож аварга багаа тодруулах.

6. Хэсгээс дараах байдлаар багуудыг шалгаруулан хагас шигшээ тоглолтонд оролцуулах

Багуудын хожлын тоог үндэслэн нэг хэсгээс баг
2 багийн хожлын тоо тэнцсэн тохиолдолд аль нь хожсон болохыг харгалзан, хожсон баг нь цаашид тоглох
2 буюу түүнээс дээш багийн оноо тэнцсэн тохиолдолд оноо тоолно.

Жич:Энэ нь нэг хэсэгт хэдэн баг орсноос хамааран өөрчлөгдөх боломжтой.

7. Хагас шигшээгээс шалгарсан 2 баг шигшээ тоглолтод оролцоно.
Шигшээ тоглолтонд хожсон баг 2007оны сагсан бөмбөгийн тэмцээний аваргаар тодорно.

8. Тоглолтын хугацаа
Эрэгтэй багийн тоглолт бүр талдаа 6 минутаар 2 үе тоглоно. Бие халаалтыг өмнөх багуудийн тоглолт дууссанаас хойш 4 минутын дотор хийх. Эмэгтэй багууд талдаа 5 минутаар хоёр үе тоглоно.
Time out болон торгуулийн шидэлтийн үед л зөвхөн цагийг зогсооно.

Жич:Хэсгийн тоглолтын үед багийн алдааг тоолж тав болсон тохиолдолд торгуулийн шидэлтийг эсрэг багаар нь хийлгэх.

Тоглогч гэмтэж бэртсэн үеийн аргагүй тохиолдолд шүүгчийн зөвшөөрлөөр тоглолтын цагийг зогсоож болно.

9. Тэмцээний шүүгч
Баг бүрээс тэмцээний шүүгч нэг хүнийг сонгон гаргах. Шүүгч өөрийн багийн тоглолтыг шүүхгүй.
Нэг тоглолтыг 2 шүүгчтэйгээр явуулна. Тоглолт зөвхөн шүүгчийн шийдвэрээс хамаарах тул
ХАРИУЦЛАГАТАЙ, МЭДЛЭГТЭЙ хүнээ шүүгчээр томилно уу .

10. Шагнал.
Тэмцээнээс тэргүүн байр ,
хоёрдугаар байр, шилдэг тоглогч тус тус нэгийг шалгаруулна.

Тэргүүн байрыг "Шилжин явах цом", баярын бичиг, шагналын сангийн 3/6 мөнгөн шагналаар шагнана.
Хоёрдугаар байрыг баярын бичиг, шагналын сангийн 2/6 мөнгөн шагналаар шагнана.
Шилдэг тоглогч баярын бичиг, шагналын сангийн 1/6 мөнгөн шагналаар шагнана.

Жич: Бүх баярын бичгийг хэвлэх зардлыг тухайн шагналын сангаас гаргах.

Хос шидэлтийн тэмцээн

Хэсгийн тоглолтын дараа, тэмцээнийг хөгжилтэй, сонирхолтой болгох үүднээс Хос шидэлтийн тэмцээнийг зохионо.

Эрэгтэй эмэгтэй тус бүр нэг хүнээс бүрдэх багууд оролцоно. Тоглогчид болон хөгжөөн дэмжигчдээс хэн ч оролцох эрхтэй. Нийт 12 хүртлэх хосыг бүртгэнэ.

Оролцогч бүр уг тэмцээний шагналын фонд болгож ¥500-г зохион байгуулагчдад хураалгана. Эрэгтэй, эмэгтэй хүн тус бүр хураалгана.

Түрүүлсэн хосод баярын бичиг, мөнгөн шагнал өгөх. Баярын бичгийг хэвлэх зардлыг тухайн шагналын сангаас гаргах.

Хос шидэлтийн тэмцээн дүрэм:

1.Эхний үед, эрэгтэй оролцогч бүр гурван онооны зураасны гадна талаас, дуртай газраасаа шиднэ. Харин эмэгтэй оролцогчид гурван секундын талбайн гадна талд, дуртай байрлалаасаа шидэх.

2. Хосуудын оролцогч бүр 6 шидэлтийг нэг нэгээрээ ээлжлэн шидэх замаар 1.00 минутын хугацаанд гүйцэтгэх. Хугацаандаа амжаагүй шидэлтийг хүчингүйд тооцох.

3.Нэг оролтыг нэг оноо гэж тооцно.

4.Нийт оролцогч хосуудын онооны нийлбэр эрэмбээр эхний 4 хос, хос шидэлтийн тэмцээний шувтаргын тоглолтонд оролцох эрхтэй болно.

5.Шувтаргын тоглолтонд оролцогч 4 хосын 8 оролцогч, дахин 6 удаа шидэлт гүйцэтгэж хамгийн их оноотой нь уг тэмцээний аваргаар шалгарна.

Шидэлтийг эхний үетэй адил дүрмээр гүйцэтгэнэ.

6.Шаардлагатай бол оноо тэнцсэн тоглогчид нэмэлт 3 шидэлт хийж, хайнаагаа салгана.

Анхааруулга:

Японы хуулиар дунд сургууль дээр архи, тамхи хэрэглэх нь хориотой тул, тамхийг зөвхөн тусгай заагдсан газар татах,
Согтууруулах ундаа хэрэглэхгүй байх.

3.Тэмцээний зааланд гадуур өмсдөг гуталтай орохгүй байх. Боломжтой бол гэрээсээ дулаан улавчаа бариад ирж ч болно.

4.Тэмцээнд оролцогчид эхлэх цагаас хоцрохгүй байх хэрэгтэй.Хоцорсон багийг тэмцээнээс хасах болно.

5.Тэмцээн эхэлсэнээс хойш талбай дээр эсрэг баг, хөгжөөн дэмжигчдээ хүндэтгэн аль болох хоцрохгүй байх

6.Хоцорсон тохиолдолд 3 минутаас илүү хүлээхгүй бөгөөд эсрэг багт хожлыг өгөх.

Мэдүүлэг
Дээрхийг сайтар уншиж танилцсаны үндсэн дээр, зөвшөөрч байвал доорхи хаягаар багийн урьдчилсан мэдүүлгээ өгнө үү.

Бүртгэж авах багийн тоо хязгаартай тул урьдчилан бүртгүүлэх.

и-мэйл: mongoltug at gmail dot com

Хүндэтгэсэн Тэмцээнийг зохион байгуулах хороо
Япон дахь Монгол Оюутны Холбоо

АН-ын дарга　Ц.Элбэгдоржийн Япон дахь Монголчуудтай хийх уулзалтын зар

2007-11-24T14:05:00.000+09:00

Монголын АН-ын дарга Ц.Элбэгдорж болон хэсэг УИХ-ын гишүүд Япон улсын Гадаад хэргийн яамны урилгаар тус улсад айлчлах үеэрээ Тоокёогийн Гадаад Хэл Соёлын Дээд сургуульд лекц уншиж, монгол иргэдтэй уулзахаар болсон тул та бүхэн өргөнөөр ирж оролцоно уу.

1. Айлчлалын хугацаа: 2007 оны 11 дүгээр сарын 26-наас 12 дугаар сарын 3.
2. Бүрэлдэхүүн: АН-ын дарга Ц.Элбэгдорж, УИХ-ын гишүүн Д.Ганхуяг, З.Энхболд, С.Баярцогт, Л.Гантөмөр нар.
3. Лекц-уулзалтын огноо: 2007 оны 11 дүгээр сарын 30-ны өдөр (Баасан)
4. Газар: Тоокёогийн Гадаад Хэл Соёлын Дээд сургууль, Asia-Africa Kenkyu Center
5. Хугацаа: Лекц (13:30-15:00) Сэдэв: "Монголын шилжилтийн үе болон түүний сургамж"
Уулзалт (15:00-16:00) Япон улсад сурч, ажиллаж буй монгол иргэдтэй хийх санал асуултын уулзалт

6. Уг линкээр болох газрын хаягийг авах боломжтой.
http://www.tufs.ac.jp/info/map-and-contact.html
JR中央線（ちゅうおうせん）の武蔵境（むさしさかい）駅で
西武多摩川線（せいぶたまがわせん）に乗り換えて2つ目，
多磨（たま）駅で下車，徒歩5-6分
東京外国語大学、AA研３０４マルチメディア会議室

７. Уулзалтын хугацаа 1 цаг тул , уулзалтыг илүү үр дүнтэй цэгцтэй явуулах, ирэхийг хүсч буй боловч ирж амжихгүй хүмүүсийн асуултанд хариу авах гэсэн үүднээс асуух асуултыг урьдчилан e-mail -р хүлээн авч байгаа тул өөрийн хүссэн асуулт, нэр зэргийг доорх хаяг уруу илгээнэ үү.
　　　　　　　　　　　te_paradise@yahoo.com

Энэхүү зарлал нь аливаа улс төрийн намыг дэмжих зорилготой бус Японы гадаад хэргийн яам болон Монгол улсын элчин сайдын яамны хүсэлтийн дагуу хүргэж байна.

Морин хуурын сургалтын талаарх зарлал

2007-11-14T23:10:00.000+09:00

Монголын үндэсний морин хуурын чуулга нь аялан тоглолт хийхийнхээ хажуугаар ЯМОХ тай хамтран нэг өдрийн морин хуурын сургалт зохион байгуулж байгаа юм. Оролцох хүсэлтэй хүмүүс доорх мэдээллийг сайтар уншина уу.

Болох газар:国立オリンピック記念青少年総合センター　カルチャー棟 http://nyc.niye.go.jp/facilities/d7.html
уг линкээр болох газрийн талаар мэдээлэл авах боломжтой

Эхлэх цаг болон танхим : 11 сарын 22 ний пүрэв гаригт
①бүлэг 13:00～14:10
②бүлэг 14:20～16:40 гэсэн цагийн хуваариар зохион байгуулагдах болно.
Танхим カー音42
Оролцох зардал : үнэ төлбөргүй

Бүртгэл : 11 сарын 20 ний мягмар гариг хүртэл өөрийн нэр , утасны дугаар , майл хаяг болон оролцохыг хүсч буй цаг зэргээ

morinkhuur_workshop@yahoo.co.jp

хаяг уруу илгээх эсвэл шууд утсаар холбоо барих боломжтой.

