Sunday, December 24, 2006

Сагсан бөмбөгийн тэмцээн боллоо.

Япон дахь Монгол оюутны холбооноос зохион байгуулдаг "Сагсан бөмбөгийн тэмцээн" 2006 оны 12сарын 23-ны бямба гаригт Нэрима дүүргийн Хикаригаокоа 2-р дунд сургууль дээр амжилттай явагдаж өндөрлөлөө.

Тэмцээнд японд суралцаж, ажиллаж амьдарч буй Монголчуудын нийт 9 баг тамирчид авхаалж самбаагаа сорилоо.Үүнээс Чиба их сургуулийн "Чиба-ТБ" баг тэмцээний аваргаар шалгарч "ЯМОХ" шилжэн явах цомын эзэд боллоо.2-р байранд Сайтама-кэнд ажиллаж, амьдарч буй залуусын "Сайтама" баг шалгарсан.

Мөн тэмцээний үеэр болсон "Холын зайн шидэлт"-ийн тэмцээнд нийт 40 хүн оролцсоноос Сайтама их сургуулийн Ч.Мөнх-Эрдэнэ тэргүүн байрыг эзэлж ,удаах хоёр , гурав дугаар байранд Комаба-2006 багийн Эрдэнэбат , Хитоцүбаши багийн Хишигбаяр нар тус тус орлоо.
Тэмцээнд оролцсон нийт баг тамирчиддаа оюутан залуучуудаа төлөөлөн чин сэтгэлийн баяр хүргэж цаашдийн сурлага хөдөлмөрт нь өндөр амжилт хүсье.

Энэ удаагийн "Сагсан бөмбөгийн тэмцээн"-д Японы мэргэжлийн сүмод хүч үзэж байгаа Монгол тамирчид хүрэлцэн ирсэн нь бидний баяр дээр баяр нэмлээ.Их аварга Д.Дагвадорж, озэки Хакүхо М.Даваажаргал , маэгашира Ама Д.Бямбадорж болон монгол сүмочидийн анхдагчдын нэг Кёкүтэнзан Энхбат тэргүүтэй арваад сүмочид хүрэлцэн ирсэн юм.

Сүмочид маань 1,2-р баг гаргаж тэмцээний аварга "Чиба-ТБ" болон 2-р байранд орсон "Сайтама" багуудтай нөхөрсөг тоглолт хийсэн нь хүрэлцэн ирсэн оюутан залуусыг маань баярлуулсан явдал болсон ба тэмцээний хаалтыг сонирхолтой болгож өглөө.

Мөн озэки Хакүхо М.Даваажаргал , маэгашира Ама Д.Бямбадорж нар тэмцээнд түрүүлсэн баг тамирчдын шагналыг гардуулж өгсөн нь тэдний зүгээс бидэнд үзүүлсэн хүндэтгэл байсан болов уу.

Эцэст нь "Сагсан бөмбөгийн тэмцээн"-ийг зохион байгуулахад гүн туслалцаа үзүүлсэн Токио хотын Нэрима дүүргийн Хикаригаока 2-р дунд сургуулийн хамт олон болон "Хөх тэнгэр" нийгэмлэгийн Үчида Шиничи гуай нартаа баярлаж талархсанаа илэрхийлье.

Мөн тэмцээнийг зохион байгуулахад гар бие оролцсон оюутнууддаа нийт оюутнуудаа төлөөлөн талархал илэрхийлж сурлага хөдөлмөрт нь өндөр амжилт хүсье.

Thursday, December 21, 2006

Шинэ жил хаана болох вэ?

Эрхэм оюутнууд аа, бид бүгдийн хүсэн хүлээсэн шинэ жилийн баяр маань ойртон ирж, гоёлын хувцсаа зэхэцгээж байгаа биз ээ.

Шинэ жил болох газар маань шийдэгдсэн тул та бүхэндээ мэдэгдье.

Болох газар: Токиогийн Их сургуулийн Митака Олон Улсын оюутны хотхон (東京大学三鷹国際学生宿舎).
Бусад мэдээллийг өмнөх бичлэгээс үзнэ үү.
Нээрээ сургуулиуд мэндчилгээ дэвшүүлэх боломжтой шүү.

Шинэ жилдээ яаж очих вэ?
Уг оюутны хотхонд очих олон арга бий. Дэлгэрэнгүйг энэ хаяг руу орж үзээрэй.
JR Chuo line, Keio Inokashira line, Tokyo Metro Tozai line-ийн Кичижожи (吉祥寺) өртөөнд буугаад, Марүй (丸井デパート、○I) их дэлгүүрийн өмнөх Одакюү (小田急バス) автобусны 3, 4-р буудлаас "Мүсашисакай минами гүчи буюу Оосава (武蔵境南口 or 大沢行き)", эсвэл "Чоофү эки кита гүчи (調布駅北口行き)" орох автобусанд сууж (210 иэн), Шинкава доори (新川通り) хэмээх буудалд бууна. Шинкава дооригоос цааш яаж явахыг доорх зургаас үзнэ үү. (Зураг дээр хулганаараа товшвол томорч харагдана)



4, 5-уулаа бол цахилгаан тэрэгний өртөөнөөс таксигаар оччихсон нь бараг хялбар байх.

За тэгээд, болзоот өдрөө учран золгож, шинэ жилээ хөгжилтэй угтацгаая, залуус аа!

Thursday, December 14, 2006

Сагсан бөмбөгийн аварга шалгаруулах тэмцээний зар

Тэмцээний зар
Хэзээ: 2006 оны 12 сарын 23 (Бямба)
Өглөө 9 цагт
Хаана: Токио хот Нэрима дүүрэг Хикаригаокагийн 2-р дунд сургууль
(
練馬区立光が丘第二中学校体育館)


Газрын зураг дээр хулганаараа товшвол томорч харагдана.

Тэмцээний хөтөлбөр

9:00 Бие халаалт

9:30 Багуудын бүртгэл дуусч, тэмцээний оноолтыг гаргана

10:00 Нээлт (төрийн дуулал)
10:10 Багуудын танилцуулга


10:30 Хэсгийн тоглолт
Ойролцоогоор 10-н баг орно гэж тооцоолъё. 2 хэсэгт хуваагаад тойргоор тоглуулна. Гэж тооцвол хамгийн хурдандаа 10 тоглолт х 13
(5 мин х 2 тал + 3 мин бие халаалт)мин = 2 цаг 10 мин.
Зааланд хоёр талд хэсгийн тоглолтууд зэрэг явагдах.

14:00 Чөлөөт цаг (Холын зайн шидэлтийн тэмцээн, Өдрийн цай)
15:30 Хагас шигшээ болон шигшээ тоглолт
Хэсгээс эхний 2 баг гарч, нийтдээ 4-н баг солбиж тоглоно. Нэг хэсгээс нэгээр гарсан багтай нөгөө хэсгийн 2-оор гарсан баг тоглох.

16:00 Аварга багтай нөхөрсөг тоглолт

17:00 Шагнал гардуулах

Тэмцээний зорилго:
Сагсан бөмбөгийн тэмцээнийг зохион байгуулж байгаа гол зорилго нь үе тэнгийнхээ оюутан залуучуудтайгаа танилцаж,
хамтдаа цагаа үр бүтээлтэйгээр хөгжилдөн өнгөрүүлэхэд оршиж буй. Сагсан бөмбөгийн тэмцээнийг үзэж сонирхож
найзуудыгаа дэмжихээр ирж буй, болон өөрөө оролцож тоглохоор болсон залуусынхаа
хооронд нөхөрсөг харилцаа үүсгэж бие биеэ улам дотно таних.

Тэмцээний дүрэм
1. Багуудыг бүртгэж авах. Багууд мэдүүлгийн маягтанд багийн нэр болон багийн тоглогчдыг танилцуулж бичих үүрэгтэй.
Баг болон орох хангалттай тамирчингүй тоглогчид тухайн өдөр зохион байгуулагчдад хандаж багтаа тоглогч авах хүсэлтэйгээ
нийтэд зарлуулж болно.
Баг бүр (хэдэн тоглогчтойгоосоо үл хамааран ) бүртгүүлэхдээ ¥5000-ийг зохион байгуулагчдад хураалгаж тэмцээнд оролцох эрхээ авах.
Энэхүү хураамж нь тэмцээний шагналын сан болно. Бүртгэл 9.30 хүртэл явагдана.

2.
10:00 цагаас тэмцээнийг нээж эхний тоглолтууд явагдаж эхлэх.
Тэмцээний нээлтийн ажиллагаа нь нийт баг тамирчид талбай дээр жагсаж, Монгол улсын төрийн дуулал
эгшиглэснээр албан ёсоор эхэлнэ. Түүний дараагаар багуудын танилцуулгыг багийн ахлагч хийнэ.