Холбоо барих утас: (оройн 6 цагаас хойш)
080-5349-2949 Болдмаа
090-9146-4899 Тугаа

Хүний тоо: бүлэг тус бүр 12 хүн. Бүртгүүлсэн байх шаардлагатай.

Зохион байгуулагч : ЯМОХ

Мөн морин хуурын чуулгын тоглолт болох хугацаа ойртож байна. Та бүхэн Монголын морин хуурын чуулгаа дэмжиж, тоглолтын тасалбараа худалдан авна уу гэж уриалж байна.

Удирдах зөвлөлийн сонгууль болж өнгөрлөө

2007-10-30T19:17:00.000+09:00

10-р сарын 20-нд нэг жилийн хийсэн ажлаа тайлагнасан хуучин удирдах зөвлөлийн сонгуульт хугацаа дуусч байгаатай холбогдуулан 10-р сарын 27-нд шинэ Удирдах зөвлөлийн сонгууль болж өнгөрлөө.

Сонгуулийн хорооны бүрэлдэхүүн
Сонгуулийн түр хороонд сургуулиа төгсч, оюутан биш болж буй, УЗ-ийн хуучин гишүүд болох Х.Зоригт, Г.Суурь нар орсон бөгөөд Н.Бямбадорж сэмпай хянагчаар ажиллав.

ЭСЯ-ны Боловсрол соёл хариуцсан 3-р нарийн бичгийн дарга С.Болорчимэг үг хэлэв

ЭСЯ-нд боловсрол (оюутан) хариуцсан хэсэгт бүтцийн өөрчлөлт орсон аж. Биднийг хариуцаж, хамтран ажиллах С.Болорчимэг эгч маань Токио, Аоморид суралцаж байсан, бидний сэмпай ажээ. Цаашдаа ЭСЯ нь ЯМОХ-той нягт холбоотой ажиллах талаар анхааран ажиллах болно гэж дурьдаад "Монголтойгоо холбоотой байж, сайхан хамтран ажиллацгаая" хэмээн уриалав.

Нэр дэвшүүлэх үйл ажиллагаа, нэр дэвшигчидтэй танилцав

Нэр дэвшигчид:

Б.Мөнхтуг Чиба ИС 3-р курс
Ж.Болдмаа Тоокёо ИС 2-р курс
С.Дашцэрэн Тоокёо ИС 3-р курс
Б.Тунгалаг Чиба ИС 1-р курс
Ш.Буянжаргал Чиба ИС 3-р курс
Б.Бэнчинсүрэн Ёкохама ИС 2-р курс
С.Сайнбаяр Тоокёо ИС 1-р курс
Б.Булган Кайцү ИС 3-р курс
Б.Түмэнцэнгэл Ёкохама ИС 1-р курс
Т.Тэмүлэн Хитоцүбаши ИС 1-р курс
Ж.Дамдинцэрэн Хэлний сургууль
Э.Болдбаяр Ёкохама ИС 1-р курс
С.Энхбаяр Хитоцүбаши ИС 1-р курс
Ц.Дэлгэрцэцэг Хитоцүбаши ИС 1-р курс
Б.Энхзол Хитоцүбаши ИС 1-р курс
Ц.Гэрэлт Тоокёо ИС 1-р курс

Нэр дэвшигчид өөрсдийнхөө танилцуулгыг хийв.

Санал хураалт

Ийнхүү санал хураалт болж, 23 санал ирснээс хүчинтэй санал 23 байв.
Шинээр УЗ-ийн гишүүнд сонгогдогсод авсан саналынхаа дарааллаар:

22 Б.Мөнхтуг, Чиба ИС

21 С.Энхбаяр, Хитоцүбаши ИС

21 Ц.Гэрэлт, Тоокёогийн ИС

20 Б.Бэнчинсүрэн, Ёкохама УИС

19 Ж.Болдмаа, Тоокёогийн ИС

15 Б.Булган, Каэцү ИС

14 Б.Тунгалаг, Чиба ИС

14 Т.Тэмүлэн, Хитоцүбаши ИС

12 Б.Энхзол, Хитоцүбаши ИС

Ийнхүү шинэ УЗ бүрэлдэж, хамтдаа зураг авахуулсны дараа тэргүүнээ сонголоо. УЗ-ийн гишүүдийн санал хураалтын дүнд Тоокёогийн ИС-ийн 2-р курсийн оюутан Ж.Болдмаа ЯМОХ-ын тэргүүнээр сонгогдов. Тэрээр ЯМОХ-ын анхны эмэгтэй тэргүүн болж байна.

Шинээр сонгогдсон тэргүүн, Удирдах зөвлөлийн гишүүддээ баяр хүргээд, ажилд нь амжилт хүсье.

ЯМОХ-ын тайлангийн хурал болж өндөрлөлөө

2007-10-21T15:11:00.000+09:00

Өчигдөр (10 сарын 20-ны өдөр) ЯМОХ-ын 2006-2007 оны тайлангийн хурал Монгол Улсын Элчин сайдын яаманд амжилттай болж өндөрлөлөө. Бид өнгөрсөн нэг жилийн хугацаанд хийсэн ажлаа дүгнэн, алдаа оноо, цаашид анхаарах зүйлсийн талаар санаа сэтгэгдлээ нээлттэй солилцоцгоосон юм. Ингээд хурлын тайланг та бүхэнд сонирхуулъя.

Дашрамд дурдахад ЯМОХ 2007-2008 -ын Удирдах Зөвлөлийн сонгууль 10 сарын 27ны өдөр ЭСЯ-нд зохион байгуулагдах бөгөөд Оюутан та хэн боловч өөрийгөө нэр дэвшүүлэх боломжтой. Зорилго нэгт найз нөхөдтэйгөө шинийг сэдэж, сургуульд сурдаггүй олон юмыг хамтын ажиллагаагаар олж авч өөрийгөө нээх алтан боломж тул та бүхнийг өргөнөөр оролцохыг уриалж байна.

2007 оны 10-н сарын 20 (Бямба)

Япон Улс дахь Монгол Улсын ЭСЯ

ХУРЛЫН ТАЙЛАН

（14:40～）　　Танилцах цаг

Оролцогчид(цагаан толгойн дарааллаар): Д.Батдэрэм, Б.Булган, Гэрэлт Г.Золзаяа, Х.Зоригт, Б.Мандухай, Б. Мөнхтуг,Б. Тунгалаг, Т.Түвшингэрэл,

（～15:06） ЯМОХ-ын ТЭРГҮҮН Б.Мөнхтуг Нэг жилийн тайланг танилцуулав.

Энэ өдрийн мэндийг та бүхэндээ хүргээд өнгөрсөн нэгэн хичээлийн жилийн хугацаанд ЯМОХ-оос зохион байгуулж ирсэн ажлууд болон, түүний гүйцэтгэлийн талаар хэлэцэх тайлангийн хурлыг эхлүүлж байна.

2006 оны 11-н сарын 18-наас 2007 оны 10-н сарын 20-ний өдөр хүртэл Б.Мөнхтуг, Д. Батдэрэм , Х. Зоригт, Т.Түвшингэрэл, Г. Золзаяа, Т. Номиндарь, С.Дашцэрэн, Г.Суурь, Ж.Болдмаа нарын есөн хүний бүрэлдэхүүнтэй Удирдах Зөвлөл ажиллаа.

Өнгөрсөн жилийн арга хэмжээнүүд

2006 оны 11 сарын 18. Шинэ УЗ-н сонгууль.

11 сарын 23. Удирдах зөвлөл ажлаа хүлээж авлаа

11 сарын 25. Эко Форум. (Монголын байгаль орчин, түүнийг хамгаалах)

12 сарын 16 Хаврын баярын бэлтгэл хурал

12 сарын 23. Сагсны тэмцээн.

12 сарын 27. Шинэ жил.

2007 он 1 сарын 16 ХБ-ыг ЗБХ-ны хурал эхлэв

2 сарын 3. Күнитачи дүүргийн фестивалд “Монголын жил”-ийг хамтран зохион байгуулав.

2 сарын 23. Р. Жигжид гуай элчин сайдаар тоймлогдсоныг тэмдэглэх үдэшлэг.

2 сарын 25. “Цагаан сар” хандивын үдэшлэг.

2 сарын 26. Батхүү багштай уулзалт.

2 сарын 27. Ерөнхийлөгчийн хүлээн авалт.

3 сарын 1. Бизнес форум.

3 сарын 5-6. Өвлийн аялал.

3 сарын 7. Тошиба компанитай танилцах арга хэмжээ.

3 сарын 9. Тообү коминканд Монголын өдөрлөгийг хамтран зохион байгуулсан.

3 сарын 11. Урам уулзалт. Голлон зохион байгуулагч Зоригт.

3 сарын 17. Эко Форум. Монгол дахь байгаль орчны талаар.

4 сарын 12. Угталт

4 сарын 26. Радио Нихон-д ярилцлага өгөв

4 сарын 29-30. Хаврын баяр. Бэлтгэл ажил болон дууссаны дараах ажиллагаа.

4 Сарын 30 Номин талст концерт

5 сарын 17-20. Аомори кэн Шарики мура Эко-аялал

6 сарын 2. Эко Форум @ Токиогийн ИС.

6 сарын 9. Күнитачи Олон Улсын арга хэмжээ, Сайтама хот дахь Тоглоомын өдөрлөг.

6 сарын 23-24. Зуны аялал (Япон дахь оюутнууд хоорондоо танилцах, 2-р курсыхан зохион байгуулав.)

7 сарын 6. ЭСЯ-ын боловсрол соёл хариуцсан 3-р нарийн бичгийн дарга Э.Сарантогосын үдэлт.

7 сарын 22. Чёофү дүүргийн Олон Улсын Фестивал.

8, 9-р сар Зун Монгол дахь ажлууд

А. Найрамдал зуслан дээр “Хог-Байгаль орчин” сэдэвт хөтөлбөр.

Б. Дархан-Уул аймаг Хонгор суманд ажиллав (Инээмсэглэж Уулзах Ертөнц)

В. 8 сарын 29. ”УБ телевиз” –ийн “Хогондоо” нэвтрүүлэгт оролцов.

Г. Жи Эн Си-Эко аялал

10-н сарын 6. Глобал Фестивалд оролцсон. (Олон Улсын Хамтын Ажиллагааны Өдөр)

Бусад: Байнга цахим мэйл, утсаар ирсэн Монголтой холбоотой хүсэлтүүдийг нийтэд хүргэж харилцан зөвлөлдсөний үндсэн дээр шийдвэрлэж байв. Шаардлагатай үед нийтээр дамжуулалгүй холбогдох хүнтэй нь холбох буюу нийтэд цацаж байв.

Ажлын гүйцэтгэл: Нийт төлөвлөж байсан ажлын 95 %-ийн биелэлттэй байгаа. Мөн гүйцэтгэлийн шатандаа явж байгаа ажил бол

1. Цахим хуудасны ү.а-г дуусгаж амжсангүй.

2. Монголд “Оюутны Төгөл” байгуулах ажлын эхний шатыг тавьсан.

Үүн дээр нэмэхэд өнгөрсөн жилийн хугацаанд төлөвлөгдөж байснаас Японы Токиогоос өөр төвлөрсөн мужуудад суралцаж байгаа оюутнуудыгаа Холбоо гэх мэтийн зохион байгуулалтын ямар нэгэн хэлбэрт орж үйл ажиллагаа явуулахад нь туслах, тэдэндээ хүрч ажиллах гэсэн зорилго байсан. Гэвч энэ ажил маань биелэл болж чадаагүй.
Мөн түүнчлэн ЯМОХ-г Монголд албан ёсоор бүртгүүлэх байсан нь бас хэрэгжээгүй байна.
Иймд дутуу үлдээсэн болон ажил болоогүй төлөвлөгөөгөө дараагийн Удирдах Зөвлөлийнхөнд ажил болгохыг хүсэх.

（～15:28） Гадаад Харилцааны Албаны тайлан

Б.Мөнхтуг, Д.Батдэрэм

Байгууллагын дотоод өвлөж авсан соёлыг баримтлан, зохистой шинэчлэлийг харилцан хүлээн авч ажилласан болно. Хийж чадсан зүйлсээс гадна, ажиллах явцдаа олж авсан шинэ санаа, ухаарал, сургамжаа шинэ албаныханд өвлүүлэх тал дээр цаашдаа анхаарах болно. Хийхээр төлөвлөгдөөд явж байгаа зүйлс бас бий.

Гадаад харилцааны алба ЯМОХ-той урьд нь хамтран ажиллаж байсан байгууллагуудтайгаа үргэлжлүүлэн хамтран ажиллаж Монголыг сурталчах үйл ажиллагааг зохион байгуулахад бусад ажлын албуудтайгаа уялдан Японы ТББ, АББ-уудтай хамтран ажиллаа. Энэ явцад шинээр бас бидэнтэй хамтран ажиллах санал нэлээдгүй гарч ирсэн.

Энэ жил шинээр хамтран ажиллах хүсэлт ирсэн байгууллагууд:

1. モンゴルを支援する会

2. Чоно Групп

3. “Монгол -Германы Гүүр” ТББ

4. Монголын хамтлаг дуучдын төлөөлөгч

5. "Монгол Туургатны хуралдай" ТББ

Хүсэлт

l Уламжлалт спортын арга хэмжээг тасалдуулалгүй зохион байгуулалт сайтаагаар зохион байгуулах

l Бусад арга хэмжээний тухайд нийт Оюутны Холбооны гишүүдтэйгээ сайтар зөвлөлдөж байж шийдэх. Байгууллага доторх холбоонд гар утас болон гар утасны мэйлинг листийг ашиглах

l Санхүүгийн тал дээр баттай тогтохын тулд спонсор олох ажлыг албан ёсоор шийдэл болгох.

l Бүх Японд сурч буй оюутнууд эвлэлдэн нэгдэхэд нь өөрсдийн соёл, туршлагаасаа хуваалцах.

(～15:47) Санхүүгийн Алба

Т.Номиндарь, Г..Золзаяа

Золзаяагийн санал:

1. Сагсны тэмцээний зохион байгуулалтыг сайжруулах.

Шагналын санг өсгөх: Сагсны тэмцээнд тоглогчдоосоо шүүгч гаргах.

2. Шинэ жил.

Оролцогчдоос хураамж авахдаа мэйл хаягийг нь бичиж авч цаашдаа холбоотой байх.

3. Цагаан сар.

Үнэхээр шинэлэг арга хэмжээ болсон. Үргэлжлүүлж авч яваасай.

4. Хамтлаг урих.

Эртнээс санхүүгийн бэлтгэлийг сайн хийвэл сайшаалтай арга хэмжээ.

5. Спонсор.

Олон улсын утасны компаниас 2 сардаа 10 мянган йэн ордог. Үүнийг нэмэгдүүлэх, үр ашигтай зарцуулахад анхаарууштай.

6. Цахим шийдэл.

Сайн дурын үндсэн дээрх ажлын гүйцэтгэл удаашралтай байгаа тул мэргэжлийн байгууллагад даатгах.

Номиндарийн санал:

1. Хувийн зардлаар суралцдаг оюутнуудыг өргөнөөр оролцуулах тал дээр уян хатан бодлого барих.

2. Баклавраар сурч байгаа оюутнуудаас бусад магистр зэрэг бусад хөтөлбөрийн оюутнуудыг өргөнөөр оролцуулах.

3. УЗ-н гишүүд нь ямар нэг шалтгаантай болсон үед орлох орлогчтой болох.

(～16:02) Мэдээлэл Сурталчилгааны Алба

Х.Зоригт, Т.Түвшингэрэл

Мэдээлэл сурталчилгааны албаны гүйцэтгэх үйл ажиллагаануудад ЯМОХ-ын цахим хуудас болон блогийг тогтмол ажиллуулах, бусад гишүүдийг мэдээллээр хангах, гишүүнчлэлийг хариуцах гэх мэтийн үйл ажиллагаанууд хамрагддаг. Өнгөрсөн нэг жилийн хугацаанд хийхийг төлөвлөж байсан зүйлс, түүний явц, үр дүнгээс жагсаан дурдвал:

1. ЯМОХ 2007 бүрэлдсэнээс хойш эхэн хавьцаа эрчимтэй дурдагдаж байсан сэдвүүдийн нэг нь сурч буй мэргэжлээрээ хоорондоо ярилцаж, мэдлэгээ хуваалцах орчинг бий болгох асуудал байсан бөгөөд энэ хүрээн дор http://www.erdem-yamoh.blogspot.com/　хаяг бүхий блог нээсэн. Одоогоор 2 бичлэгтэй байна.

2. Цахим хуудсыг шинэчлэх, гишүүнчлэлийг цахим хуудсаар дамжуулан хийх талаар яригдаж байсан боловч цахим хуудсыг шинэчилж, байнгын ажилд оруулж чадаагүй. Шинээр гишүүн бүртгэх журмын эх хийгдсэн.

3. 1 жилийн хугацаанд ЯМОХ-ын гишүүдийн ЯМОХ блог дээр үйлдсэн бичлэгийн тоо 37 байна.

4. Хаврын баярын мэдээлэл сурталчилгааг (цахим хуудас, брошюр, тараах материал, дүрс бичлэг, гэрэл зураг) хариуцан ажилласан.

5. Өөрсдөдөө байгаа хурлын тайлангууд болон бусад файлуудыг ЯМОХ-ын google дээрх групп-д оруулсан.

6. Япон дахь монголчуудад зориулсан SNS сайт VIMO-гоор дамжуулан ЯМОХ-ын үйл ажиллагааг сурталчилж ирсэн. VIMO сайт нь ЯМОХ-ыг дэмжиж хамтран ажиллаж буй бөгөөд among-той хамтдаа Японд буй монголчуудад мэдээлэл түгээх нэг суваг болж байна.

Цаашид анхаарах, сайжруулбал зохих зүйлс:

1. ЯМОХ-д гаднаас хандахад Гадаад харилцааны алба, тэргүүнтэй холбогдож буй. Тэгэхээр мэдээллийн хуримтлал Гадаад харилцааны алба, тэргүүнд төвлөрч байгаа нь Мэдээлэл сурталчилгааны албаны ажил үүрэгтэй давхардал үүсгэж байгаа. Иймд бүтэц зохион байгуулалтыг илүү сайжруулах шаардлагатай.

2. Удирдах зөвлөлийн гишүүн бус боловч идэвхтэй оюутнуудад тодорхой ажил хариуцуулж өгөх.

3. Эрдэм-ЯМОХ блогийн үйл ажиллагааг цаашид зогсоолгүй авч явж, улмаар Япон дахь монгол оюутнуудын эрдэм шинжилгээний хурал зохион байгуулах нь зүйтэй.

4. Өмнөх бичиг баримтуудыг дижитал хэлбэрт оруулж хадгалах.

5. Сарын мэдээ ирэх сарын төлөвлөгөөний мэйлийг сэргээх.

(～16:18) Бодлого Төлөвлөлтийн Алба

Г.Суурь,С. Дашцэрэн, Ж.Болдмаа

Дашцэрэнгийн санал:

1. Албаны үүрэг, хариуцлагыг дахин хянах ёстой. Бодит байдал дээр бусад алба нь бодлого чиглүүлэлтийг хийдэг.

2. Хаврын баяр. Энэ арга хэмжээний сүрэнд дарагдаад бусад ЯМОХ-ын ажил нь цалгарддаг. Тиймд Хаврын баярт хамрагдалгүй бусад ажлаа авч явах албыг гаргах.

3. Япон оюутнуудыг Монголтой холбох арга хэмжээг санаачлан, боловсруулж хэрэгжүүлэх.

4. Цагаан сар дээр ажлын хуваарилалт, үүрэг хүлээн авалтыг тодорхойлж чадаагүйгээс таагүй харилцаа үүдсэн.

5. Уламжлалт арга хэмжээг зохион байгуулахад үүнийг сайжруулах тал дээр урьдчилан ярьж байх.

6. Зуны аялал. Уг нь Тойрог сангийн арга хэмжээ байсан. Албан ёсоор хариуцан зохион байгуулах хүн, байгууллагыг тодорхойлох. Жил бүр хоёрдугаар курсийнхэн хийнэ гэж тогтсон ч, албан ёсоор тодорхойлж нийтэд түгээх.

7. Гишүүнчлэлийг тодорхойлж, санхүүжилтийг авч явах.