3. Багуудыг сугалаагаар 2- хэсэгт хуваана. Хэсэг бүрт, багууд хоорондоо тойргоор тоглоно.
Хожлын онооны эрэмбээр нь хэсэг бүрээс 2 баг, нийтдээ 4 баг хагас шигшээ тоглолтонд оролцох эрхтэй болно.

4. Хагас шигшээ тоглолт хасагдах журмаар явагдана. Гэхдээ хагас шигшээд нэг хэсгийн 2 баг хоорондоо таарч тоглохгүй байх.

5. Хэсгээс дараах байдлаар багуудыг шалгаруулан хагас шигшээ тоглолтонд оролцуулах

  • Багуудын хожлын тоог үндэслэн нэг хэсгээс 2 баг
  • 2 багийн хожлын тоо тэнцсэн тохиолдолд аль нь хожсон болохыг харгалзан, хожсон баг нь цаашид тоглох
  • 2 буюу түүнээс дээш багийн оноо тэнцсэн тохиолдолд оноо тоолно.

Жич:Энэ нь нэг хэсэгт хэдэн баг орсноос хамааран өөрчлөгдөх боломжтой.

6. Хагас шигшээгээс шалгарсан 2 баг шигшээ тоглолтод оролцоно.
Шигшээ тоглолтонд хожсон баг 2006 оны сагсан бөмбөгийн тэмцээний аваргаар тодорно.

7. Тоглолтын цаг
Тоглолт бүр талдаа 5 мин-аар 2 үе тоглоно. Бие халаалтыг өмнөх багуудийн тоглолт дууссанаас хойш 3 минутын дотор хийх.
Time out болон торгуулийн шидэлтийн үед л зөвхөн цагийг зогсооно.

Жич:Хэсгийн тоглолтын үед торгуулийн шидэлт хийлгэхгүй болно.Алдаа гарсан үед эсрэг багт бөмбөгийг шилжүүлж тоглолтыг цааш үргэлжлүүлнэ.

8. Тэмцээний шүүгч
Баг бүрээс тэмцээний шүүгч нэг хүнийг сонгон гаргах. Шүүгч өөрийн багийн тоглолтыг шүүхгүй.
Нэг тоглолтыг 2 шүүгчтэйгээр явуулна. Тоглолт зөвхөн шүүгчийн шийдвэрээс хамаарах тул
ХАРИУЦЛАГАТАЙ, МЭДЛЭГТЭЙ хүнээ шүүгчээр томилно уу .
Шүүгчийн хөдөлмөрийг үнэлж хамгийн САЙН, ШУДАРГА, ҮНЭН ЗӨВ шүүсэн 1 шүүгчийг “Шилдэг шүүгч”-ээр шалгаруулна .

9. Шилдэг шүүгч шалгаруулах
Шүүгчийн хөдөлмөрийг үнэлэх үүднээс зөвхөн багуудын саналыг үндэслэн “Шилдэг шүүгч”-г (1 хүн) шалгаруулна.
Багуудад тараан өгсөн санал асуулгын хуудсанд “Шилдэг шүүгч” 1 хүнийг сонгон нэрийг нь бичнэ үү .

10. Шагнал.
Тэмцээнээс тэргүүн байр 1,
Хоёрдугаар байр тус тус нэгийг шалгаруулна.

Тэргүүн байрыг "Шилжин явах цом", баярын бичиг, шагналын сангийн 3/6 мөнгөн шагналаар шагнана.
Хоёрдугаар байрыг баярын бичиг, шагналын сангийн 2/6 мөнгөн шагналаар шагнана.
Шилдэг шүүгчийг баярын бичиг, шагналын сангийн 1/6 мөнгөн шагналаар шагнана.


Жич: Бүх баярын бичгийг хэвлэх зардлыг тухайн шагналын сангаас гаргах.

Холын зайн шидэлтийн тэмцээн

Хэсгийн тоглолтын дараа, тэмцээнийг хөгжилтэй, сонирхолтой болгох үүднээс холын зайн шидэлтийн тэмцээнийг зохионо.

Эрэгтэй эмэгтэй хүйс харгалзалгүй, тоглогчид болон хөгжөөн дэмжигчдээс оролцох эрхтэй болно. Оролцогчдын тоонд хязгаар тавихгүй.

Оролцогч болгон уг тэмцээний шагналын фонд болгож ¥500-г зохион байгуулагчдад хураалгана.

Түрүүлсэн 1 хүнд баярын бичиг, мөнгөн шагнал өгөх.

Холын зайн шидэлтийн тэмцээн дүрэм:

1.Эхний үед, оролцогч бүр тогтоосон 1 байрлалаас 2 удаа, (нийт 5 байрлал) нийтдээ 10 удаа шидэлт хийнэ.

2.Оролцогч бүр нийт шидэлтийг 1.00 минутад багтааж шидэх. Хугацаандаа амжаагүй шидэлтийг хүчингүйд тооцох.

2.Нэг оролтыг нэг оноо гэж тооцно.

3.Нийт оролцогчдоос онооны эрэмбээр эхний 3 хүн, холын зайн шидэлтийн шувтаргын тоглолтонд оролцох эрхтэй болно.

4.Шувтаргын тоглолтонд оролцогч 3 хүн, дахин 10 удаа шидэлт гүйцэтгэж хамгийн их оноотой нь уг тэмцээний аваргаар шалгарна.

5.Шаардлагатай бол оноо тэнцсэн тоглогчид нэмэлт 3 шидэлт хийж, хайнаагаа салгана.

Анхааруулга:

  1. Японы хуулиар дунд сургууль дээр архи, тамхи хэрэглэх нь хориотой тул, тамхийг зөвхөн тусгай заагдсан газар татах,
  2. Согтууруулах ундаа хэрэглэхгүй байх.

2.Тэмцээний зааланд гадуур өмсдөг гуталтай орохгүй байх. Боломжтой бол гэрээсээ дулаан улавчаа бариад ирж ч болно.

3.Тэмцээнд оролцогчид эхлэх цагаас хоцрохгүй байх хэрэгтэй.

4.Тэмцээн эхэлсэнээс хойш талбай дээр эсрэг баг, хөгжөөн дэмжигчдээ хүндэтгэн аль болох хоцрохгүй байх

5.Хоцорсон тохиолдолд 3 минутаас илүү хүлээхгүй бөгөөд эсрэг багт хожлыг өгөх.

Мэдүүлэг
Дээрхийг сайтар уншиж танилцсаны үндсэн дээр, зөвшөөрч байвал доорхи хаяг, утсаар багийн урьдчилсан мэдүүлгээ өгнө үү.
Утас: 080-5335-1028

и-мэйл: mongoltug at gmail dot com
Хүндэтгэсэн Тэмцээнийг зохион байгуулах хороо
Япон дахь Монгол Оюутны Холбоо

Monday, December 11, 2006

Оюутны шинэ жил


2006 оноо үдэж, 2007 онтойгоо золгох мөч хаяанд ирлээ. Шинэ жил ойртон хаа сайгүй гацуур модод чимэглэлээ зүүж, хүн болгоны сэтгэл гэгэлзэн баярын хувцсаа сэм сэмхэн бэлдэж байгаа нь ойлгомжтой биз.
Эх орноосоо хол байгаа бид нэгэн үдшийг нутаг нэгт оюутан залуустайгаа, өвлийн өвгөнтэйгээ хамтдаа өнгөрөөж, найзын хүрээгээ тэлж, шинэ оноо эрч хүч дүүрэн угтан авах боломжийг олгох Оюутны шинэ жилд оюутан та бүхнийг урьж байна.
Орчлон ертөнцийн эргэлтээр
Он оны зааг дээр
Учралт анд нөхөд та нартайгаа
Уулзан золгохын ерөөл тавья

Зохион байгуулах болсон зорилго:
1. Оюутнуудыг хооронд нь танилцуулах
2. ЯМОХ-ын үйл ажиллагааг танилцуулах, гишүүн элсүүлэх

Оролцох хүсэлтэй хүмүүс 12.16-ны дотор gereru at gmail dot com хаягаар холбоо барьж бүртгүүлнэ үү.

Хэзээ : 12.27-ны өдөр
Хэдэн цагаас: 17.00-21.00
Хаана: 3 газар хэлэлцэгдэж байгаа бөгөөд одоохондоо тодорхойгүй байгаа. Эцэслэн тогтохоор нь дахин мэдэгдэх болно.
Тах: 3000 эн. 16-ний дотор бүртгүүлсэн тохиолдолд 10%-ийн хөнгөлөлттэй.
Зохион байгуулах комисс-оос
тавих шаардлага: Оролцогч бүр ёслолын хувцастай оролцох

ps :Байршил болон баярын хөтөлбөрийг тодорхой болсон үед дахин мэдээлэх болно.