Болдмаагийн санал:

Суурийн санал:

1. Гишүүн элсүүлэх дээр идэвхтэй ажиллаж, хэрэгжүүлэх.

2. Сагсны тэмцээн дээр оюутнууд хоорондоо танилцах цаг гаргах. Мөн охидын оролцоог албан ёсоор оролцуулах.

ЗАВСАРЛАГА

Цай ууж, боов идэцгээв. ：）

（～17:15） ЯМОХ-н НЭГ жилийг зургаар эргэн харахад

Тэргүүн Б.Мөнхтуг нэг жилийн үйл явдлыг эргэн харуулсан presentation хийж тавьсан.

Нэмэлт. Монгол улсын Онцгой Байдлын Ерөнхий Газрын （ослоор амиа алдагсад болон гэмтэж бэртсэн） аврагчдын ар гэрийнхэнд тусламж үзүүлэх зорилгоор зохиосон хандивын аяны тайлан.

Анхааруулга. Асуулт, шүүмжлэлээ тухай бүрд нь асууж болно.

ЯМОХ - Сонгууль

2007-10-12T19:19:00.001+09:00

ЯМОХ-г 2007-2008 оны хичээлийн жилд удирдаж явах оюутан залуусаа тодруулах Удидах зөвлөлийн сонгууль 2007 оны 10-р сарын 27-ны өдрийн 14:00 цагаас Япон дахь Монгол улсын ЭСЯ -нд болно.
Энэ сонгууль нь Японд суралцаж байгаа хэн бүхэнд нэрээ дэвшүүлэх эрх нь нээлттэй байх болно.
Та өөрийгөө үнэлж чаддаг бол бусадтайгаа хамтаар их зүйлийг бүтээхийн төлөө нэгэн баг болж ажиллая гэсэн сэтгэлтэй бол бас
Та өөртөө итгэлтэй байвал ЯМОХ-ын УЗ-д сонгогдон найзуудтайгаа хамт хийхээр зорьж байсан ажлаа хамтран бүтээх боломжтой болно чадна.
ЯМОХ бол таны орон зай. ЯМОХ таныг хүлээж байна.
Ирээд нэрээ дэвшүүлээд сонгогдох тань үлдлээ.

ЯМОХ - Тайлангийн хурал

2007-10-12T19:09:00.000+09:00

ЯМОХ-ын УЗ-ийн 2006-2007 оны хичээлийн жилд зохиосон, оролцсон үйл ажиллагаагаа тайлагнах хурлыг хийх гэж байна.
Өнгөрсөн нэгэн жилийн хугацаанд юу амжуулж, хийж бүтээсэн болон түүнийхээ талаар танилцуулах энэхүү хуралд нийт оюутан залуус та бүхнийгээ өргөнөөр хүрэлцэн ирэхийг урьж байна.

Мөн энэхүү хугацаанд ЯМОХ-ыг төлөөлж үйл ажиллагаанд оролцсон удирдах зөвлөлийнхөн болон нийт оюутнуудаа хүрэлцэн ирж өөрийн хийсэн ажлаа бусаддаа танилцуулаарай гэж хичээнгүйлэн хүсье.

Хэзээ: 2007 он 10 сарын 20 Бямба
Эхлэх цаг: 14:00 цаг
Хаана: Япон дахь МУ-ын ЭСЯ

ЯМОХ-ын Удирдах Зөвлөл
Тэргүүн Б.Мөнхтуг

Монголд хийсэн Эко- tour

2007-10-11T00:36:00.000+09:00

Зуныхаа амралтыг Монголдоо өнгөрүүлсэн ЯМОХ-ны залуусаас хоёр нь Японы төрийн бус байгууллага болох Жи Эн Си-тай хамтран тэдний зохиосон Эко аялалд оролцлоо. Аялал нь 9 сарын 8нд ЖиЭнСи(GNC- http://kyouzon-gnc.com/)-ийн удирдлагууд болох Мяаки Иппэй, Яно Акико гуай нар Монголд очсоноор эхэлсэн. Аялал нийтдээ долоон хоног үргэлжилсэн ба ЖиЭнСи-ийн Монгол дахь салбарынхан болон Японд сурдаг бидний төлөөлөл оролцсон үндсэн бүрэлдэхүүнтэй байлаа. ЖиЭнСи нь Монголд мод тарьж экологийн талаар монголын хүүхэд залуучуудад боловсрол олгох зорилготой сайн дурын байгууллага юм. Энэ удаагийн аялалд ЯМОХ нь өөрсдийн хамтран ажилладаг энэ байгууллагын Монгол дахь үйл ажиллагаатай нь танилцах, цаашид олон талт хамтын ажиллагаагаа улам өргөжүүлэх зорилгоор оролцсон билээ. Ингээд 9 сарын 9-нд тус байгууллагын Монгол дахь албан тасалгаанд нь цуглаж аялалынхаа хөтөлбөртэй танилцаад, тэндээсээ ЖиЭнСи-Монголын Төв аймгийн Баянчандмань суманд байгуулсан Мод үржүүлгийн хоёр газартай танилцлаа. Нэг нь сумын төвийн ойролцоо байх ба тэнд хүлэмжин дотор хайлаас, улиас, эгэл нарс зэргийн модыг үржүүлж байгаа харагдана. Цаашлан явж Баруун хажуу гэх уулын аманд байгалийн мод үржүүлгийн газарт очив. Тэнд мөн нэлээд хэдэн төрлийн модыг үрээр үржүүлж байгаа гэх. Модыг ингэж үржүүлээд, биеэ дааж ургах чадвартай болсоных нь дараа байгальд шилжүүлэн суулгах, эсвэл албан байгууллага хувь хүмүүст зарах юм гэв.

Дараагийн өдөр 9 сарын 10-нд нь Улаанбаатараас гуч гаруй километр зайтай орших Шувуун фабрикруу явж тэдний Модел фермд очив. Энэ нь ногоо тарих аж ахуй байлаа. Тэнд нийслэлийн 18, 23, 108-р сургуулийн хүүхдүүдэд ЖиЭнСи-ийн экологийн талаарх хичээл болсоны дараа оюутнууд бид дүү нартаа ЯМОХ-ны талаар болон Японд хэрхэн суралцах тухай ярьж өглөө. Эдгээр сурагч дүү нар маань бүгдээрээ япон хэл судалдаг, ирээдүйд Японд суралцах зорилготой хүүхдүүд ихэнх нь байлаа. Тэдэнд хэрхэн суралцах тухай зөвлөгөөнөөс гадна ирээдүйд ЯМОХ-ныхны халааг авч эх орноо сурталчлах, найз нөхөд, дүү нарынхаа төлөө их зүйлсийг хийх сурагчид байж магадгүй болохоор ЯМОХ-ны талаарх яриаг хийсэн юм. Тэгээд бүгдээрээ дурсгал болгон 21 ширхэг гацуур модыг суулган дурсгалын зураг татууллаа.

Ингээд гурав дахь өдөр буюу 9 сарын 11-нээс бидний Сэлэнгэ аймаг болон Тужийн нарсанд хийх аялал маань эхлэв. ЖиЭнСи нь Монголд ойн түймэрт шатаж дууссан Тужийн нарс одоогийнхоор бол бараг Тужийн хожуул болсон тэр газарт нөхөн суулгалт хийж Монгол орны ногоон бүсийг эргүүлэн авчрах талаар монголчууд биднээс илүүтэйгээр хичээж байгаа сайн дурын байгууллага. Энэ удаад бидэн дээр нэмэгдэж МУИС болон ХААИС-ын ой судлал, ойн инженерийн мэргэжлийн ангийн гурван оюутан цуг явлаа. Зорилго нь хойшид энэ мэргэжлээрээ ажиллах боловсон хүчнүүдэд ой дотор гар аргаар модыг яаж суулгаж байгаатай танилцах, туршлага хуримтлуулах боломжийг олгож байгаа явдал байлаа.

Жин үдээр замд гарсан бид наран буухын алдад зорьсон газар болох Сэлэнгэ аймгийн төвөөс холгүйхэн байх ЖиЭнСи анх мод суулгасан газарт очлоо. 2004 онд суулгасан тэдгээр модод одоо бол том нь нэг метр хүртэлх өндөртэй болтолоо ургасан байв. Ойн захад биднийг Сэлэнгэ аймгийн Ой, ангийн аж ахуйн дарга Жамсран гуай угтан авч тэдгээр суулгасан мод болон жилд яаж ургаж байгаа, тэрийг нь ЖиЭнСи-ийн хүмүүс жил бүр өсөлтийг нь хэмждэг болох тухай тайлбарлаж байлаа. Тэнд модныхоо өсөлтийг хэмжиж, бүгдээрээ дурсгалын зураг татуулаад цааш хөдлөв. Орой харуй бүрий болсон тул шууд хоноглох буудалруугаа очлоо. Дараагийн өдөр нь жинхэнэ ойн гүнд очиж мод тарьсан нэлээд тайлбайгаар явав. Тэд зөвхөн энэ хавар гэхэд нь ерэн га талбайд мод суулгажээ. Мөн ойн гүн дэх Жамсран гуайн мод үржүүлгийн газар болон Сэлэнгэ аймгийн Ойн аж ахуйнхан хорь гаруй жилийн өмнө тарьсан нарсан төгөл одоо бол сайхан ой болсныг үзсээд үнэхээр сэтгэл байвал Монголд маань ч ойг тарьж ургуулж болох юм гэдгийг мэдэрч, бахархах сэтгэл төрж байлаа.

Тэр оройдоо Дархан уул аймагт хонож, амраад маргааш нь Улаанбаатар хотод ирж Монголын Экологийн боловсролын төв, 18-р сургууль, 108-р сургууль зэрэг ЖиЭнСи-тэй хамтын ажиллагаатай газруудаар явж тэдний мод тарьж тохижуулсан талбай, цэцэрлэгийг сонирхов. Үнэхээр Монголыг гэсэн сэтгэлтэй тэдгээр хүмүүсийн сайхан сэтгэлийн дэмээр Монголд ямар их зүйл хийгдэж байгааг ойлгож байв. 9 сарын 14-ний өдөр Хөгжим бүжгийн сургууль болон өнчин хүүхдийн асрамжийн газраар орж тэнд экологийн сургалт явуулж, оройдоо хүлээн авалт хийн, бүх хамтран ажиллаж байгаа хүмүүсээ урин ажлаа дүгнэж энэ удаагийн ЯМОХ нь ЖиЭнСи-ийн Монгол дахь үйл ажиллагаатай танилцах Эко аялал маань өндөрлөлөө. Японд суралцагч Монгол Оюутны Холбоо маань ч цаашид Монголынхоо ногоон бүсэд хувь нэмэр болохоор өөрсдийн гэсэн төгөлийг байгуулах буй заа гэсэн бэлэг дэмбэрэлтэй үгээр энэхүү аялалын тухай танилцуулгаа өндөрлөе.