Шинэ жил зохион байгуулах комисс
Япон дахь Монгол оюутны холбоо

Tuesday, November 28, 2006

Монголын Эко Форум 3 дахь удаагаа боллоо


"Монголын Эко Форум" гэж Монголын байгаль орчин, экологийн талаар хамтдаа суралцаж, хэлэлцье гэсэн уулзалт 11-р сарын 25-нд 3 дахь удаагаа боллоо. Энэ удаад Монгол улсын элчин сайдын яаманд нийт 80 гаруй хүн оролцлоо. Монгол, япон хүмүүс хамтдаа Монголын байгаль орчин, цаг агаарын талаар эхлээд илтгэлүүдийг сонсож дараагаар эдгээрийн талаар харилцан санал бодлоо солилцлоо.

Энэ удаад нийт гурван илтгэгч хүрэлцэн ирж, тус тусын судалгааны талаар танилцууллаа. Юун түрүүнд салхийг хагалж Японы цаг уурын газрын М.Миками гуай "Зүүн хойд Ази дахь тоосны үүсэл" сэдвээр ярилаа.
「北東アジアの地表面条件とダストの発生について」 三上 正男 (国土交通省気象庁気象研究所環境・応用気象研究部第二研究室長)
Түүний дараа мөн япон судлаач Киотогийн их сургуулийн багш Т.Нагата Туул голын усны цэвэршлийг Монгол судлаачидтай хамт судалсан талаараа сонирхолтой мэдээллүүд хүргэлээ.
「ウランバートル市内ツール川の水質と水循環について」永田 俊 (京都大学生態学研究センター教授)
Япон судлаачдын илтгэлээс дутахгүй сонирхолтой, мэдээлэл өгсөн илтгэлийг Киотогийн Их сургуулийн хуулийн ухааны судлалын П.Наранбаяр тавилаа. Тэрбээр Монголын Байгаль орчны яаманд ажиллаж байсан туршлаган дээрээ тулгуурлан японы бусад яамдуудтай харицуулсан судалгаагаа танилцууллаа.
「モンゴルにおける環境行政の現況報告-中央省庁を中心に-」
ナランバヤル, P. (京都大学法学研究科)
Эдгээр илтгэлийн дараагаар нийт сонсогчидынхоо дунд хэлэлцүүлэг боллоо. Япон улсад сурч байгаа оюутнуудаас мөн оролцсон ажээ. Эцэст нь цааш цаашдын хэлэлцүүлэгт оюутнууддаа идэвхтэй оролцож ахмадуудтай үзэл бодлоо солилцох завшааныг бүү алдаасай гэж хэлмээр байна.

Tuesday, November 21, 2006

11.23-нд цахим уулзацгаая

Бүгдэд нь оройн мэнд!

11 сарын 23-ны орой 9 цагаас 10:30-ийн хооронд аль болох зав гаргаж ЯМОХ-ын цахим уулзалтанд (Yahoo Messengeriin Conference) оролцохыг урьж байна.

Энэ удаагийн цахим уулзалтаар бүх оюутнуудтайгаа уулзаж (Ямохын төлөө санаа тавьж явдаг хэн бүхэнд нээлттэй учир бүгд оролцоорой)

Уулзалтын хөтөлбөр
1. Эхний 40 минутанд 2006-2007 оны хичээлийн жилд ЯМОХ-оос зохион байгуулах арга хэмжээ болон Ямохын цаашдын үйл ажиллагааны талаар нээлттэй санал солилцоё. Шинэ санаа оноо авч, хэрэгуүүлж болох арга хэмжээний жагсаалтыг үүсгэх юм. Санаа оноо байвал дэвшүүлэх замаар жагсаалтаа хийх.

2. Манай оюутнууд дундаас бие биенээсээ суралцая уриан дор, юун түрүүнд компьютер дээр "Криллээр бичиж сурцгаая!" гэсэн арга хэмжээг зохиох санал гарсан. Үүнийг хэзээ яаж, ямар арга замаар хэрэгжүүлэх вэ гэдгийг хэлэлцэх.

3. Сүүлд нь Шинэ Удирдах Зөвлөл нь албан ёсоор өмнөх удирдах зөвлөлөөсөө албан бичиг, тамга тэмдэгээ хүлээж авах өдөр буюу дараагийн Ямохын уулзалтыг товлох.

"Дараагийн уулзалтан дээрээ ажлаа хүлээлцсэний дараа бүгдээрээ Оюутнуудынхаа шинэ жил болон сагсан бөмбөгийн тэмцээнийг зохион байгуулах талаар ярилцах."

Эцэст нь нэмж бичихэд Японд сурч байгаа бүх л оюутан Ямох-ын гишүүд болохоор та нар минь Ямохын үйл ажиллагаанд идэвхтэй оролцож, бүгдийг хамтран хийцгээе.
За пүрэв гаригийн 9 цагаас уулзацгаая.

Жич: Энэхүү цахим уулзалтыг 7 хоног бүрийн пүрэв гаригт орой 9-н цагаас тогтмол хийж байхаар тохирсон байгаа болно.

Тугаа
(Yahoo ID: tug_m83)

Monday, November 20, 2006

Удирдах зөвлөлийн бүрэлдэхүүн шинэчлэгдэв

Нэг жил амжилттай ажилласан, ЯМОХ-ын түүхэн дэх анхны удирдах зөвлөлийн бүрэлдэхүүн 18-ны сонгуулиар шинэчлэгдлээ. Шинэ бүрэлдэхүүн (цагаан толгойн дарааллаар):

Д.Батдэрэм (Хитоцүбаши Их Сургууль, 3-р курс)
Ж.Болдмаа (Токиогийн Их Сургууль, 1-р курс)
С.Дашцэрэн (Токиогийн Их Сургууль, 2-р курс)
Г.Золзаяа (Чиба Их Сургууль, 2-р курс)
Х.Зоригт (Хитоцүбаши Их Сургууль, 3-р курс)
Б.Мөнхтуг (Чиба Их Сургууль, 2-р курс)
Т.Номиндарь (Чиба Их Сургууль, 2-р курс)
Г.Суурь (Ёкохама Улсын Их Сургууль, 3-р курс)
Т.Түвшингэрэл (Олон Улсын Аялал Жуулчлалын Мэргэжлийн Сургууль, 1-р курс)

Удирдах зөвлөлийн гишүүд хэлэлцээд Б.Мөнхтугийг ЯМОХ-ын тэргүүнээр сонгосон болно.

Шинэ удирдах зөвлөл маань амжилттай ажиллан, улам олон ажлуудыг амжуулан, үйл ажиллагаагаа өргөжин тэлэх болтугай.

Tuesday, November 07, 2006

11-н сарын 18-нд шинэ удирдах зөвлөлийн сонгуульд урьж байна

11-н сарын 5-ны өдөр болсон хурлаар 11-н сарын 18-нд албан ёсоор дараагийн удирдах зөвлөлийн сонгуулийг явуулахаар боллоо. Тус сонгуульд бүх оюутнууд нээлттэй оролцох эрхтэй ба идэвхтэй гэж боддог найзаа тодорхойлж болох юм. Тэгэхдээ энэ линкэн дэх асуултууданд хариулан yamokh-owner@yahoogroups.jp гэсэн хаягаар хавсаргаж ирүүлнэ үү. Үндсэндээ тэр 11-н сарын 17-ны дотор хүртэл илгээж болох ч, хэвлэх ажил бий тул 16-ны дотор ирүүлэхийг хүсье.

Дашрамд дурьдахад, энэ жил оюутны холбоо (ЯМОХ) байгуулагдсаны 10-н жилийн ой болж буй бөгөөд тус 5-ны өдөр одоогийн удирдах зөвлөл нь ажлаа хүлээж аваад 1 жил 6-гаа дахь өдөр байлаа.

Монгол Эко-форум

Энэ жилийн 4-р сард шаваа тавьсан Монгол эко-форум гурав дахь удаагийн симпозиумтайгаа золгох гэж байна. Энэ удаагийн симпозиум нь Япон улс дахь Монголын Элчин сайдын яаманд 11-р сарын 25-нд 13 цагаасзохиогдох гэж байна. Симпозиумын дараа босоо хүлээн авалттай бөгөөд уг арга хэмжээнд оролцоход 1000 йен, хүлээн авалтад оролцох бол 3000 йен (оюутнууд 2000 йен) болно. Энэ удаа жижигхэн газар зохиогдож буй тул хүний тоо хязгаартай юм байна. Та эх орныхоо байгаль орчинд санаа тавьж явдаг бол энэ арга хэмжээнд заавал оролцоорой. Дэлгэрэнгүйг доорх японоор бичсэн хэсгээс уншина уу.

モンゴル国建国800周記念事業
「第3回モンゴルの環境は今-環境問題の最前線-」


主 催:モンゴルエコフォーラム(MEF)
共 催:駐日モンゴル国大使館、国際連合大学ゼロエミッションフォーラム、びわ湖・フブスグル湖交流協会
後 援:モンゴル国外務省、モンゴル国環境省、日本国環境省、外務省、農林水産省、通商経済産業省、国土交通省、独立行政法人 国際協力機構、独立行政法人環境再生機構 地球環境基金、独立行政法人 緑資源機構、社団法人日本水環境学会、社団法人環境科学会、環境アセスメント学会、日本生態学会、日本草地学会、建国800年記念実行委員会、日本モンゴル親善協会、その他(申請中を含む)
ご案内:
   「モンゴルエコフォーラム(MEF)」はモンゴルの環境に関心をよせている多方面の方々と自然環境、人文社会科学の研究者が集まり、モンゴルの環境情報を日本国内のみならず現地へ発信・還流することを目的の一つとして発足した団体です。「モンゴルの環境は今」シリーズは2005年5月の第1回から会を重ね、第3回を下記のプログラムで開催いたしますので、是非、ご参加くださいますようにご案内をいたします。

日 時:
 2006年11月25日(土)13:10~17:30(閉会後レセプション)
場 所: 駐日モンゴル大使館 (東京都渋谷区神山町21-4:渋谷駅徒歩10分)
会 費: 資料代1000円 (会員は無料) 尚、レセプション参加費3000円(学生:2000円)
言 語: 日本語、モンゴル語(一部逐次通訳)
プログラム
12:30  開 場 (受付開始)
13:10  来賓ご挨拶 (ジグジッド大使、環境省、外務省:調整中)
13:30  基調講演  「いまモンゴルの環境問題対応になにが必要」
                                        吉良 竜夫 (モンゴルエコフォーラム会長)
14:00  「北東アジアの地表面条件とダストの発生について」
               三上 正男 (国土交通省気象庁気象研究所環境・応用気象研究部第二研究室長)
14:40  「ウランバートル市内ツール川の水質と水循環について」(仮題)
                                     永田 俊 (京都大学生態学研究センター教授)
15:20  (休 憩)  
15:40  「モンゴルにおける環境行政の現況報告-中央省庁を中心に-」
ナランバヤル, P. (京都大学法学研究科)
16:20  全体討議 「モンゴルでの環境調査・研究を現場で活かすには」
                                鈴木 基之 (モンゴルエコフォーラム副会長)
17:30  閉 会 (閉会後レセプション) 
 
申し込み先:
氏名(ローマ字併記)、所属、連絡先(住所、E-mail、電話・FAX番号)を記載の上、11月18日までに下記へお申し込みください(会場の都合により先着順とさせていただきます)
モンゴルエコフォーラム事務局(〒150-0044 東京都渋谷区円山町5-3玉川屋ビル4階)
E-mail : michikon@mx.biwa.ne.jp   FAX : 03-5456-9185

Sunday, October 29, 2006

Такао ууланд гарцгаая!

10 сар дуусч нэгэнтээ намар
болжээ. Бас навчис биднийг дуудна...

11-н сарын 4-нд 12 цагт Такаосангүчи
буудал (高尾山口駅) цуглаад, цаашаа ууланд
гарья.

Нийт 6-н зам байгаагаас тэр өдрөө аль зам
гэдгээ бүгдээрээ шийдье. Гэхдээ 4, 6 гэсэн
2 зам их таалагдсан.

Бороо орвол энэ өдөр явахгүй.

Tuesday, October 24, 2006

Оюутнуудаараа цуглацгаая

Японд сурч буй оюутнуудын нээлттэй уулзалт 11-н сарын 5-нд 14-н цагт элчин сайдын яаман дээр болох гэж байна. Бүх оюутнуудыг оролцохыг урьж байна.

Тус өдөр ямохын тайлан болон цаашдын төлөвлөгөөг танилцуулсны дараагаар,
уламжлалт арга хэмжээ болон шинэ ажлын талаарх чөлөөт цаг гарах юм. Тус шинэ ажил гэдэг нь японд сурч байгаа оюутнууд өөрсдийн өдөр тутмын бодож явдаг зүйл болон, тулгамдсан асуудлаа хуваалцахад чиглэгдсэн байх болно. Тэгснээр бид цаашдаа юу хамтдаа юу хийж чадах вэ гэдэг талаараа ярилцан, үйл ажиллагаандаа тусгах боломжтой болох юм аа.

Мөн өөрийн саналаа бидэнд урьдчилан бичгээр ирүүлбэл тус өдрийн хөтөлбөрт тусгах боломжтой болно.


ИС-уудын өдөрлөгүүд

Японы ИС-уудын оюутнууд бие даан зохион байгуулдаг өдөрлөгүүдийн улирал яг өдийгөөр эд болдог билээ. Оюутнууд нийлж өөрсдийнхөө хичээллэдэг спорт, соёлын клубээ танилцуулах нэг талбар юм. Тэднийг үзэхээр бусад оюутнууд болон найз нөхөд нь, мөн ойр хавийн оршин суугчид олноор ирдэг тухайн орон нутгийнхаа томоохон үйл явдал гэсэн ч хилсдэхгүй байх аа.
Ингээд манай монгол оюутнууд суралцдаг их сургуулиудын өдөрлөгүүдийг танилцуулья.

11-н сарын 6-10 Ази Номхон Далайн Рицүмэйкан ИС "Монголын долоо хоног"
11-н сарын 11, 12 Батлан хамгаалахын ИС


Өөрийнхөө сургуулийн баярыг танилцуулахыг хүсвэл batderem at gmail.com руу мэйл илгээнэ үү.

Wednesday, October 18, 2006

ОУ-ын оюутнуудтай ширээний теннисээр өрсөлдөцгөөе!


Энэ сарын 22(Ням)-ний өдөр олон улсын оюутнуудын дунд ширээний теннисний тэмцээн Комаба хотхонд болох гэж байна. Тэмцээний дэлгэрэнгүй мэдээллийг энд дарж сонирхоно уу. Мөн тус тэмцээн нь багийн тэмцээн тул, найзуудаа уриалан багаа бүрдүүлж мэдүүлгээ өгөхөө мартуузай.

Япон улсад суралцаж буй гадаад оюутнуудын дунд ийм арга хэмжээ зохион байгуулж буй "Гадаад оюутнуудтай спортын холбоо" нь цааш цаашдаа ч бас тэмцээн уралдаан олныг зохиох тул өргөнөөр оролцоорой гэж бидэнд захиа ирүүлсэн байлаа. Тус холбооны тэргүүн нь мэргэжлийн дугуйн спортын тамирчин байсан бөгөөд, гадаадад зохиогддог олон улсын тэмцээнүүдэд уралдаж байхдаа эх нутгаасаа хол тэмцээн уралдаанд орохын хүнд бэрхийг биеэрээ амссан гэдэг. Тэрээр удалгүй зодог тайлсныхаа дараа японд сурч буй оюутнуудыг дэмжих гэж энэ үйл ажиллагаагаа эхэлжээ. Дэлгэрэнгүйг эндээс уншина уу.

Tuesday, October 10, 2006

Ээлжит "Хорхогны баяр" болох нь

Жил бүр Япон Монголын Соёлын харилцааны нийгэмлэг (日本・モンゴル文化促進協会) -ээс
зохион байгуулдаг 「モンゴルヒツジ(ホルホグ)パーテイ」-Хонины баяр энэ жил 11-н сарын 12-нд болох гэж байна. Энэ өдрийн хөтөлбөр бол одоогийн байдлаар хоёр хонь гаргаж хорхог хийж идэх төлөвлөгөөтөй байгаа гэж бидэнд ирүүлсэн мэйлэндээ дурьдсан байлаа. Хонь гаргаж чаддаг залуус байвал бас энэ чадвараараа японд гайхуулах боломж бас гарч байна.

Тус японд амьдарч байгаа монголчууд болон япончуудтай хамтаараа хорхог хийж иддэг өдөрлөгийг голлон зохион байгуулагч нь монголд элэгтэй Танака гэдэг япон хүн байдаг бөгөөд манай "Хаврын баяр"-ыг маань их дэмждэг нэгэн билээ.