Хог- Байгаль орчин

2007-09-28T00:37:00.000+09:00

Ийм нэгэн сэдэвт ажлыг зуны амралтаараа оюутнууд маань Монголд зохион байгууллаа. Энэ нь Японд суралцагч оюутнуудын хувьд гурав дахь жилдээ хийж байгаа арга хэмжээ боловч Оюутны Холбооноос зохион байгуулсан анхны арга хэмжээ байлаа. Үүгээр ЯМОХ нь Японд Монгол эх орноо сурталчлах, оюутан залуусаа нэгтгэн танилуулах үйл ажиллагаа зохиохоос гадна Монголд байгаа найз нөхөд, дүү нартаа хандсан мэдээлэл, тэдэнтэйгээ хамтран ажиллах гараа, сургалт явуулах эх үндэс тавигдаж байна.
2007 оны зун амралтаараа Монголд очсон бидний хэсэг оюутан Монголынхоо байгаль орчинд санаа тавьж, түүнийгээ яаж цэвэр байлгаж хүн ардын эрүүл мэнд, сэтгэл тайван амьдрахад нэсэр болох зүйл хийе гэсэн санаагаар "Хог- Байгаль орчин" гэдэг сургалт зохиохоор шийдсэн. Гэхдээ энэ үеэр маань сургууль, цэцэрлэг амарч байдаг учраас арай олон хүүхэд багачууд, найзуудыг маань цуглуулж чадсан байдаг болохоор нь хүүхдийн амралтын төвтэй хамтрах нь зөв гээд Олон Улсын Хүүхдийн Найрамдал Төм дээр үйл ажиллагаагаа явуулахаар боллоо.
Зохион байгуулсан ажил маань үндсэн дөрвөн хэсгээс бүрдэнэ.
1. Хотын эргэн тойрон болон, Улаанбаатар хотын төвлөрсөн хогын цэгүүдээр очиж, байдалтай танилцах. Үүндээ тохижилт үйлчилгээний газруудыг бас хамруулав.
2. Хүүхдэд ойлгомжтой байлгахаар бодож судалж, үзэж харсан зүйлүүдээ нэгтгэн түүгээрээ слайд бэлдэх. Үүндээ өндөр хөгжилтэй орнууд хогноосоо хэрхэн яаж салж байсан жишээг авч үзэн, Монголд үүнийг яаж шийдэх талаар өөрсдийн санаагаа тусгав.
3. Найрамдал зусланд очиж дүү нар, найз нөхөддөө энэ талаар яриагаа хийв. Энэ үеэрээ бас "Хог" гэсэн сэдвээсээ гадна "Японд хэрхэн суралцах вэ?", "Япон дуу суръя" мөн "Мод тарьсан хүн" гэдэг киног үзүүлэх зэргээр байгаль орчин нийгмийн талын олон талт арга хэмжээг олголоо. Дээр нь Найрамдал зуслан дээр "Цэвэрч бүлэг" шалгаруулж ЯМОХ-ын нэрэмжит өргөмжлөл гардууллаа.
4. Японд суралцагч оюутнуудаараа олон нийтийн телевизтэй хамтран хотын доторх хогийг цэвэрлэхэд гар бие оролцлоо.
Нэлээд удаан бэлдэж зохион байгуулсан уг үйл ажиллаагаанд маань нийт хорь гаруй оюутан өөрийн амралтын хугацаанаасаа хумслан байж идэвхтэй оролцсон болохоор тэдэндээ баярлахгүй байхын аргагүй.
Энэ бүх ажил маань хүн амын олонхыг хамарч чадаагүй байх. Гэхдээ нийт зуун дал гаруй хүүхэд, залуус хамрагдсан болохоор тэднээр дамжуулаад нийгэмд ямар нэгэн хэмжээгээр өдөөх хүчин зүйл болж, үүнээс санаа аван залуус, дүү нар маань бие биедээ шаардлага тавьж хог хаяхгүй болж заншвал эргээд нийгэмд тустай, нийтийн эрүүл мэндэд ашигтай үйлдэл болох байх. Энэ бидний гол зорилго байлаа. Үүнээс хойш ч байгаль орчиноос гадна хүмүүжил, сургалт, эрүүл ахуй гэх мэт сэдвүүдээр Оюутны Холбоо маань Монголдоо үйл ажиллаагаа явуулж байх болно.

Хөдөлмөрийн бирж-2007

2007-08-31T14:25:00.000+09:00

Германд суралцаж төгссөн найз нөхөд маань гадаадад төгсөгч залуучуудаа дэмжих, тэднийг ажилд зуучлах, гадаадад төгсөгчдийн ажил олгогч байгууллагууд болон оюутан залуусаа мэргэжлийн чиглэлээр, амралтаараа Монголд дадлага хийлгэх зорилгоор Хөдөлмөрийн бирж-2007 гэсэн арга хэмжээ зохиож байгаа юм.
Үүнд нь Монголын шилдэг том аж ахуй нэгжүүд болон гадаадын хөрөнгө оруулалттай байгууллагууд оролцох болсон байна.
Тэд гадаадад төгсөгч залуучууддаа ажил олгогчын байр сууриас энэ арга хэмжээнд оролцож байгаа гэнэ.
"Хөдөлмөрийн бирж-2007" нь 2007 оны 9сарын 10,11-ны өдрүүдэд
Улаанбаатар хотод төр засгийн үйлчилгээний “ЭЛИТ” төвд 10-нд 14:30-18:00, 11-нд 10-15 цагуудад явагдана.
Монголд амарч яваа сэнпай нар маань энэхүү арга хэмжээнд өргөнөөр оролцоорой.
Дашрамд хэлэхэд Германд суралцагч, төгсөгчдийн Холбоо маань "Монгол-Германы гүүр" гэсэн ТТБ-ын статустай үйл ажиллагаагаа явууладаг юм байна.

Чёофү дүүргийн" World summer festival" боллоо.

2007-07-23T01:20:00.001+09:00

Тоокёо хотын Чёофү дүүргийн Тазүкүри соёлын төвд 2007 оны 7сарын 22-нд " World summer festival" нэртэй арга хэмжээ боллоо.
Монгол, Япон, Аргентин, Филиппин, Индонез, Хятад гэх зэрэг таван тивийн 14 улсын хүмүүс оролцсон, даян дэлхийн энх тайвныг бэлгэдэхүйц арга хэмжээ байлаа. Оролцсон хүмүүс өөрийн улсынхаа урлаг соёлын нэг хэсгээс бусаддаа болон Япончуудад сонирхуулсан мэргэжлийн түвшингийнх биш ч сайхан концерт боллоо. Дуулж, хуурдан бас бүжиглэв. Монгол оюутнуудаас Тугаа, Дэрмээ, Майка гурав нь энэ арга хэмжээнд оролцлоо.
Арга хэмжээг зохион байгуулагч Чёофү дүүргийн Олон улсын Найрамдал Хамтын Ажиллагааны төв нь урьдаас бидэнтэй хамтран ажиллаж ирсэн ба өнгөрсөн өвөл "Цагаан сар" арга хэмжээгээ зохиох үед маань заал олоход тусалж байсан юм.
Энэ наадамд Монгол оюутнууд оролцооч гэж аль 4 сард бидэнд санал тавьж байсан бөгөөд "Эх орноо сурталчлаач "гэсэн тэдний саналыг хүлээн авсан юм.
Дөрвөн сарын үеэр жаахан завгүй байсан болохоор мунгинаж яваад цахим сүлжээгээрээ цацаагүй юм шиг байна. Оролцогчдынхоо нэрсийг факсдаарай гэхээр нь санаад коохайгаа оролцуулаад дээр нь Монгол бүжгийн номер гаргаач гэсэн тэдний хүсэлтээр "Хаврын баяр-2007" дээр бүжиглэж байсан Оогийд хэлээд гурвуулаа оролцохоор болсон ч аргагүй шалтгаанаар бүжигчин маань оролцож чадахгүй болсон. Сандраад таньдаг өвөрмонгол залуугаа хуур тоглоод өгөөч гэсэнд тэр маань зөвшөөрсөн ч бие нь өвдөөд яг арга хэмжээнд ирж чадахгүй болов.
Эцэст нь аргагүйн эрхэнд Дэрэм, Майка хоёрынхоо дэмээр би гарч хөгжимгүйгээр дуу дуулж нэг юм арга хэмжээг өндөрлөв.
Ер нь хойшдоо иймэрхүү арга хэмжээнд сайн бэлдээд, алдаа гаргалгүй оролцох ёстой юм байна. Юманд хариуцлагатай хандаж сурах нь бидний амьдралаас олж авах нэг чухал хичээл маань шүү дээ. Бага ч гэлгүй эх орноо сурталчилж чадаж л байвал энэ маягаар олон улсын болон нийтийг хамарсан арга хэмжээнд оролцох нь бас сэтгэлд ч өег байх юм.

Жич: Харамсалтай нь арга хэмжээнд зураг буулгагчгүй очоод зураг авч чадсангүй.

Зуны аялал 2007

2007-06-19T23:29:00.001+09:00

Зуны аялалдаа бэлдэцгээж байгаа биз дээ?

Дахин сануулахад бид 6-р сарын 23-ны 10:15 цагт JR新宿駅西口　新宿センタービル前-д цугларах болно. Газрын зургийг http://www.mapfan.com/m.cgi?MAP=E139.41.56.0N35.41.16.2&ZM=11- ээс үзнэ үү.
Чибад байдаг зарим нэг хүмүүс шууд яваад очьё гэсэн санал гаргасан боловч, автобусаа хүнийхээ тоогоор захиалсан тул илүү их зардалтай болж, бусад хүмүүстээ төвөг удах магадлалтай тул хамт автобусаараа хөдлөхийг хүсье. Зайлшгүй шалтгаанаар өглөө цуглахад амжихгүй бол бидний мэйл хаягаар харилцана уу.