Хэзээ: 11-н сарын 12 (Ням) Өглөө 10-н цагаас эхэлнэ. (Ойролцоогоор 5-н цагт тарна.)
Хаана: 神奈川県清川村の山小屋
Яаж очих вэ: 小田急線本厚木駅より神奈中バス(宮が瀬あるいは上煤が谷行)で煤が谷
停留所下車、徒歩15分ぐらい (Буугаад хаашаа явахыг заасан цаас байна байх.)
Хэд вэ: Монгол оюутан бол 500円, бусад 3000円




Saturday, September 30, 2006

Шинэ хичээлийн улирал эхэллээ

Зуны амралт дуусч оюутнууд эрч хүч дүүрнээр сурлага, спортдоо шамдах гэж байгаа байх аа.
Блог маань ч бас хэсэг хугацаанд хөл хөдөлгөөн багатай байсан ч, шинэ улирал эхэлсэнтэй холбогдуулан дахин шинэ мэдээллээр дүүрэн бичлэгүүдийг оюутнууддаа хүргэх болно. Энэ 10 сар бол бас эргэн нэг харвал шинэ Удирдах Зөвлөл маань яг нэг жилийг ардаа орхиж, залгамж халаа үедээ хийсэн ажлуудаа тайлагнах ач холбогдолтой нэгэн мөчлөг тохиож байна аа.

Жил бүр уламжлал болон зохион байгуулагдаж ирсэн арга хэмжээнүүдийн бэлтгэл зэрэг биднийг хүлээж байгаа билээ. Тиймд спорт тэмцээн зохион байгуулж оролцох дуртай мөн судалж сурч байгаа салбарын мэдлэгийг хуваалцаж, тайлагная гэсэн оюутнуудтайгаа бид дуртайя мэдээллээ хуваалцаж хамтрах болно оо.

Мөн бусад оюутнуудтайгаа байнгын холбоотой байж чөлөөт цагаа шинэ соргог үйл явдал, дадлага туршлагаар дүүрэн өнгөрөөе гэсэн оюутнуудаа бид холбооныхоо гүйцэтгэх багтаа урьж байгаа болохыг мэдээллэхийг хүслээ. Бидний энэ жилийн төлөвлөгөөг эндээс харна уу.

Энэ жилийн маань үлдэж байгаа сарууд бидэнд эрдэм мэдлэг, сурч мэдсэн зүйлээр арвин байг.

Sunday, August 13, 2006

Зуны амралт

4-н сард эхэлсэн энэ жилийн хичээлийн эхний улирал дуусч амралт эхэллээ. Миний хувьд хичээлийн семинаараараа орон нутаг руу яваад ирлээ. Бас харих замаараа японд ирээд хэлний бэлтгэл хийсэн сургуулиараа бас дайрлаа.

Ер нь амралтаа оюутнууд маань янз бүрээр өнгөрөөж байгаа байх. Урлаг, спортын клуб секцэндээ хичээл амраад төвлөрөх боломжтой болж байгаа нэг нь байвал, амьдрал дээр гарах эхний алхамаа эрэлхийлж ажлын газар дадлага хийж "интаан"-д хүчээ сорьж байгаа нь бас бий. Их сургуульд ороод оюутан насаа дурсамжаар дүүрэн өнгөрөөх гэж амралт, аялал, цугларалт бас хийж байгаа байх аа.

Тухай бүртээ амралтаа яаж өнгөрөөлөө ч, аль аль нь ирээдүйн төлөө буй заа. Дараагийн шинэ улирал, шинэ хүсэл, шинэ зорилгод тань амжилт хүсье.

Thursday, June 22, 2006

Амонг гэж оюутнуудын сүлжээ мөн үү?


Энэ удаагийн бичлэгээрээ хэд хэдэн хүнээс хүсэлт авсаныхаа дагуу, "Амонг" -н талаар товч танилцуулга бичье.

Үнэхээр маш товчхон тул түүний баялаг түүхийн талаар дурьдахгүй өнгөрч буйдаа сэнпай нараасаа уучлал гуйя. Энэ хамт олныг бий болгоход хувь нэмэр оруулсан хүмүүсийн талаар дурьдалгүй өнгөрч буй даа.

Амонг нь анх Япон улсад сурдаг Монгол оюутнуудын мэдээлэл солилцож, бие биенээ дэмжих зорилгоор үүсэн бий болсон интернэт дэх цахим захианы сан болон сүлжээ юм. Дан ганц монголчууд биш монголчуудад туслая гэсэн сэтгэл өвөрлөсөн хүмүүс ч бас хэрэгтэй мэдээлэл болон зарыг тараадаг байв.

Бас нэг онцлог нь нээгдсэн үеээсээ дан ганц япон доторх харилцаа холбоо биш төрөлх эх орон монгол руу чиглэсэн олон арга хэмжээг дэмжин, бас голлон ажиллаж ирсэн.

Улмаар "японд амьдрагч монголчуудын мэйлинг лист" болон хувирсан юм. Үүний шалтгаан гэвэл их дээд болон мэргэжлийн сургуульд суралцаж байсан оюутнуудын статус нь оюутан байхаа больсон хэдий ч тэдний бие биетэйгээ харилцаж, ганцаардсан нэгнийгээ түших сэтгэл нь хэвээрээ байсан учраас юм.

Нэг ёсондоо бүгдэд нээлттэй мэдээллийн сан болж үйл ажиллагаа нь өргөн хүрээнд ашиг тусаа өгч эхэлсэн гэсэн үг юм. Нөгөө талаар бас мэдээллийн үнэн бат байдал, бас бие биенээ хүндэтгэж харьцах, сахил дэг гэсэн бодит нийгэм дээр байдагтай адил асуудлууд ч бийг нуух юун.

Та хэрэв сонирхвол өөрөө www.http://groups.yahoo.co.jp/group/among/ руу орж үзээд миний болхи тайлбараас илүүтэйгээр ойлгоно биз ээ.


* hayagaa nemehdee oruulah gej bui hayagnaas among-subscribe@yahoogroups.jp ruu hooson mail ilgeene.
* hayagaa hasah huseltei bol among-unsubscribe@yahoogroups.jp ruu uuriin hayagnaas hooson mail ilgeene. irsen hariug batalgaajuulj replay hiisneer ML nees buren chuluuulugdunu.
* niited handsan mailiig: among@yahoogroups.jp ruu ilgeene uu.

Wednesday, June 21, 2006

Давхар давхар баярт мэдээ

6 сарын 17-нд Япон дахь Монгол Элчин сайдын яам маань энэ жилийн Хаврын баяраа амжилттай зохион байгуулсан ЯМОХ-н удирдлага, гишүүдийг хамтран ажилласан япон нөхдийнх нь хамт хүлээж авсан билээ.

Хүлээн авалтанд Япон улсад Монголын хэргийг түр хамаарагч Жигжид гуай хүрэлцэн ирж, Япон дахь Монголын соёл, түүхийг сурталчлах үйл ажиллагаанд оруулсан хувь нэмрийг нь үнэлж цөөн тооны байгууллага, хувь хүмүүст талархалын бичиг гардуулсан юм. Түүний дотор ЯМОХ маань байсан бөгөөд анх удаа талархалын бичиг хүлээн авлаа. Миний хувьд лав үнэхээр тэгнэ гэж бодоогүй байсан болохоор маш их сэтгэл хөдөлсөн юм байна. Баярт мэдээ биздээ. Дэрэмээ маань удахгүй "Талархалын бичиг"-н зургийг блогтоо тавих болов уу гэж бодож байна.

Мөн элчин сайдын хэргийг түр хамаарагч Жигжид гуай оюутнуудад хувьчлан ярьсан ярианаас та бүхэнд сонирхуулвал:
" Монгол оюутнууд маань Японы их дээд сургуульд суралцаж төгсөөд цаашлан Японы пүүс компаниудад ажилд орох нь тун зүйтэй хэрэг юм. Өдийг хүртэл оюутнууд маань биеэ дааж өөрсдийнхөө чадлаар ажилд орох нь их байсан. Элчин сайдын яам нь харилцагчдын хүрээ өргөнтэй, итгэл бүхий газруудтай харилцдаг бөгөөд зарим үед харилцагчидаас маань шинэ ажилтаны хүсэлт ирэх тохиолдол хүртэл байдаг. Гэвч бидэнд бэлэн мэдээлэл байдаггүйгээс болж ихэвчлэн тухайн сайхан боломжыг алддаг. Тиймээс Японд их дээд сургуулийг төгсөж, цаашдаа ажиллахаар бодож байгаа оютнуудын мэдээлэл бүрдүүлэх нь чухал юм" гэж ярилаа.


Энэ удаагийн Оюутны холбоо маань ажлаа хүлээж авахдаа өмнөө тавьсан нэг том зорилго маань "Японд суралцагч оюутнуудын бүртгэл"-г хийх байсан билээ.
Элчин сайдын яам маань хүртэл дэмжиж сайшааж байгаа юм чинь энэхүү зорилгоо биелүүлэхэд нэг алхам урагшиллаа гэсэн үг юм. Бас дахин баярлууштай зүйл сонссон минь энэ байлаа.

Нагояад монголын консул үйл ажиллагаагаа эхэллээ


Нагояад монгол улсын консулын газар шинээр нээгдлээ. Өргөмжлөгдсөн
консул Айчи, Гифү, Нагано, Шизүокагийн хэргийг мөн хариуцах аж.

Консул Фүкүда Коозо монголын хойч үе болсон оюутан залуучуудыг
дэмжиж ажиллана гэнэ. Тухайлан боловсон хүч бэлтгэх ажилд бодитой
хувь нэмэр оруулсан гэгддэг ажээ.

Тиймд нийт оюутнууд болон залуучууддаа нээлттэй ажиллахаар

зорьж байна гэлээ.

Хаяг:

在名古屋モンゴル国名誉領事館
Honorary Consulate of Mongolia in Nagoya

〒460-0003 愛知県名古屋市中区錦1-1-2 材總ビル2階
電話:052-209-8377
名誉領事:福田 耕三 氏
Mr. FUKUDA Kozo

Вэб:

http://www.vuteq.co.jp/mgl/index.html


Saturday, June 17, 2006

Ямохын жилийн ажил

а. Ямохын одоо явагдаж байгаа ажлууд. (Нэмэлт болон дэлгэрэнгүй мэдээлэл хийж болно. )

- Вэб хуудасны шинэчлэл Тэмплээт болон доторх бичлэг аль алийг нь хийж байна. Нийт оюутнуудад зориулан бичлэгүүд хүлээн авч байна. Туршилтын журмаар түр нээсэн байгаа тул орж сонирхоно уу. www.yamoh.org

- Бизнесийн япон хэлний хичээлийн сургалт Оролцох сонирхолтой оюутнуудын цугаларалтаас хамаарч үргэлжлүүлэн зохион байгуулах эсэхийг шийдэх тул сонирхсон оюутнууд холбоо барина уу.

- Хаврын баярын гардан зохион байгуулах журмыг гаргах
______________________________________________________________________


б. Ямохын жилийн үйл ажиллагаанууд. (Нэмэлт болон дэлгэрэнгүй мэдээлэл хийж болно. )

4 сар: Шинээр Япон улсад суралцахаар ирж буй оюутнуудыг хүлээж авах уулзалт ажиллагаа

4 сар: Ээлжит "Урам" уулзалт. (Урам уулзалт нь тогтмол зохиогддог тул тодорхой мэдээллийг гишүүддээ цахим сүлжээгээр мэдэгдэх болно.)

4, 5 сар(Golden Week-ийн эхлэх долоо хоногын Баасан, Бямба гариг.):

"Хаврын баяр" (Хамрах хүрээ нийт Монгол Япон оюутан иргэд.)

10 сар: Нийт Япон улсад суралцагч оюутнуудын нээлттэй чуулга уулзалт (тодорхой шалтгааны улмаас цуцлагдсан)

10 сарын 6: Хаврын баярт идэвхтэй оролцсон Комазава Охидын их сургуулийн нээлттэй өдөрлөг. Үсүй семинарын хамт олонтой хамтарч монгол гэр барих. (http://www.komajo.ac.jp/uni/news/news_rindo2006.html)

11 сарын 11: Батлан хамгаалах их сургуулийн нээлттэй өдөрлөг. Монгол оюутнууд маань үндэснийхээ хоол, соёлыг танилцуулна.


12 сар: Шинэ жилийн үдэшлэг

12 сар: Сагсан бөмбөгийн тэмцээн (Нийт Япон улсад сурч ажиллаж буй монголчууд)

2 сар: Хаврын амралтаар МИАТ-аар харих оюутнуудад, "Тэнгэрээр дүүлэгч тэрэг"-т оролцохыг уриалах


Wednesday, June 14, 2006

Нис, нис!



Өнгөрсөн хагас сайн өдөр буюу 6-н сарын 10-нд Оомори Гакүэн гэдэг мэргэжлийн ахлах сургууль дээр Шри-Ланкагийн байгалийн гамшигт өртсөн иргэдэд суумгай хүний тэрэг засч илгээх арга хэмжээ болж өнгөрлөө. Оюутнуудаа төлөөлөн оролцоод ирлээ.

Тус сургуулиас өмнө нь "Тэнгэрээр дүүлэгч тэрэг" хөдөлгөөний хүрээнд манай монгол руу 2-ч удаа тэрэг явуулаад байгаа билээ.

Энэ жилийн зуны амралтаар оюутнууд маань бас тэрэг авч явах боломжтой ч монгол руу энэ жил нислэгийн тийз эрэлт бага байгаа тул авч явахад хүндрэлтэй байгаа юм.

Монголыг зорих хөлийн хөдөлгөөн намжихаар бидэнд МИАТ-ын Япон дахь төлөөлөгчийн газрын туслалцаатайгаар дахин тэрэг дайх боломж олдоно гэдэгт итгэж байна.

Thursday, June 08, 2006

Монголын Долоо Хоногийн Хөтөлбөр

 20061019

2006年

第一回モンゴル語ウィーク企画書

イベント名 「大草原の風」

目的 モンゴルの文化をAPUの学生達 と一般の日本人に紹介すること。同時に、モンゴル人学生の絆を強めること。

日程   2006年11月6日(月)―2006年11月10日()

日程スケジュール

11月6日()

12:00-13:00

APUカフェテリア

開会式、ビラ配り

11月7日()

18:30-20:30

APU F棟

モンゴルの映画上映会

11月8日() 

13:00-16:00

APUスポーツグラウンド

モンゴルスポーツデー(モンゴル相撲大会)

11月9日() 

18:30-20:30

APUミレニアムホール

舞台パフォーマンスを含んだ閉会式

()()

9:0014:00

APUカフェテリア

エスニック料理コーナーにてモンゴル料理販売

()()

10:0017:00

APUカフェテリア

モンゴル品の展示会

()()

APUF棟と言語ラウンジ

二ヶ所の掲示板にてモンゴル紹介写真や説明

閉会式舞台パフォーマンス概要予定:(順不同)

馬頭琴演奏(2人)

伝統舞踊(1人)

伝統舞踊(16人):“Naadam

伝統舞踊(6人):“Myangad

モダンダンス(4人)

モンゴル風ワルツ(12人。モンゴル国籍以外の学生達と演奏する予定)

モンゴルの歌と和太鼓のコラボレーション

伝統的な歌、ラップ、馬頭琴、ドラムのライブコラボレーション

モンゴルのポップミュージック(M-Pop)とモダンダンスのコラボレーション

ファッションショー(モンゴルの様々な民族衣装を披露):現代的と伝統的

お笑い劇

アカペラ歌:英語とモンゴル語の歌 2

モンゴル紹介映像

Saturday, May 13, 2006

“Хаврын баяр 2006”-г эргэн нэг харахад

2006 оны 5 дугаар сар 9
Бичсэн Д. Батдэрэм



Энэ жилийн Хаврын баяр маань єргєн дэлгэр сайхан болж єндєрлєлєє. Япон дахь монголчууд маань маш идэвх санаачлагатайгаар оролцсоноос гадна монгол улсаас олон алдартангууд бас хvрэлцэн ирсэн байлаа.
Япон дахь хамгийн єргєн дэлгэр баяраа зорин ирэгсэд маань сэтгэл хангалуун байсан нь лавтай биз ээ. Энэ нь яахын аргагvй баярыг зохион байгуулахад оролцогсодын санаа эх орноо таниулах гэсэн нэгэн сэтгэлийн vзvvрт зангилагдаж байсны гэрч гэлтэй. Эх орон гэдэг vг бидэнд ээж аав, элгэн нутаг, хэл соёл, урлаг тvvхээс маань єєрцгvй сонсогддог шиг бид ч бас энэ бvхнийг баяртаа шингээхийг зорьсон билээ. Морин хуурын эгшиглэнт аятай, рок хєгжмийн аяанд уярч, євгєдєєс уламжлагдсан єргєє гэрт одоогийн тухай хvvрнэсэн цоглог залуус... Энэ бvхэн “Бид эрт эдvгээгээ харж ирээдvйг зєгнєнє” баярын маань сэдэв тэр чигээрээ байсан гэлтэй.