Зарим нэгэн хүмүүс очих газрынхаа веб хуудсаас мэдээд авчихсан байж магадгүй ч аялалдаа юу авч явах вэ гэдгийг мэдээлье.
Очих газарт маань үсний шампунь, биеийн саван, нүүр гар, ванны алчуур бэлэн байх болно. Харин шүдний оо сойз, нүүр цэвэрлэгч, нүүрний саван зэрэг байхгүй болохыг анхаарна уу.
Мөн бүх байшин интернэтэд холбогдсон тул яаралтай хийх ажилтай гэсэн хүмүүс нөүтбүкээ авч очоод ажлаа амжуулж болох юм (Мэдээж амрах гэж очсон гэсэн зорилгоо умартахгүйгээр).

Яаралтай!! Зуны аялал 2007

2007-06-18T17:28:00.000+09:00

Та бидний хүсэн хүлээсэн зуны аялал хүртэл ердөө 5-хан хоног үлдлээ. Өмнө нь бичсэн бичлэгээс очих газрынхаа талаар бага ч гэсэн мэдээлэл авч чадсан байх гэж найдаж байна. Энэ удаад 23-ны өдөр цуглах газар болон цагийг мэдэгдэе.

Цуглах газар: JR新宿駅西口　新宿センタービル前 (Газрын зурагнаас үзнэ үү）

Цуглах цаг: 10:15 минут (Цагаасаа хоцрохгүй байхыг хүсье.
Хоцорсон тохиолдолд өөрийн биеэр тухайн газар явж очих
ба зөрүү мөнгийг олгохгүй болохыг анхаарна уу)
Автобусны компаниас явуулсан газрын зураг: http://www.mapfan.com/m.cgi?MAP=E139.41.56.0N35.41.16.2&ZM=11

Хөдлөх цаг: 11:00 цаг

Үнэ: 12000 иен (Төлбөрийг автобусанд хурааж авах болно.
Аль болох мөнгөө тааруулж өгнө үү. )

Үнэнд багтах зүйлс: Байрлах газар, хоол унд,
ирж очих автобусны зардал

Хоноглох газар: バーネットビレッジ 4-н байшинд тус тус
10-аас 15-уулаа хуваагдан орох болно.
Дэлгэрэнгүйг http://www.burnet.jp/ -с

Буцаж ирэх: Одоогийн байдлаар тухайн газраас 24-ний 13 цагт хөдлөхөөр төлөвлөөд байна. Токёо хүртэл ойролцоогоор 2 цаг хагас явна.

Жич: Олуулаа тоглож болохоор тоглоом（ бөмбөг, дээс, олс, юу л бол юу）чадах чинээгээрээ авчрахыг бодоорой. Мөн зөөврийн сиди эсвэл кассетны хөгжим, I-pod залгаж болох дифузер авчирч чадах хүн байвал бидэн рүү холбоо барина уу. Энэ аялалыг мартагдашгүй дурсамж болгохын төлөө бүгдээрээ хамтдаа хичээцгээе!!

Ямар нэгэн асууж тодруулах зүйл, санал хүсэлт байвал бидэнтэй доорх хаягаар харилцана уу.

Болор-Эрдэнэ bookkii84@yahoo.com

Болдмаа boykanaa@gmail.com

Зуны аялал 2007

2007-06-12T22:50:00.000+09:00

Өмнө зарласны дагуу энэ жилийн зуны аялал маань Чиба мужийн Күжүкүри-д зохиогдохоор болсон. Байрлах газар нь Burnet Village-р шийдэгдсэн бөгөөд, дэлгэрэнгүй мэдээллийг www.burnet.jp -р авна уу. Бүртгэл дуусахад хэдхэн хоног үлдсэн тул энэ сарын 16-ны дотор bookkii84@yahoo.com хаягаар бүртгүүлнэ үү. Бүртгүүлэхдээ нэр, сургууль, утасны дугаар, мэйл хаягаа бичиж явуулна уу. Хамтдаа далайн зүг урагшаа!!

Зуны амралтаараа Монголд

2007-06-11T23:31:00.000+09:00

Удахгүй Зуны амралт. Энэ зун амралтаараа Монголд зохиох
Зуны ажиллагаанд оролцох оюутан, залуучуудыг хайж байна.

Бид Япон оронд суралцахаас гадна харихдаа тэдний энэ өндөр хөгжсөн соёлоос
манай эх оронд хэрэгтэй зүйлсийг биедээ наах нь хамгийн чухал зүйлсийн нэг билээ.
Энэ ч утгаараа Японы хогийн системийн талаар, бас Монголын нөхцөлд хогний
асуудлыг яаж шийдвэрлэж болох талаар сургалт семинар зохиох болоод байгаа билээ.
Эх орондоо сурч байгаа оюутнууд залуучууд, сурагчид маань энэ талаар юу бодож
яваа тухай санал бодлоо хуваалцах зорилготой.
Өнөө үед тулгамдаад байгаа байгаль орчны асуудлыг цэгцлэхэд хувь хүн, иргэн тэгээд
оюутан залуус бид юу хийж чадах вэ?гэдгийг өөрсдийн биеэр мэдэрч энэ ажилд сэтгэл
гарган оролцвол та бүхэндээ чин сэтгэлээсээ талархах болно.
Одоогоор багийн гишүүдийг бүртгэх ажлийг эхлүүлээд байгаа болно. Нэг зүйлийг хэлэхэд
Монгол харихгүй ч энэ ажилд гар бие оролцох боломжтой шүү. Сэнпай нар туршлагаасаа
хуваалцана гэдэгт найдаж байна.
Ер нь иймэрхүү ажлаа мод тарих гэх мэтээр цаашид улажлал болгон зохиох бодолтой байгаа.
Бүгдээрээ хамтдаа бага ч болов хэрэгтэй зүйл хийж чадвал тэр маань бидний амьдралд
томоос том хичээл, дурсамж болж чадах байх.
Та нарыгаа хамтран ажиллана гэдэгт итгэлтэй байна.

Б.Мөнхтуг

☆Сүлжээгээр ирсэн мэйлийг засваргүйгээр нийтлэв.

гэсэн мэйлээр оролцохыг хүсэгчид хандаарай.
Бид цаашдаа yahoo messenger дээр конфэрэнс хийх болохоор
yahoo-ийн хаяг тавьлаа.

Уржнангийн вооркшопийн тухай дүрс бичлэгийг зохиогчоос нь зөвшөөрлийг нь
аваад доор тавилаа.

Зуны аялал 2007

2007-06-04T23:57:00.000+09:00

Зун цаг, зун цаг гоёхон доо
Зугаатай цэнгэлтэй сайхан даа.

Зун цаг хаяанд ирлээ. Жил бүр уламжлал болгон 2-р курсийхан маань зохион байгуулсаар ирсэн Зуны аялал нь мартагдашгүй сайхан дурсамжаар дүүрэн болж өнгөрдөг билээ. Шинэ ирсэн коохай нартайгаа танилцах, хоорондоо улам дотносож сайхан амрах зорилготойгоор зохиогддог аялал маань энэ жил 6 сарын 23,24-нд зохион байгуулагдах болсныг зарлахад таатай байна. "Зуны аялал 2007" -аар Чиба мужийн 九十九里 (Күжүкүри) далайн эрэг рүү аялахаар тогтлоо.
Аяллын зардал хараахан тодорхой болоогүй байгаа боловч өмнө жилүүдийн жишгээр 10000 эн гаран хавьцаа болох болов уу гэж тооцоолж байна. Тодорхой болсны дараа дахин зарлах болно.
Аялалд оролцох хүний тоо хязгаарлагдмал байгаа тул яарцгаана уу.
Бүртгүүлэхийн тулд bookkii84@yahoo.com хаяг руу нэр, сургууль ажил, утасны дугаар, мэйл хаягаа бичин явуулна уу.
<< Далайн зүг! >>

Олон улсын симпозиум -д оролцоцгооё

2007-06-04T22:53:00.000+09:00

Японд суралцаж буй гадаад оюутнуудад зориулан, Токиогийн Олон улсын солилцооны төвд 7 сарын 1-ний өдөр Олон улсын симпозиум зохион байгуулагдах гэж байна. "Японд суралцахын үнэ цэнэ" гэсэн сэдвийн дор явагдах уг симпозиумын үеэр Монгол улсаас Японд улсад суугаа онц бөгөөд бүрэн эрхт элчин сайд Жигжид гуай оролцон, өөрийн японд улсад суралцаж байсан туршлагынхаа талаар хуваалцах болно. Олон жилийн туршлага хуримтлуулсан орон орны төлөөлөгчдийн яриаг сонсох алтан боломж олдох нь. Уг үйл ажиллагааны талаарх тодорхой мэдээллийг эндээс авна уу.
Симпозиумд оролцох хүсэлтэй хүмүүсийг 6.15 хүртэл бүртгэж авах болно.
Бүртгэж авах хаяг: tnomindari@yahoo.com

Урам уулзалт

2007-05-22T15:35:00.000+09:00

Ta buxen sain btsgaana uu!

Yamokhoos zoxion baiguuldag eeljit
Uram uulzalt bolox gej baina.
Ene udaagiin uulzalt maani ontslon
4-r kursiin oyutnuudad zoriulan
zoxioj baina.

Niit xuviin, ulsyn ix deed surguuliin
mastert surch baigaa oyutnuud bolon
baklavaryn oyutnuudaa orgonoor
oroltsoxyg xusye.

Delgerenguig krilleer bichsen baigaa
tul encode-oor tailj unshina uu.

Зохиогдох огноо, цаг
2007-05-27 Ням гариг. 14:00 - 16:30

Болох газар
Хитоцүбаши ИС-ийн Күнитачи Хотхон
209 тоот анги
(最寄り駅：中央線国立駅南口より歩いて10分)

Агуулга
Энэ удаагийн "Урам" уулзалтыг мастерийн шалгалтанд
бэлдэж буй оюутнуудад зориулан нээж байна. Өөрийн
мэдлэг чадвараа улам дээшлүүлэх зорилгоор үргэлжлүүлж
суралцах сонирхолтой байгаа оюутнууд аа өргөнөөр оролцохыг
урьж байна. Мөн одоогоор мастерийн курст суралцаж байгаа
сэнпай нар нь өөрийн туршлагаасаа хуваалцаасай гэж хүсч байна.