Хvсэлт
Дараа дараагийн жилийн энэ арга хэмжээг бодож та бvхэнд нэгэн хvсэлт тавья. Ирэх жилийн хаврын баярт та бvхнээс єєрсдийнхєє хувь нэмэрийг оролцуулж єєрийнхєє сэтгэгдэлээ бичиж vлдээхийг хvсье. Yvнд,
1. Баярт оролцож тєрсєн сэтгэгдэл
2. Анзаарсан зvйлс (Ололттой бас дутагдалтай санагдсан зvйлс )
3. Баяр ерєнхийд нь хийж болмоор санагдсан шинэ санаа

P.S Дэрмээгийхээ бичсэнийг тавчихлаа. хихи Єєрєє бичихээс залхуурав...

Thursday, April 06, 2006

Havrin bayar gej chuham yunii bayar bilee?

Хаврын баяр

Сакурагийн дэлбээтэй цуг дэлбээлдэг хавар цагийг угтан баясах “Хаврын баяр” бол холын японд суугаа бидний хамтдаа наадах сайхан баяр билээ.Үе үеийн оюутнуудын хоорондоо танилцаж хөгжих, халуун нутгаа дурсан наадах, Япон андууддаа нутгаа танилцуулах халуун хүсэл шингэсэн Хаврын баяр маань өдгөө 6 дахь удаагаа тэмдэглэгдэх гэж байна.

Хаврын баярын гол зорилго нь монгол оюутан залуусын хамтын нөхөрлөлийг өргөжүүлэхийн сацуу Японы ард олонд Монгол орноо танилцуулах явдал билээ.

Хаврын баяр маань жил жилд тухайн жилийн онцлог болоод зохион байгуулагчдын хүсэл сонирхолыг тусгасан сэдэвийн дагуу явагдана. 2006 оны Хаврын баярын сэдвийг оюутны холбооны гишүүдийн саналаар

“Бид Монголын эрт эдүгээг танилцуулж ирээдүйгээ зөгнөнө”

私達がえるモンゴルの過去から今、そして未来

хэмээн тогтоод байна.

Уг сэдвийг сонгосон учир нь, юуны түрүүнд 2006 онд Их Монгол улс байгуулагдсаны 800 жилийн ой тохиосон явдал байлаа.Найман зууны хугацаанд бидний өвөг дээдэс маань ямар замналаар замнаж ирсэнийг эргэн харж, одоогоо дүгнэн, ирээдүйгээ хэрхэн цогцлуулах вэ хэмээн тунгаах нь өнөөгийн залуус бидний хувьд чухал ач холбогдолтой билээ. Мөн түүнчлэн өнөө үеийн Монголын соёл, аж амьдралын тухай Японы найз нөхөддөө танилцуулж, мэдээллийн хэрэгслийн нөлөөгөөр бий болсон явцуу төсөөллийг бага ч атугай өөрчлөе гэсэн залуус бидний хүсэл эрмэлзлэлийг энэ сэдэв маань илтгэж байгаа билээ.

2006 оны Хаврын баяраар зохиогдох арга хэмжээнүүд

1. Тайзан дээрх тоглолт, үзүүлбэрүүд

· Монгол ардын дуу, хөгжим болоод бүжиг

· Орчин үеийн дуу хөгжим : Дуучин Отгоо

2. Тайзнаас гадуурх хөтөлбөр, үзүүлэнгүүд

· “Монголын түүх соёлоос суралцъя ” хөтөлбөр: Монголын түүх соёлыг танилцуулах зорилгоор зохион байгуулагдана.

· “Монгол ардын үлгэрүүдийг сонсоцгооё” хөтөлбөр:Монгол ардын үлгэрээр дамжуулан эх нутгийнхаа ёс заншил, аж амьдралтай танилцуулах хөтөлбөр юм.

· “Монгол маркны үзэсгэлэн”: Ур билиг төгс зураачдын гараар бүтээгдсэн монголын түүхийн сэдэвт маркийг дэлгэн үзүүлнэ.

· “Монгол бичигтэй танилцах булан”:Хүмүүн бичигээ олонд танилцуулж, уран бичигтэнийг шалгаруулах тэмцээнийг зохион байгуулах болно.

· “Монгол үндэсний хувцастай танилцан, өмсөж үзэх булан”:Монгол үндэсний хувцас, түүний онцлогийг таниулах булан юм.

· “Монгол тоглоомын булан”:Монгол ардын сурган хүмүүжүүлэх ухааны томоохон хэсэг болох үндэсний тоглоомуудыг танилцуулна. Мөн энэ буланд үзэгчидийн оролцоотойгоор олс татах, шагай харвах зэрэг хөгжөөнтэй арга хэмжээнүүдийг зохиохоор төлөлвлөж байна.

· “Гэрэл зургийн үзэсгэлэн”:Монголын орны үзэсгэлэнт байгаль, аж амьдрал болоод хотын дүр төрхийг гэрэл зургаас харж танилцах боломжтой юм.

3. “Монгол үндэсний Бөхийн барилдаан”

Үндэсний бөхийн барилдааныг сумочид маань хөгжөөх бөгөөд, бөхийн чадварлаг тайлбарлагч монгол бөхийн үүслийн талаарх түүх, домгийг танилцуулана.

4. Хаврын баярын сурприс

Чингис хааны тухай шинэ киноог бүтээсэн Кадокава продакшнтай хамтарсан үзүүлбэр

Хаврын баярыг зохион байгуулагчид, оролцогчид нь

Та,Бид бүгд

Хаврын баярын хөтөлбөр, арга хэмжээнүүдийг Монгол Япон хоёр орны оюутнууд болоод Монголтой холбоо харилцаатай ажиллдаг Японы төрийн бус байгууллагын сайн дурынхан хамтран зохион байгуулдаг билээ.Оюутан залуус, Японд ажиллаж амьдардаг хэн бүхэн энэ баярт оролцох бүрэн боломжтой бөгөөд олон олон хүмүүс санаа оноогоо ирүүлж хамтран хөгжилдөх баяр болоосой гэдэг хүсэл биднийг эзэмдэн байгааг энд тэмдэглэе.Мөн Хаврын баярыг зохион байгуулах үйл ажиллагаанд оролцож хөгжөөнтөй, дурсамжтай хөтөлбөрүүдийг зохион явуулахыг уриж байна.

Хаврын баярын цахим хуудасны хаяг:

http://www.harumatsuri.net/

Бидэнтэй шууд холбогдох хаяг:

Гүйцэтгэх зөвлөл: harumatsuri-owner@yahoogroups.jp буюу

Япон дахь Монгол Оюутны Холбоо : yamokh-owner@yahoogroups.jp

Шинэ найз нөхөдтэй болж, амралтынхаа өдрийг зугаатай өнгөрүүлэхийн хамт эх нутгаа дурсахыг хүсвэл бидэнтэй холбоо бариарай.

Хаврын баяр 2006-г Зохион Байгуулах Хороо

Г.Ариунаа

Япон дахь Монгол Оюутны Холбоо

Хитоцүбаши Их Сургууль, 4-р анги

Wednesday, April 05, 2006

Mongolyn ekologyn sympozium

...Xusen xuleej ex nutag ruugaa xaringuut bidniig ugtaj avdag ni tsever agaar bx yostoi atal, odoo bol agaaryn boxirdol xotod ix xurts asuudal bolood bgaa bna. Gexdee asuudal zovxon uugeer zogsoxgui baigali orchiny asuudal olon bii. Tegeed tanid uuntei xolbootoi negen zaryg toliluulya.

>

Irex 4n saryn 8n (Byamba) Kokurendaigaku (Negdsen undesnii ix surguuli)d

Mongolyn ekologiin symposium bolno.

Yag exlex ni 12:30 bolovch zaalny zasaltand tuslaltsaj chadna gevel 9:30-d

irexiig xusye. Tegvel daraa ni bolox xuleen avaltand unegui orox yum l daa.

Xaana(Yaj ochix ve?): Omotesandoueki Kokurendaigaku guchi

Niit mongolyn odoogiin baigali orchny asuudald sanaa tavidag mongol xun bolon bidentei adil, mongolyn maani ireeduid sanaa tavidag yapon xumuusiig urij bna. Delgerengui medeelliig

http://www.biwa.ne.jp/~michikon/mef_annai.html

ees avna uu! Urilgaar oroltsoj bgaa xumuusiin dotor yapon ulsad elchingeer ajillaj bsan Batjargal guai bas bii gedgiig sanuulax shaardlagatai bx aa

Yapon xelnii xicheeliin tuxai. 電話で日本語で正しく話せますか?

Oyutnuuddaa zoriulj yapon xeleer bolovson biznesiin xeliin talaar surgalt yavuulax gej bna. NTT-d ajillaj bsan yapon mergejilteng oyutny xolboonoos urij zaalgax bolno.

Xaana Takadanobaba ekigiin Kouban saashaagaa bi daguulaad yavya. Shuud ochix buyu xotsrox xun bval deerx xaygaar olood ireerei.