Дэлгэрэнгүй мэдээллийг зохион байгуулагчаас авна уу.

Батдэрэм
утас: 080 5080 1525
мэйл: dermee@ezweb.ne.jp

ЯМОХ шинэ оюутнуудаа угтан авав

2007-04-15T05:13:00.000+09:00

Жил бүрийн хавраар
Жигүүртэн олон шувууд
Манай орныг зориод
Маш холоос ирдэг юм
гэсэн сайхан дуу байдаг билээ. Тиймээ энэ л жил бүрийн хавраар эрдмээр жигүүр хийж олон олон залуус эх орноосоо арлын Японыг зорин ирцгээдэг билээ. Тэд маань дуунд гарч байгаагийн яг эсрэгээр жил бүрийн хавар тэр шувууд ирдэг нутгийн зүг эрдэм сурахаар аяны дөрөө мулталдаг билээ.
Жил ирэх тутам Японд суралцагч Монголчуудын нэмэгдэж, 2005 оны баримтаар нэг мянгад хүрээд байна.
Япон дахь Монгол Оюутны Холбоо шинээр ирсэн оюутнуудаа хүлээн авах энэ жилийн "Угталт" уулзалт 4сарын 13-нд Япон дахь Монгол Улсын Элчин сайдын Яаманд болж өнгөрлөө. Энэ уулзалтад шинээр суралцахаар ирсэн болон, их сургуулийн босго алхан орж байгаа нийт гуч гаруй оюутнууд болон тэдэнтэй танилцах, зөвлөгөө өгөхөөр арав гаруй хуучин оюутнууд ирж оролцлоо.
Бидний уулзалтад Монгол улсаас Японд суугаа онц бөгөөд бүрэн эрхт элчин сайд Р. Жигжид гуай, Элчин сайдын яамны боловсрол хариуцсан нарийн бичиг Ж.Сарантогос болон Монгол сүмочидын анхдагч Д. Батбаяр нар ирж мэндчилгээ дэвшүүлэн, шинэ оюутнуудад санал бодлоо хэлж, сурлагын амжилт хүслээ. Мөн Токио Их Сургуулийг төгсөгч Б. Мөнхзул, Тохо Гакү-эн сургуулийг төгсөгч Г. Энхтөгс сэнпай (дээд курсын оюутан) нар хүрэлцэн ирж өөрсдийн Япон дахь амьдрал, сурч байсан тухайгаа шинэ оюутнуудтай хуваалцлаа. Мөн Д. Батбаяр ах маань өөрийн зодог тайлах ёслолыг үзэж сонирхоорой гээд хүн бүрт билэт өгч сюрприз барилаа.
Монголын ирээдүй болсон залуучууд маань эрч хүчтэй, сурах эрмэлзлэл дүүрэн байгаа нь ажиглагдсан шүү. Та нартаа сурлагын өндөр амжилт хүсье.

Уралдаан зарлагдсан байна

2007-04-02T19:55:00.000+09:00

Солонгост суралцаж байгаа оюутнуудын санаачилгаар нэгэн зохион бичлэгийн уралдаан зарлагдсан байна. Тус уралдааны зорилго нь гадаадад суралцагч оюутнуудын эх орныхоо тухай юу гэж бодож байгаа болон тэдний монголынхоо ирээдүйд хувь нэмрээ оруулах хүсэл эрмэлзлэлтэй нь танилцаж нийтэд цацах юм байна. Шагналын сан өндөртэй тус уралдаанд Японд суралцаж байгаа оюутнуудаа өргөнөөр оролцохыг уриалж байна.

Сонирхсон оюутнууд маань дэлгэрэнгүй мэдээллийг доорх холбоосноос авна уу.
http://cmox.org/forum/viewtopic.php?t=1777

Хаврын баярын үеэр ХАйКУ шүлгийн тэмцээн болно.

2007-03-23T02:18:00.000+09:00

Японы Токио хотод жил бүр уламжлал болон зохиогдож байгаа Хаврын баярыг хүлээн суугаа нутаг нэгтнүүд олон бизээ. Энэ жилийн програмд хайкү шүлгийн тэмцээн нэмэгдлээ.

17 үсгээр бодол саналаа илэрхийлдэг шүлгийн энэ төрөл зөвхөн японоор зогсохгүй, дэлхий дахинд дэлгэрсээр байна.

Энэ удаад зохиогдох гэж буй ХАйКҮ тэмцээний сэдэв нь, "Миний доторхи Монгол" (私の中のモンゴル） нэртэй.
Өөрийн дотор буй Монголоо хэрхэн илэрхийлж болох вэ?
Хамгийн түрүүнд юуг онцолмоор байна вэ? Монголыг мэдэхгүй хүмүүст, монголд очиж үзээгүй бүхэнд яаж тайлбарламаар байна вэ?
Хайкү бичээд үзэхгүй юмуу? Оролдож үзээд болмоор байвал уралдаад үзээрэй! Аз болж аймар гоё шагнал авчих ч юм билүү. Бас монголд хайртай, сонирхолтой япон танилууддаа ч гэсэн энэ тухай дуулгачихаарай. Юмыг яаж мэдэх вэ, таны зарын ачаар түүний бүтээл олны танил болох ч юм билүү.

За тэгээд сонирхсон хүмүүс хаврын баярын хуудаснаас нарийн ширийнийг мэдээрэй.
http://harumatsuri.net/2007/index.htm
http://harumatsuri.net/2007/haikushirase.pdf

Б.Зука

Угталт

2007-03-19T23:54:00.001+09:00

Жил бүр нүүдлийн шувуу лугаа сэтгэлийг гэгэлзүүлдэг хавар нэгэнтээ хаяаанд иржээ.

Бидний сэнпай нар анх биднийг Японд хүлээж авч, угтаж байсныг санахаар баярлаад ханашгүй. Аюулхай цээжиндээ аливаа бүх зүйлд санаа зовсон амьтан ирж байхад "болно доо" гээд мөрөн дээр алгадан зоригжуулж байсан тэдний царай одоо ч нүдэнд үзэгдэнэ.

Тиймээ бид энэ л дараа дараагийн оюутнуудаа гэсэн тэднийхээ сэтгэлийг дүү нартаа ч мэдрүүлж тэднийгээ Япон дахь амьдралд нь өлгийдөн авах хэрэгтэй болой.

ЯМОХ-оос зохион байгуулах гэж буй "Угталт" арга хэмжээ нь Японд шинээр суралцахаар ирж буй оюутнуудаа хүлээн авах, тэдэндээ сандарсан үед түшиж тулах найз нөхөд байгаа шүү гэдгийг мэдрүүлж, олон жил болсон сэнпай нарын туршалгаас сонсгох, харилцан санал бодлоо солилцох зорилготой юм.

Өнгөрсөн жил хийгдэж байсан ЯМОХ-ын энэ арга хэмжээнд Японд суугаа Монгол Улсын Элчин сайд оролцож үг хэлж баяр хүргэж байсан билээ. Тиймээ Элчин сайдын яам маань ч шинэхэн оюутнуудаа бидэнтэй хамт угтаж байгаа билээ.
Энэ жил 4-н сарын 13-ны баасан гаригт орой 17 цагаас Элчингийн хурлын танхимд хийхээр боллоо.

Манай сэнпай нар тэр үеэр кохай нараа зохион байгуулалттай авчраасай гэж хүсэх байна. Тэд маань элчин сайдын Яамаа олохгүй учраас ингэх хэрэгтэй болов уу.
За бүгдээрээ "Угталт"-ын үеэр уулзацгаая!

Ээлжит Монголын Эко Форум боллоо

2007-03-18T13:43:00.000+09:00

3-н сарын 17-ны өдөр Япон дахь Монгол улсын Элчин Сайдын Яаманд Монголын байгаль орчинд санаа тавьж, энэ талаар олон талт үйл ажиллагаа явуулдаг Японы төрийн бүс байгууллагууд оролцсон Эко сургалт семинар боллоо. Монгол судлаач эрдэмтэд болон Монголд мод тарьдаг төрийн бус байгууллагын төлөөлөл болсон хүмүүс хүрэлцэн ирсэн байлаа. Тэд Монголд мод тарих талаар өөрсдийн туршлагыг солилцон дээрээс нь хүндрэлтэй талуудыг ч авч хэлэлцэн, шийдвэрлэх гарцыг ярилцаж байлаа.

Оролцогчид тайлангуудтай танилцсаны дараа санал сэтгэгдэлээ солилцсон юм. Энэ үеэр Монголчууд бид эх орондоо мод тарих үйлсэд оролцдоггүй болохыг шүүмжлэхээс гадна энэ тал дээр дан ганц гадаад хүмүүс, тэр дотроо япончууд зүтгээд, мэрийгээд үр дүн бага байна гэдгийг онцолж байлаа.

Энэ үеэр ЯМОХ-ын тэргүүн Мөнхтугаас нийт оюутнуудын оролцоог дэмжиж, энэ тал дээр хамтран ажиллах бололцоо бий гэдгийг дурьдаж байлаа.
Мөн Японд суралцагч, ажиллагч Монголчуудын нэр дээр төгөл бий болговол сайхнаа гэсэн яриа ч өрнөсөн юм.

http://news.mymongol.com/page.asp?mmCategory=mongol&ID=4272

"Хаврын баяр"-ын үеэр таны туслалцаа хэрэг болно

2007-03-15T01:19:00.000+09:00

Оюутан залуусын оргилуун гал халуун сэтгэл, эх орноо гэсэн хүсэл эрмэлзэлээр жил бүр зохион байгуулагдаж ирсэн "Хаврын баяр" Монголыг танилцуулах баяр （арга хэмжээ） маань болоход ердөө л сар хагасын хугацаа үлдээд байна. Энэ жил найм дахь удаагаа зохиогдох гэж байгаа "Хаврын баяр2007" маань "Монгол-Японы найрамдалт харилцаа тогтоосны 35 жилийн ой, Монгол дахь Японы жил" гэсэн түүхэн он цагтай давхцаж байгаа билээ. Японд эх орноо сурталчлах, таниулах хүсэлтэй хүмүүс их олон байдаг байх. Тиймдээ ч бид буцааж нэхэх хариу горьдолгүйгээр нэгэн сэтгэлээр сайхан Монгол орноо сурталчилж, таниулж байдаг билээ. Хаврын баярыг зохион байгуулалцаж байгаа найз нөхдөд тань одоо л таны тус хэрэг болоод байна.
"Хаврын баяр2007" үеэр олон хэсэгт хүн хүчний туслалцаа хэрэгтэй байгаа бөгөөд эхнээс нь шат дараатайгаар танилцуулаад явах болохоор та өөрийн хүссэн хэсэгтээ орж туслалцвал бид их талархах болно.
Хаврын Баяр 2007-оор уламжлал болсон загварын шоу зохион байгуулж ирсэн. Энэ удаад ч бас төлөвлөөд явж байгаа ба нийтдээ хорин хүний бүрэлдэхүүнтэй байх.Түүний арав нь Монгол, арав нь Япон хүн байх болно. Тус тус арван хүний тав нь Монгол дээл, тав нь Япон Кимоно өмсөх юм(таван Монгол хүн дээл өмсөж, таван Монгол хүн Кимоно өмсөнө. Мөн ялгаагүйгээр Япончууд тав нь дээл, тав нь Кимоно өмсөх болно).
Өөрийн дээлээ өмсөөд оролцох сонирхолтой, эсвэл дээлгүй ч гэсэн загварын шоунд оролцох хүсэлтэй таван Монгол хүн(сурдаг, ажилдаг харгалзахгүйгээр), Кимоно өмсөж тайзан дээр гарах хүсэлтэй таван хүнийг хайж байна. Мөн дээл өмсөж үзмээр байгаа таван Япон оюутныг хайж байгаа тул, найз нөхдөөсөө энэ тухай сонирхож байгаа хүн байвал урьж оролцуулахыг хүсье.
Та оролцохыг хүсвэл boykanaa@gmail.com -рүү "е-шуудан" бичээрэй.
Хаврын баяр маань ашгийн бус үйл ажиллагаа тул ямарваа нэгэн цалин хөлс олгохгүй болохыг анхааруулъя. Бүгдээрээ сайн дураараа идэвхтэйгээр оролцвол туйлын ихээр баярлах болно.
Удахгүй бусад хэсгүүдийн тухай танилцуулан сайн дураараа туслахыг хүмүүсийгхайх болно.

Хаврын баярыг зохион байгуулах хороо
Тайзны хэсэг

ХХ зууны Монголчууд

2007-03-02T17:08:00.000+09:00

Өнөөдөр Осака дахь Үндэсний Үндэстэний Музейн монгол судлаач залуу эрдэмтэн Конагая Юкигээс нийт Японд сурч байгаа оюутнуудад эрдмийн бэлэг ирлээ. Энэхүү эрдмийн бэлэг маань И. Лхагвасүрэн гуайн зохиож эмхэтгэсэн

"SER 42, ХХ зууны Монголчууд" гэдэг ном болон түүний япон орчуулга
"SER 41 モンゴル国における２０世紀"　社会主義を生きた人びとの証言,小長谷有紀　編 юм.

Монголчуудын хувьд өөрчлөлт хувьсгал гэдэг юу байсан, мөн орчин цагийн бүтээн байгуулалт хэрхэн өрнөж байсан талаарх судалгааны үр нь энэхүү ном билээ. Номонд гарах монголын түүхийг бичилцсэн ахмадуудын маань ярилцлага нь тун сонирхолтой тул нэг амтанд нь орвол нэг дор л уншаад дуусгачих сайхан ном юм.

Номыг уншихыг сонирхсон хүнд шуудангаар илгээе гэж бодож байгаа тул, та гэрийн хаягаа yamokh-owner@yahoogroups.co.jp гэсэн мэйл рүү илгээнэ үү.

Номын дэлгэрэнгүй танилцуулгыг доорх хаягнаас уншина уу.
http://www.minpaku.ac.jp/publication/ser/42.html

Ерөнхийлөгч Васэдагийн хүндэт доктор болох нь?

2007-02-16T04:08:00.000+09:00

Монгол Улсын ерөхийлөгч Н.Энхбаяр 2007 оны 2 сарын 26-наас Япон улсад айлчлах болсон билээ. Энэ удаагйин ерөнхийлөгчийн айлчлалын үеэр Японы нэр хүндтэй сургуулиудын нэг Васэда Их Сургууль дээр Монгол Улсын ерөнхийлөгчид Васэда ИС-ийн "Хүндэт доктор" цол олгох ёслолын ажиллагаа болох юм.

Хэзээ: 2/28-ны Лхагва PM. 14:30-аас орж эхэлнэ.

(Ёслолын ажиллагаа PM.15:30-16:20)

Газар: Васэда Их Сургууль Ниши Васэда campus,27-р байр

(Васэда gallery), B2 Оногийн нэрэмжит хүндэтгэлийн заал

　　　　　（早大西早稲田キャンパス27号館=ワセダギャラリー

B2小野記念講堂）

　　　Хэрэв та газраа олохгүй төөрч будилбал цаг алдалгүйгээр энэхүү хаягийг сургуулийн төв хаалганы хамгаалалтын албаныханд үзүүлнэ үү?

Байршил заасан зургийг доорх линкээр орж хараарай!
http://www.waseda.jp/cas/html/access03.html

Хаяг: Токио-то, Шинжюкү-кү, Ниши Васэда 1-6-1

Tel:03-5272-4783

Төлбөр: 　Үнэгүй.

Анхаарах зүйлс: Ёслолд оролцогчид өөрсдийн оюутны үнэмлэх гэх мэт биеийн байцаалтаа авч ирэх

Сургууль руу очих аргачлал:
1. JR Yamanote line,JR Seibu Shinjuku line,

“TAKADANOBABA” буудлаас “Soudai Seimon

(早大正門行) явах автобус No.2（学02）-т (170￥) сууж эцсийн

　　　　　　　　　　 буудал “Soudai Seimon”дээр буугаад зам хөндлөн гармагц
чанх өмнө харагдана.

　 2.　 Tokyo Metro Touzai-line”WASEDA”T-04 буудал 3А

гарцаар гараад зүүн гар тийш алхаад zuun gar 5 минут явна.

3. Toden Arakawa line ”WASEDA” эцсийн

　　　　　　　　　　 буудлаас алхаад 8 минут .

Нэмэлт мэдээлэл авахыг хүсвэлl:

WASEDA University, Боловсролын хэлтэс

Tel: 03-3204-2253

Монгол Улсын Элчин Сайдын Яам

Tel: 03-3469-2088

ЯМОХ

Цагаан сар 2010

Хаврын Баярын үйл ажиллагаанд оролцох сонирхолтой хүн хайж байна

2009 оны Зуны Вооркшоп

Далайн аялал 2009

"Хаврын баяр-2009"Зохион байгуулах хорооны талархал

Угталт 2009

Ханами&BBQ

Урам уулзалт

УИХ-ын дэд дарга Н.Энхболд,БСШУЯ-ны сайд Ё.Отгонбаяр нартай уулзах уулзалт

"Урам" уулзалт

Шинэ жилийн мэнд хүргэе

YAMOH NEW YEAR PARTY 2009

"Миний Эх Орон" сэдэвт зохиол бүтээлийн уралдаан

ЯМОХ 2008-2009 оны Удирдах Зөвлөлийн Ээлжит Сонгуулийн дүн

Songuulid ner devshuuleh talaar

Сонгуулийн цаг тодорхой боллоо

ЯМОХ Удирдах Зөвлөлийн сонгууль

Сайн байцгаана уу оюутан залуусаа.

2008.10.13 YAMOH-n tailan boloh gazar

ЯМОХ энэ 2007-2008 онд юу хийв?

ХҮНИЙ НУТАГТ СУУГАА МОНГОЛ АХАН ДҮҮСТЭЭ

Экологийн боловсролын төвийн байрыг булаах нь

"Бидний Зорилго - Монголын Ирээдүй " Хоёрдугаар хурлын тайлан, Төсөл сонгон шалгаруулалт

ЯМОХ-ын ээлжит "Зуны WORKSHOP 2008"

"Бидний Зорилго - Монголын Ирээдүй " Хоёрдугаар хурал

"Бидний зорилго- Монголын ирээдүй " анхдугаар хурлын тайлан

Харамсалтай мэдээ

Бидний зорилго- Монголын ирээдүй

"Оюутан" Зуны аялалын төлөвлөгөө

Зуны аялал-2008

Цаашдын Урам уулзалт ба ТА

Mottainai

Япон дахь Монгол Оюутны Холбоо

"Урам" уулзалт

"Хаврын баяр-2008"-ын Сурталчилгааны хуудас

Сагсны тэмцээний дүн

"Хаврын баяр- 2008"-ын уриа

Оюутан шинэ жил

Морин хуурын сургалтын тайлан

ЯМОХ -ны Сагсан бөмбөгийн аварга шалгаруулах тэмцээн

АН-ын дарга Ц.Элбэгдоржийн Япон дахь Монголчуудтай хийх уулзалтын зар

Морин хуурын сургалтын талаарх зарлал

Удирдах зөвлөлийн сонгууль болж өнгөрлөө

ЯМОХ-ын тайлангийн хурал болж өндөрлөлөө

ЯМОХ - Сонгууль

ЯМОХ - Тайлангийн хурал

Монголд хийсэн Эко- tour

Хог- Байгаль орчин

Хөдөлмөрийн бирж-2007

Чёофү дүүргийн" World summer festival" боллоо.

Зуны аялал 2007

Яаралтай!! Зуны аялал 2007

Зуны аялал 2007

Зуны амралтаараа Монголд

Зуны аялал 2007

Олон улсын симпозиум -д оролцоцгооё

Урам уулзалт

ЯМОХ шинэ оюутнуудаа угтан авав

Уралдаан зарлагдсан байна

Хаврын баярын үеэр ХАйКУ шүлгийн тэмцээн болно.

Угталт

Ээлжит Монголын Эко Форум боллоо

"Хаврын баяр"-ын үеэр таны туслалцаа хэрэг болно

ХХ зууны Монголчууд

Ерөнхийлөгч Васэдагийн хүндэт доктор болох нь?

АН-ын дарга　Ц.Элбэгдоржийн Япон дахь Монголчуудтай хийх уулзалтын зар