Xezee 3/20(Davaa)-nii 17:45

Bi ooroo bol jaal baito xiij uzeed ene bol mash chuxal chadvar yum bna aa gedgiig oilgoson yum. Uchir ni utasny naanaas tsaad xundee ooriigoo xen boloxyg zovoor tailbarlax ni zovxon ugnees l shaltgaalax uchir l daa. Bas deerees ni xundetgesen xellegiig xerxen xereglex geed er ni xetsuu bolood irne.

Tegeed ene uyeer zavgui ch irj chadaagui xumuustee zoriulj HP deeree neg zuil tavix uchir xoishluulalshgui chuxal ajiltai xumuus sanaa amar baij bolno.

Asuuj todruulax zuil bval 080-5080-1525 ruu xolboo barina uu.

ーーーーーーーーーーーーーーーーーーーーーーーーーーーーーーーーーーーーーーーーーー
日本語訳:

皆さんこんにちは。

今日は在日モンゴル留学生会(YAMOKH)が開いている”日本語教室”について書きたいと思います。

これは外国人であれば誰もが経験したであろうことです。会話が電話になると、しかもビジネス会話つまりお客さんから業者へ、それとも業者からお客さんになると難しいことです。

ですから、それだけでなくビジネスtoビジネス会話を電話でスムーズにできる教室は第一の授業です。

先生は元NTTの社員であった難波多津子さんです。モンゴルに親しい方で、留学生に日本語指導を無料でしてくださる方です。

Thursday, March 30, 2006

Бас нэг хүүхэд тэрэгтэй боллоо


Энэ хаврын амралтаараа Цасан маань нэг хүүхдэд тэрэг аваачиж өгөөд ирлээ.
Насанбат гэдэг энэ хүүхэд багын саажилттай гэнэ ээ.

Тэгээд энэ удаад Цасанд тусалсан Баярсайхан, хамт явсан Эрдэмбат, Монголжин нартаа баярлалаа. Бас монголд тэрэг хэрэгтэй хүүхэд хамт хайлцсан Оюун-Эрдэнэд баярласнаа нийт оюутнуудынхаа өмнөөс хэлье.

Thursday, March 23, 2006

Let's go picnic

Та бүхнийг пикникт урьж байна

Хэзээ: 2006 оны 3-р сарын 26 (Ням)
Хаана: Коганэй цэцэрлэгт хүрээлэн
12:00-д JR Chuo Line, Хигаши Коганэй өртөөний хойд гарцан дээр цуглан цааш явна. (Хоцрох хүмүүс Коганэй цэцэрлэгт хүрээлэнгийн зүүн урд хаалгаар орж, BBQ-ийн талбайд хүрэлцэн ирээрэй)

Хоол хүнсээ оролцогчид өөрсдөө авна.

Энэ үеэр гар бөмбөг, хөл бөмбөг болон хөгжөөнт тоглоомууд тоглож, хөгжилдөн цэнгэх бөгөөд танилын хүрээгээ өргөжүүлэх сайхан боломжийг бүү алдаарай. Бусад таних мэдэх хүмүүстээ ч гэсэн дамжуулна уу.



Асууж тодруулах зүйл гарвал Ариунаа (080-5652-8640) болон Дэрмээ (080-5080-1525)-тэй холбоо барина уу.

Газрын зураг

Зураг дээр товшвол томорч харагдана.

Thursday, March 16, 2006

Хаврын баяраар нvд хужирлах хөтөлбөр, vзvvлбэрvvд

Home page дээр тавих хөтөлбөр, үзүүлэнгийн танилцуулгыг ийм байдлаар бичиж үзлээ.Санал шүүмжлэлээ ирүүлээрэй.

Хаврын баярын хөтөлбөр, үзүүлэнгийн хэсэг
Хаврын баярт оролцохоор ирсэн зочидоо юугаар хөгжөөж,баярын уур амьсгалыгхэрхэн зугаатай хөгжөөнтэй болгох вэ хэмээх асуудлыг бодож, төлөвлөн, зохион байгуулах ажлыг голлон хийдэг хэсэг бол “Хөтөлбөр үзүүлэнгийн хэсэг” юм. Хаврын баяр маань жил жилд тухайн жилийн онцлог болоод зохион байгуулагчдын хүсэл сонирхолыг тусгасан сэдэвийн дагуу явагддаг билээ. Энэ оны /2006 оны/ Хаврын баярын сэдвийг оюутны холбооны хэсэг нөхөдийн хамт хэлэлцээд
“Оюутан бидний хүргэх монголын өнгөрсөн болоод одоогийн тухай, тэгээд ирээдүйд”(私たち留学生が伝えるモンゴルの過去から今そして未来へ)
хэмээн тогтоцгоолоо. Энэ сэдвийг сонгосон учир нь, юуны түрүүнд энэ онд /2006/ Их Монгол улс байгуулагдсаны 800 жилийн ой тохиож буйтай холбогдуулан Монгол улс түүхийн энэ харгуйг ямар замналаар замнаж ирсэнийг эргэн харж, одоогоо дүгнэн, ирээдүйгээ хэрхэн цогцлуулах вэ хэмээн тунгаахыг чухал ач холбогдолтой юм хэмээн үзсэн явдал байлаа. Мөн түүнчлэн орчин үеийн Монгол, дэлхийн даяарчлалын нөлөөгөөр өөрчлөгдөн буй Монголын соёл, аж амьдралын тухай Японы найз нөхөддөө танилцуулж, мэдээллийн хэрэгслийн нөлөөллөөр бий болсон явцуу төсөөллийг бага ч атугай өөрчлөе гэсэн залуус бидний хүсэл эрмэлзлэлийг энэ сэдэв маань илтгэж байгаа билээ.

Энэхүү сэдвийнхээ дагуу Хаврын баяраар зохиогдох арга хэмжээнүүдийг дурдвал,
1. Тайзан дээрх тоглолт, үзүүлбэрүүд
· Монгол ардын дуу, хөгжим болоод бүжиг /Дэлгэрэнгүйг үзэх Link/
· Орчин үеийн дуу хөгжим : Дуучин Отгоо
2. Тайзнаас гадуурх хөтөлбөр, үзүүлэнгүүд
· Монголын түүх соёлыг танилцуулах “Монгол Академи” хөтөлбөр
· Монгол ардын үлгэрээр дамжуулан эх нутгийнхаа ёс заншил, аж амьдралтай танилцуулах "Монгол ардын үлгэрүүдийг сонсоцгооё" хөтөлбөр
· Өдтэй захианаас эхэлсэн Монголын өртөө, шуудангийн түүхийг өнөөгийн маркнаас уншицгаая “Монгол маркны үзэсгэлэн”
· Хүмүүн бичиг хэмээн нэрлэгдэх “Монгол бичгийн үзэсгэлэн”
· Монгол үндэсний хувцасны онцлогийн талаар танилцуулах “Монгол үндэсний хувцастай танилцан өмсөж үзэх булан”
· Монгол ардын сурган хүмүүжүүлэх ухааны томоохон хэсэг тоглоомын тухай танилцуулах “Монгол тоглоомын булан”. Энэ буланд үзэгчидтэгээ хамтран олс татах, шагай харвах зэрэг хөгжөөнтэй арга хэмжээнүүдийг төлөлвлөж байна.
· Монголын өнөөгийн дүр төрх гэрэл зургийн хальснаа, “Гэрэл зургийн үзэсгэлэн”
3. Монгол бөхийн барилдааныг сумочид маань хөгжөөж, монгол бөхийн үүслийн талаарх түүх, домгийг танилцуулах “Бөхийн барилдаан” хөтөлбөр
4.Хаврын баярын хамгийн том сюрприз- Чингис хааны тухай шинэ киног бүтээж буй Кадокава продакшнтай хамтарсан үзүүлбэр

Эдгээр хөтөлбөрүүдийг санаачлан зохион байгуулж буй нь монгол оюутнууд бөгөөд монголтой холбоо харилцаатай төрийн бус байгууллагуудын сайн сэтгэлтнүүд туслан дэмждэг билээ. Иймд оюутан залуус, Японд ажиллаж амьдардаг хэн бүхэн энэ баярт оролцох бүрэн боломжтой бөгөөд олон олон хүмүүс санаа оноогоо ирүүлж хамтран хөгжилдөх баяр болоосой гэдэг хүсэл биднийг эзэмдэн байгааг энд тэмдэглэе. Шинэ найз нөхөдтэй болж, амралтынхаа өдрийг зугаатай өнгөрүүлэхийн хамт эх нутгаа дурсахыг хүсвэл бидэнтэй холбоо бариарай.

Япон дахь монгол оюутны холбоо
Танилцуулгыг бичсэн Ариунаа байлаа.